LAMKTU 24:24 - Cho Bible Common Language 2016

²⁴ Kho hnüüp a pi shou law khätah Felix cu ak chu Drusilla awn atäng ah lawk ci goi. Drusilla cu Judah hnumi ah kyak ci. Felix naw Paul cu khü sak gui netah, Bawi Jesuh Khrit yum nak ah mawng a pyein gui cu ngai ng’yak ci.

LAMKTU 24:24 Referans Kwoze

LAMKTU 20:21

Judah chang gui am phi bäi, changpakhui hei gui am phi bäi, Khanpughi ah ma ah ami katnak ng’yu ba u ne, Bawipa Jesuh cu ami yum vai ah kheing ne ka m’thein gui ci.

KALATIAN 2:16

Chang cu Bawi Jesuh Khrit a yum nak bäng awn Khanpughi ung ng’düng nak gah ci, ng’thukän a läk nak awn ah kä kyak ci. Keimi cun phi Bawi Khrit Jesuh yum nak awn, Khanpughi ung düng nak gah vai ah, Bawi Khrit cu kami yum ah kyak ci, thukhän läk nak awn ah kä kyak ci. A u chang phi thukhän läk nak awn Khanpughi ung düng nak kä gah hlawt ci.

THU PHLAAN 14:12

Khanpughi awn ng’thu k’bääi ne, Bawipa Jesuh ung bekhüt ciah Khanpughi ah chang gui cu, acun ah khin ung m’khüt näng nak vai hlü ci nei.

JUDE 1:3

Kam’hni ah Teihpüi gui aw, kei naw nangmi am mi van naw yum ne mi dou ah hun nak ah mawng, ca ka ning guk gui vai ah ka k’tha na te ci. Cun ung phi Khanpughi naw ak chang gui am m’khäm ne a ap gui ah yum nak cu khäng htek khai ah nami ghunkhawn vai ah ang ghit ah ca gu ne, nangmi am k’thagui ning peit gui vai cu hlü lawk ci.

1 JOHAN 5:1

Bawi Jesuh cu Messiah nei cine yum ciah chang phung cu, Khanpughi ah hta ah kyak ci. Pa Khanpughi m’hni ciah chang naw ani ah a hta cun phi m’hni ci.

KALATIAN 3:2

Khanpughi ah Mumcha nami gah nak cu, thukhän nami läk nak awn ang? Kä cun ung Thu Ni ngai ne nami yum nak awn ang? m’hlan ne nami pyein vai nei!

KALATIAN 2:20

Cun ah kyasei kei kä ka ghing ba ci, Bawi Khrit cu kei ung ghing ci. Tuhbäi ka ghin nak cu Khanpughi ah Htapa ka yum nak awn ka ghin ah kyak ci, cun ah Htapa naw kei nam hni ne, kei ah hmawk ah a hnun gui pe pyi ci.

LAMKTU 26:22

Cun ung phi tuk ngawi ung khüt khai ah Khanpughi naw nam htei sei, ak pyam, ang mang, chang khli ah ma ah, ka saksi ci nei. Moses la prophet gui ah ng’thu pyein ah mäih bä bä ah;

LAMKTU 16:31

Ngami naw, “Jesuh Bawipa cu na yum vai, cun ung na mät la na kyong ungka gui nami van naw hun nak nami gah khai” cine m’thein ci gui.

LUKA 23:8

Herod cu Bawipa Jesuh hmu law netah, ang htei ah yei ci. Ani cu Bawipa Jesuh ah mawng ng’ya pyi ci kya ne a hmuh nak hlü phi shou lawk ci. Ani cu cäi aih vai gui, Bawipa Jesuh naw abi ung teng tuk khai ah ngaih u ci.

LUKA 19:3

Ani naw Bawipa Jesuh a i ah mäih lawk ci ang cine, a hmuh tu vai ah k’tha nak ci. Cun ung phi ani cu tawi hta ci kya ne, chang da aih khätah Bawipa Jesuh cu kä hmu tu hlawt ci.

MAKUH 6:20

Johan cu chang k’ni la chang theing ah a kyak ah mawng cu Herod naw hmat netah, ani cu kyih ne akni ah om sak ci. Herod cu Johan ah ng’thu pyein ang yak tu päng ung, am lung kyong cäi ng’ä ne a kyak pang ung phi, yeikyai ne ngai tu hlük ci.

LAMKTU 24:25

Cun ung phi Paul naw, ni kyom nak ah mawng, htingling vuihgiip nak ah mawng, la gawk law khai ah m’khoichaa nak ah mawng gui cu, tän ne pyein khätah, Felix cu kyikyawk law netah, “Tuk bäi na hteit ba hning ci, cän kawn ah a khin a om nak ung ka ning khü law ba khai” cine pyen nak ci.