LAMKTU 24:5 - Cho Bible Common Language 2016

⁵ Shin ah chang cu k’tüphlawh thei ciah kyihkyawk vai ah chang ah kami hmuk ci nei. Ani naw khom’dek khan ung Judah chang gui thüngphyong khai gui ah tüihtok gui ci nei. Ani cu Nazaret chang ah pati ung ng’vai tumat ah kyak ci nei.

LAMKTU 24:5 Referans Kwoze

LAMKTU 28:22

Cun ung phi chang akda naw, a hawi hawi baw, nang ah pati ah mawng cu hnu ng’tuk püi ne ng’thu ci gui nei. Cun ah kya sei nang ah pati ah mawng cu keimi naw phi kami ng’ya tu hlük ci nei” cik ci gui.

LAMKTU 24:14

Cun ung phi ngami naw kä ng’düng ciah ami pyein ah lam ung pupa gui ah Khanpughi cu ka taigü ci. Moses ah thukhän avan la prophet gui ah cacim avan cun phi ka yum ci.

LAMKTU 26:5

Ngami naw kei ami na hmat cu shou lawk ci nei. Kei cu Judah gui ah yum nak aküikyang pi k’bäih ah thukhän mah ciah pati ung Pharisee tumat ah ka kyak cu, ami saksi hlü ung saksi hning ci gui nei.

LAMKTU 15:5

Cun ung phi Pharisee pati ungka Bawipa Jesuh yum law tuk ciah chang amshah gui cu ng’düi law u ne, “Chang pakhui hei gui cu vun aat nak bi tuk khai gui, Moses ah thukhän phi läk tuk khai gui” cine kyak ci gui.

1 KORIN 4:13

Na yokshe na gui ci a om ung m’gein nak thu kami m’khäh ci. Keimi cu tuhbäichü m’dek khan ah k’shinshap, khomdek ung ng’awt ng’saup ah mäih ah kami kyak ci.

LAMKTU 21:28

Cun ah pha u netah, “Israel chang gui aw, na bi law püi gui vä, shin ah chang cu kho ng’nü ah hteit ne Israel chang gui ni, Moses ah thukhän pum im ah mawng gui ni cu päipih täitawk ne chang gui am m’theithang gui ci nei. Cun bäng ah kä kya ciah shin ah chang naw changpakhui hei gui cu pum im kyong ah law püi gui ne, ak theingcim nak pi cu shetkat sak ci nei” ci ne m’lau ci gui.

LAMKTU 5:17

Cun kawn ah Taigü tung la, apaw gui ah kyak ciah pigaw gui ah ka Sadducee gui cu ang Düihpüi gui ah khan ah ang htei ah käng yah hlü ne m’thüi u netah, ci gui vai ah k’bäi ci gui.

LUKA 23:2

Ngami naw, “Shin ah chang kami pha ah mawng cu Khanpughi-am k’phlam kä pe ba vä, cine chang gui m’cäi gui ne, amät naw amät phi ‘Kei Messiah nei, Kei ghangpughang nei’ cine kya sei, kami hmuk ci nei” cine kyak ci gui.

1 PETER 2:19

Nangmi cu Khanpughi ah ng’yak hlü nami hmat ci kyasei, kä khinkhaa ciah geinvai nak nami gah ah a kyak ung, cun ah hmawk ah Khanpughi ah m’shumphyuk nak nami gah khai nei.

1 KORIN 11:19

(Nami m’lung ngaih ang pai nak cu om khai, cun ung vah ng’düng nak cu dang lawk khai.)

LAMKTU 22:22

Chang gui naw Paul ah thu cu shin ah thu a pyein güt ngai u netah, “shin ah chang m’dek khan ah kä om tu ba sä, ngawn vä, a ghin tu ba ah kä nik ci nei” cine m’lau ne ng’pyang ci gui.

LAMKTU 6:13

Cun kawn ah hleei neh saksi khai gui phi, thäm law gui ci gui. Cun ah saksi gui naw, “Shin na chang cu Taigüim lah Moses ah ng’thu m’khän cu hnu nah neh ng’thu pyein ci nei,

LUKA 23:25

Chang akthüng phyong sak nak la chang ah ngawn nak awn thawng kyum cicu ami pyein ah mäi ah phiawn sak ci. Bawipa Jesuh läi cu ami m’hni ah ami bi vai ah ap gui ci.

LUKA 23:19

(Barabbas cu pigaw kyong ah a thüngphyong sak gui ah phäh la chang a ngawn ah phäh ah thawng kyum ci kyak ci.)

LUKA 23:5

Cun ung phi ngami naw, “shin ah chang cu Kalile kho ung tün ne Judea kho, shin ung gawk lawk khai ah chang gui m’hleei gui ne thüngphyong sak gui ci nei” cine m’lau law pi ne pyein ci gui.

MATTHE 10:25

Changshäm cun phi a bawi ah kä hlüngtai pi ci. Cun ah kiasei ng’thei tuk ci naw m’thei tuk ci k’pha ne, changshäm cu a bawi ah mäih ah a kyak tu ung yeikyai vai kyak ci. Im kyong ung ang vai pi cu, Beelyebul ah mi khü ung, im kyong ung om ciah chang hmün gui läi cu, akshe pi ah khü gui vai kyak khai.

MATTHE 2:23

Nazaret gawnu ah om tuk ci. Cun cu profet gui ah ng’thu pyein ung, “Ani cu Nazaret chang ah kyak khai nei” ciah om ci cu aküm nak ah kyak ci.

AMOS 7:10

Amaziah, Bethela ung taigü naw, Israel ghangpughang Jeroboam am ng’thu am thein law cu, “Amos naw chang gui ah ng’lung ah nang cu düm ah ning hnungtuk püi ci nei, ani ah ng’thu naw khaw cu di sak khai nei.

JEREMIAH 38:4

BAWI gui naw ghangpughang ah hteit neka ami pyen cu, “shin ah chang cu ngawn vai nei. Shinah mäih ah ng’thu pyen ne ani naw mang gaw kyong ah gakap gui cu k’tha ken sak ci. Ani naw chan gui m’htei gui vai ah a i kä bik ci, cmi nat nak vai vah ng’ya hlük ci.”

ESTA 3:8

Cun ah kyasei Haman naw ghangpughang am, am thein cu, “Na uknak ah khaw avan ung püi ne om ciah changpakhui tumat om ci, cun gui cu khopäng päng ung hmuh gui vai kyak ci, Ngami ah thungyo cu ahei chang gui ah thungyo awn kä täng ci. Ngami naw uknak khaw ung thukhän gui cu kä läk ci gui. Cun ah kyasei nang naw m’lung sau ne na om ung kä bä khai nei.

JEREMIAH 37:13

Cun ung phi kei, Benjamin m’kawt ung ka gawk law yak ung, acun ung ng’vaipi ne bii bik ciah gakap gui ah ami bawi Irijah ming nak ci, Shelemiah ah hta, Hananiah ah tu naw ng’düih sak neta, “Nang cu Babilonian chang gui täng ah na dawng ci nei!” cik ci.

MAKUH 1:24

Cun ah chang naw, “Nazaret chang Jesuh Bawipa, nang naw keimi a i ah na na ci gui hlük ci ang? Keimi na nam di gui khai ah na lawk ci ang? Nang a u ah na kyak cu ka ning hmat ci nei, nang cu Khanpughi ah Theingcim ciah shä tüih ah na kyak ci nei” cine m’lau ci.

LAMKTU 24:4

Kei naw a khin ak shou kä ka la hlük ci. Cun ah kyasei keimi naw ak tawi ah kami pyein cu nah na ngaih pek gui vai ah ka pyein hlük ci.

LAMKTU 25:7

Paul gawk law khä tah Jerusalem ah kaa lawk ciah Judah chang gui naw, ani cu k’bui u netah, thuuk ne shah ciah katnak gui k’bün ne k’sung ci gui, cun ung phi acun ah mawng saksi käm dang hlawt ci gui.