LAMKTU 24:25 - Cho Bible Common Language 2016

²⁵ Cun ung phi Paul naw, ni kyom nak ah mawng, htingling vuihgiip nak ah mawng, la gawk law khai ah m’khoichaa nak ah mawng gui cu, tän ne pyein khätah, Felix cu kyikyawk law netah, “Tuk bäi na hteit ba hning ci, cän kawn ah a khin a om nak ung ka ning khü law ba khai” cine pyen nak ci.

LAMKTU 24:25 Referans Kwoze

JOHAN 16:8

Ani a law ung m’dek chang gui ah katnak ah mawng düng nak ah mawng la Khanpughi ah m’khoichaa nak ah mawng gui cu dang sak yawp khai.

1 PETER 3:15

Nami m’lung kyong ung Bawi Khrit cu kyih aa u ne, Bawipa nei ci ne m’tamkhah vä, Ani yum ne nami ngaih u ah mawng ning shi gui ci a om ung, nami m’thein tu ge thei vai ah nami om vai nei.

2 PETER 1:6

nami Lulang nak cu htingling nak awn, htingling nak cu khüighaat nak awn, khüighaat nak cu Khanpughi ung bä nak awn,

KALATIAN 5:23

Hniphnoi nak, la küikyang htingling nak gui ah kyak ci. Shin gui hnu ng’tuk püi khai ah a i ng’thukhän phi kä om ci nei.

LAMKTU 10:42

Bawipa naw chang gui am thu k’ni kami thein vai la Bawipa cu ak si, ak ghing van m’khoichak khai ah Khanpughi naw am düih ah mawng, kami pyein vai ah khän ne nam cäi gui ci.

1 JOHAN 3:7

Ka htanau gui aw, a u naw kä ning yoshe-en ah gui sä! Bawi Khrit ang düngdau ah mäih ah düng nak bik ciah chang cu düngdau ci.

JAMES 2:19

Khanpughi tumat bäng om ciah nami yum ci, bä ci! Khoshe gui naw phi acun ah yum ne, kyi ne ng’khlet ci gui.

HEBRU 9:27

Chang cu hnü ät bäng si ne, cun kawn ah Khanpughi ah m’khawichaa nak cu gah ci.

HEBRU 4:1

Khanpughi naw mikmi am ang thu ah shaitak cu mi gah vai ah na pe gui ci. Cun ah ng’düm nak vai ah shaitaak cu phlawi düt ci tumat phi kä om men khai ah nami geing nak vai nei.

HEBRU 3:13

Nangmi cu cheishoh nak ung kä thuvi ne kä nami lingkheng-en vai ah, cacim theing naw “tuhngawi” ciah thu anam thein nak gui a om ah chuih, ak hnüüp tä sei tumat la tumat anmi hteinghtang tu vai nei.

KALATIAN 3:22

Cun ung phi, cacim naw, m’dek ah khan avan cu, katnak ah hlüngtai nak ah kaa ah om ci nei, cine pyein ci. Cun ah kyasei Bawi Khrit yum nak ung phung ciah a shaitaak ah m’shumphyuk nak cu, yum ciah chang gui naw gah ci gui.

2 KORIN 5:10

Mikmi mi van cu m’khoichaa nak mi gah khai ah Bawi Khrih ah maa ah mi gawk yawp khai. Pumsa awn mi om yah ung ak ni, ak she mi bi gui ah ciah, mi k’chaw phäh phäh cu mi gah khai.

1 JOHAN 3:10

Ashin ah mawng awn Khanpughi ah htanau la Khoshe ah htanau ah ng’lakmah nak cu ng’htei ne dang ci. Ng’düng nak kä om ciah chang, a phäinau kä m’hni ciah chang cu Khanpughi ah htanau ah kä kyak ci.

2 TIMOTHI 4:1

Khanpughi ah ma la aksi ak ghing avan ng’thumcha khai ah Bawi Khrit Jesuh ah ma ah kei naw khen ne ka ning m’thein cu, Bawipa cu Ghangpughang ah kya ci, kya ne uk khai ah kyum lawk ci nei.

2 KORIN 6:2

Khanpughi naw, “Ka ning m’htei nak gui vai ah khin a gawk law ung, Nami ng’yoih cu ka ning ngaih pe gui ci nei; Ka ning hun nak gui vai ah khin a gawk law ung, Ka ning m’htei gui ci nei” a cicu ngai yah vä. Ngai vä, Khanpughi ah m’gein nak gah nak vai ah khin cu, a tuhbäi ah kyak ci; hun nak ah hnüüp cu a tuhngawi ah kyak ci!

1 KORIN 4:5

Bawipa ah akhin kä a gawk law pha ah chuih, nangmi naw a u phi kä nami m’khoichaa en ba vai. Bawipa a gawk law ung khüt sei ak hnubäih ah m’khoichaa nak cu nami gin vai. Bawipa naw akdei law püi ne, hmüp khui ung ng’yihkuh ci gui la chang gui ah m’lung kyong ung thuhthaw gui avan cu dang sak yawp khai. Cun kawn ah chang nüng nüng naw amät awn khin ciah Khanpughi ah m’hlüngtai nak cu gah khai.

LAMKTU 24:15

Kei cu Khanpughi ka yum ci kya ne, chang k’ni, chang she, chang avan cu, sih nak kung kaa tho ba khai ah ka ngaih u ci. Acun ah mäih ah ngami naw phi yum ne ngaih u ci gui.

LAMKTU 17:32

Paul naw, sih nak ungka thawh ba nak ah mawng a pyein cu ng’ya u netah chang amshah naw päipih ci gui. Cun ung phi amshah gui naw, “Shin ah mawng na pyein cu kami ng’ya ba hlü mä ci nei” cik ci gui.

LAMKTU 17:2

Paul cu abi man ah mäih ah pum im ah hteit ne, pum hnüüp thum vei ung, cacim cu m’hlan ne tän ne pyein ne chang gui awn ng’cecäk ci gui.

LAMKTU 2:37

Cun ah ng’thu ng’yak ciah chang gui cu, ang htei ah ami lung khih gui khä tah, Peter lah a hei ang düihpüi gui am, “Phäi naü gui aw, a i ah mi kyak khai ang” cine ng’htau gui ci gui.

HEBRU 6:2

Tui hnim nak ah mawng, kut taih ah mawng, sih nak ungka thawh ba ah mawng la ak hnu bäih ah m’khoichaa nak ah mawng gui cu ning m’thei gui pyi ah kyak ci.

HAKKAI 1:2

Hlüngtasi säih ciah Bawipa naw Hakkai a pyen nak cu, “Shin ah chang gui naw Taigüim cawh ba vai ah kä khin phak ci nei, cik ci gui,” ci neta,

HABAKKUK 3:16

A cun gui ng’ya neta kei cu ka ng’hlet ci; ka kyih su ah ka m’nei phi ng’haam ci, ka pumsa phi ng’yai ci. Ka mät ah kaa ah ka khaw ka m’thuih ci. Gawk lawk khai ah akhin cu kei naw düm ah ka ngäng khai, cun cu na ng’tuk püi gui ci cu Khanpughi naw am kyuk nak gui ah kyak khai.

AMOS 6:12

Ng’se cu lungpou ah khan ah dawng man ne ang? Chang naw tuinu ah khui ah seipat awn lai thawn man ne ang? Cun ung phi nangmi naw taga nak cu m’äm tui ah nami lat ci, gei cicu nami chei sak ci.

AMOS 5:24

Cun nak vaisü ung taga ciah tuihta ah mäih ah long vä, kä ket hlawt ciah tuinu ah mäih ah ng’düng vä.

HOSEA 10:12

Kei naw ka pyen ci, ‘Nami mät ah phäh ah m’dek ak thai thawn vä. Düng nak cu geit u ne kei ah nami ng’ap nak ung m’theih pai lawk ciah hrilham cu khäm vä, Shin cu nangmi kei nami na Bawipa ah nami ng’hlah law nak ba vai ah akhin ah kyak ci nei. Kei cu law ne nami khan ah hrilham ka yuk lawn lawk khai nei.’

HOSEA 10:4

A kholä ah ng’thu u ne, kä hman ciah shaitak u ne, kä mangca phyak khai ah ami om gui, taga nak cu kä taga nak ah kya law ne loma ah m’gui man ah ng’shun a däm law ah mäih ah kyak ci.

HOSEA 7:5

Ghangpughang ah pawi hnüüp ung ngami naw ghangpughang la bawi gui cu sapyit tui tu ne awktat sak u ne gu sak gui ci gui.

DANIEL 12:2

Si pyi ciah chang gui akda cu ghing ba khai gui, amshah cu angtäi ghin nak ung yeikyai khai gui, amshah cu angtäi thüisei nak ung yaica khai gui.

DANIEL 4:27

Cun ah kyasei ghangpughang aw, kei ah m’cäicat nak cu läk ä. Hmakat nak cu nawng ne düng nak cu bi ä, dukhaih cicu chimgein ä. Cun kawn ung nang cu k’täi ne na bühmang khai nei.”

EZEKIEL 45:9

Uktu Bawipa naw pyen ci, “Nangmi Israel uktu gui, katnak nami bi cu shou law aih ci nei! Nami cawi m’sa nak la nami yawshe nak cu ng’düm vä. Hman ci la taga cicu bi vä. Nangmi naw kei ah ka chang gui cu ami khaw ungka kä nami k’täm ba gui ah hlawt khai. Kei, uktu Bawipa naw, shin ah ka ning m’thein nei.

JEREMIAH 23:29

Kei ah ng’thu cu mei ah mäih ah kyak ci, lung khui khai ah shuk ciah ng’kii ah mäih ah kyak ci.

ISAIAH 61:8

Kei naw taga nak cu ka m’hni ci, shedam nak la cheishoh nak cu ka thüi nak ci. Kei naw ka chang gui ung bekhüt ka m’cümhnah gui khai, Nangmi awn ng’täi ciah thukhän ka bik khai.

ISAIAH 55:6

Bawipa ah ng’hlat ne, ani ah k’taigü vä, Tuhbäi ani cu ng’et pyi ci nei.

ISAIAH 41:21

Bawipa, Israel gui ah ghangpughang naw shin ah pyen ci: “Nangmi, chang pakhui gui ah khanpughi gui, nami mawngmaw cu m’dang law vä. Akbä pikbäih nami pyen nak hlü cu law püi vä!

ISAIAH 32:11

Nangmi cu, a yäi ah nami ghing om ci, ng’ä ai nak kä om ci; Cun ung phi tuh bäi, kyi ne ng’hlet vä! Nami sui sak gui sut u ne, pyonshe awn nami khei k’htün vä.

ISAIAH 16:5

Cun kawn ah David ah hta ng’shon ungka tumat cu ghangpughang ah kya lawk khai, ani naw chang gui cu bekhüt nak la m’hni nak awn uk gui khai. Ani naw hman cicu ang ghit ah bik khai nei, ani naw taga ciah bi cu teng khai nei.)

ISAIAH 1:21

Bekhüt mante ciah mang gaw u chaung pletah mäih ah kyak ci nei! Chang düng gui ah be nak man ung tuhbäi Chang ngawn ci gui bäng ah kyak ci nei.

HEBRU 12:21

Cun ah hmuh teng gui cu ang htei ah cäicat vai kya khätah, Moses naw, “Kei cu ng’khlet ne ka kyik ci nei,” cine pyein ci.

ROMAN 14:12

Cun ah kya sei chang ah hta mi van naw, mi bilawh om ih phung cu, Khanpughi ah maa ah pyein ne mi m’thein khai nei.

ROMAN 12:1

Cun ah kya sei phäi nau gui aw, Khanpughi naw a nam gein nak gui cu däm aih ci kya sei, kei naw ka ning m’cäi gui hlü cu: Ak ghing ah m’küi m’khän nak ah Khanpughi ung ng’ap u ne, a khuut bi nak ung ngün kyük ne nami yei vai nei. Cun cu nang mi naw nami ng’ap nak cu akcang ah khawihnah nak ah kyak ci nei.

ROMAN 2:16

Cun ah kya sei, kei naw ka ng’shäu ah Thu Ni ah pyein ah m’khoichaa nak ah kho hnüüp ung Khanpughi naw, Bawipa Jesuh Khrit awn chang gui naw m’yih ne ami ngaih-tüh gui phung cu, m’khoi m’cha ne m’dang yawp khai nei.

LAMKTU 26:28

Akrippa naw Paul am, “Nang naw kei cu, a shäng hta ung khritha ah na na kyak sak khai ah na ngai ci maa?” cine pyen nak ci.

LAMKTU 17:13

Cun ah Paul naw Berea gawnu ung Khanpughi ah Thu Ni a pyein ah mawng cu Thesslonika ah Judah chang gui naw ng’ya u netah, Berea ah law u ne chang gui cu touk ne thüngphyong sak ci gui.

LAMKTU 9:6

Acun ah k’aw naw, “Kei cu nang naw nak dudeiu nak ah Jesuh nei, cun ung phi tuk bäi ng’düi law ba neh, pigawnu kyawng ah hteit ä, cun kawn ah na bi vai cu na hmat lawk khai nei” ci neh kyak nak ci.

MATTHE 22:5

Cun ung phi ami khü gui ah chang gui cu, khü lawk ciah chang gui a i ah kä tä ne, tumat cu lo ah hteit ci.

DANIEL 5:30

A cun ah mü ung Babilon ghangpughang Belshazzar cu ngawn ci gui;

JEREMIAH 22:3

Kei, Bawipa naw ka ning thumkhän gui ci, taga ci la dung cicu nami bi vai. Nangmi naw ami m’hleei ah chang cu m’hleei ciah chang ungka nami shungvong vai. Akhohei chang gui, hmeihta gui, hmei nu gui cu, akshe ah kä nami om nak gui vai, kä nami shedam nak gui vai: shin ah theing-cim ciah hmun ung changni gui cu kä nami ngawn gui vai.

ISAIAH 66:2

kei ka mät naw khopuui avan cuka tüisho nei! Am lung neim sak ne, ng’yu vat ba ne, kei na kyih aa ne, na läk ci gui ah khan ah ka yeikyai ci nei.

ISAIAH 1:18

Bawipa naw pyen ci, “Tuhbäi amawng ama mi pyen khai. Nangmi cu katuak ah sisen nawn nami ng’hläuk ci, cung ung phi khüi bawk vaisü ah theing kiah khai ah ka ning m’si gui khai. Nangmi cu lelawinak awn sisen ah nami kiakung phi. Htawmu ah mäih ah nami bawk khai nei.

THUSHÄUTU 12:14

Mi bi nü nü, aka, m’zih ne bi gui avan cu Khanpughi naw m’khoichak khai nei.

THUSHÄUTU 11:9

Chang nong gui, nami nong yah ung hüithaw vä. Nami hmaw yah sang ung yeikyai vä. Nami bi hlü cu nami bi vai nei, nami m’lung ah ng’yak hlü cu nami läk vai nei. Cun ung phi nami bi nak phung ung Khanpughi naw ning ng’thumcha gui khai ci cu, nami shüm vai nei.

THUSHÄUTU 5:8

Acoyah naw dukhaih ci shedam ah ne, taga nak la ami chaw cu ma na gui sei, nami hmuh ung kä nami cäicat vai. Bawi päng cu amät ah khan ung om ci naw shung vong ci, a cun goi cun phi ani khan ung om ciah bawi naw shungvong ba goi ci.

NG'THU K'THUUK~ 16:12

Ghangpughang naw akshe cu kä m’gein hning ci, a i ah kyasei ci ung taga nak naw uk nak cu khüighat sak ci.

SAM 119:120

Nang ah hmawk ah kei ka kyik ci, na m’khoi m’cha nak ah hmawk ah kyih nak awn ka be ci.

SAM 99:1

Bawipa cu ghangpughang nei! Chang gui naw kyih aa u sä. Ani cu Cherubim ah khan ah amawng kyang ung ngok ci nei, khomdek cu thüng sä.

SAM 72:2

Cun ah kyasei ani naw na chang gui cu ni nak awn uk gui ne, dukhaih ci gui cu düng ci gui cu düng nak awn m’htei gui khai.

SAM 45:7

Nang naw düng nak cu na m’hni ci, akshe cu na gen ci. Cun cu Khanpughi, na Khanpughi naw a ning ghü ah kyak ci, Ani naw a hei ghangpughang gui ah mä, bä pi ciah yeikyai nak awn ning shawi ci.

SAM 11:7

Bawipa cu düng ne düng ne bi nak cu m’hni ci; Düng ciah chang gui naw ani ah hmai cu hmuk khai gui.

JOB 29:14

Kei cu angtäi sei taga khai a, theing khai ah ka hnüntho ci.

EZRA 10:9

Hnüüp thum ah kyong ung acha kaw nak ah a hnüüp m’ku nak ung, Judah khopäng la Benjamin khopäng ung om ciah pami avan cu Jerusalem ah law u ne, Taigüim k’um ung ng’bum ci gui. Cun yah ung khaw ang htei ah aa sei, khokhi aa ah phäh la ami civui aküikyang ah phäh ah chang päng cu ng’khlet ci gui.

EZRA 10:3

Tuhbäi ung mikmi naw shin ah hnumi gui la ami hta gui cu ahei ah kami k’täm gui khai nei cine, mi Khanpughi ah ma ah aktung ah shaitak mi bik khai nei. Khanpughi ah thumkhän m’tamkhah ciah nang la ahei gui naw bi vai ah nami pyen ah kami bik khai nei. Khanpughi ah thumkhän naw ak thäh ah mäih ah keimi naw kami bik khai nei.

2 GHANGPUGHANG GUI 22:19

Nang cu ng’yuu ba ne, kei ah ma ah na m’lung na ng’neim sak ci, kei naw Jerusalem la a chang gui, ka m’kyuk gui khai, cicu ng’ya neta na sui k’teek ne, na kyap ci. Kei naw cun cu kyihkyawk vai ah ka bik khai, shin ah hmun ah aming cu chang gui naw plah tam nak ah mang khai gui. Cun ung phi nangmi ah taigü cu kei naw ka ng’yak ci,

1 GHANGPUGHANG GUI 21:27

Elijah naw ng’thu a pyen yawp ung, Ahab naw a sui gui k’teek ne, suut ne, suishe gui sui ci. Ani cu ei kä ei ne, suishe awn ip ne, thüi nei ng’üüp ne hteit hton ci.

2 SAMUEL 23:3

Israel Khanpughi naw ng’thu pyen ci; Israel gui shungvong ci naw ana pyen nak cu, “Taga khai ah uk ciah ghangpughang, Khanpughi ng’ngai neta uk ciah chang cu,

1 SAMUEL 12:7

Tuhbäi nami om nak ung nami ng’düih vai, nami pupa gui la nangmi ning hun gui khai ah Bawipa ah küika ciah hnün thawh nak avan ka ning m’shüm thein nak ba gui ah Bawipa ah ma ah kei naw ka ning chah gui khai.

LAMKTU 24:26

Cun kawn ah phi Felix cu Paul naw ak phiawn vai ah ngui pek khai ah ngai natah a shängshäng khü ne ng’thu püi ci ci.

JEREMIAH 36:16

Ani naw a phat kawn ah, ngami cäi u ne ng’teng tu u neta, Baruk cu pyen nak ci gui, “Keimi naw shin cu ghangpughang am kami m’thein khai.”

TITUS 1:8

Ani cu khin m’htei ci, ak ni m’hni ciah chang ah kyak khai. Ani cu htingling ci, düng ci, theingcim ci, pyein ah om ciah chang ah kyak khai.