LAMKTU 24:22 - Cho Bible Common Language 2016

²² Felix cu a mawng a ma hmat ciah chang ah kya ne, ang shica nak gui cu ng’düm sak gui netah, “Gakap ng’vaipi Lisias gawk law khätah ning ng’thumcha peit gui vai nei” cine pyen na gui ci.

LAMKTU 24:22 Referans Kwoze

LAMKTU 26:3

Nang naw Judah chang gui ah thung man la ami ng’cuhcan gui man cu na hmat pyi ci. Cun ah kyasei kei ah thu pyein tu ba cu hnimgei nak awn nah na ngaih pet vai ah ka ng’ya hlük ci nei.

LAMKTU 25:26

Nang ghangpughang ah ma ah ani ah mawng cu, kei naw a khenggeng ah ka pyein vai i kä om ci nei. Cun ah kyasei ani cu nami ma ah ka law püi ah kyak ci nei. Nang ghangpughang ah ma ah ak tung ah ka ning ap lawk ci nei. Shin ah ka law püi cu, nang ghangpughang naw ng’shi ci tah kei naw ca ka guk vai mawng ang dang vai ah hmawk ah kyak ci nei.

LAMKTU 24:24

Kho hnüüp a pi shou law khätah Felix cu ak chu Drusilla awn atäng ah lawk ci goi. Drusilla cu Judah hnumi ah kyak ci. Felix naw Paul cu khü sak gui netah, Bawi Jesuh Khrit yum nak ah mawng a pyein gui cu ngai ng’yak ci.

LAMKTU 24:14

Cun ung phi ngami naw kä ng’düng ciah ami pyein ah lam ung pupa gui ah Khanpughi cu ka taigü ci. Moses ah thukhän avan la prophet gui ah cacim avan cun phi ka yum ci.

LAMKTU 24:10

Gawmang naw nüt ne Paul am pyein tu ba sak khä tah, Paul naw, “Nang naw shin ah kho chang ah khan ah, khokum ak shou ung m’khoicha nak na bi law cu ka hmat ci nei. Tuk bäi ka mät ng’küikyan ne akcang ka pyein tu ba ah phäh ah phi ka yei ci nei.

LAMKTU 24:6

Pum im cun phi shetkat sak khai ah k’tha nah khä tah kami pha nei. (Keimi naw ani cu thukhän awn m’khoichaa vai ah ng’ya hlü u ngäh sei phi,

LAMKTU 18:20

Chang gui naw ngami ah a om tu shou cang vai ah chou u sei phi, Paul naw ma nah gui netah,

THULÄÄN NAK 19:18

Suki gui naw a mawng cu ng’kheing khai ah ami däät vai. Chang tumat naw a Israel chang paw cu ling ne ng’gu akbün ah a kyak ung,

MATTHE 2:7

Cun kawn ah Herod ghangpughang naw hmuhmat chang gui cu a düm ah khü gui netah, aisi ah ang dang law nak ah akhin cu, ang khai ah ng’shi gui ci.

LAMKTU 9:2

Bawipa ah hnu läk ciah hnumi, pami avan a hmuh ung phah neh Jerusalem ah alaw püi nak hning vai ah ap nak ah ca cu, Damaskas ah pum im gui ah ami guk vai ah vah pyein ci.

LAMKTU 19:40

Tuk ngawi thüngkyüng thüngphyong nak shi, mikmi am nam suh gui hning ci gui nei. Shin ah thüngkyüng nak vai ah a mawng i kä om ci, thüngkyüng nak ah mawng ami nam dang sak gui ung kä mi m’dang hlawt khai nei” cine pyein ci.