LAMKTU 24:15 - Cho Bible Common Language 2016

¹⁵ Kei cu Khanpughi ka yum ci kya ne, chang k’ni, chang she, chang avan cu, sih nak kung kaa tho ba khai ah ka ngaih u ci. Acun ah mäih ah ngami naw phi yum ne ngaih u ci gui.

LAMKTU 24:15 Referans Kwoze

DANIEL 12:2

Si pyi ciah chang gui akda cu ghing ba khai gui, amshah cu angtäi ghin nak ung yeikyai khai gui, amshah cu angtäi thüisei nak ung yaica khai gui.

THU PHLAAN 20:6

Cun ah ak htük ung tho ba ci gui cu yeikyai nak la hlüngtai nak awn kümbe ci gui. Hnih vei sih nak naw ngami kä k’phaa tu ba gui khai. Ngami cu Khanpughi la Bawi Khrit ah k’taigüi ah kya u ne, Bawi Khrit awn a täng ah khokum phiaa ghaa ung uk tuk khai gui.

PHILIPPIAN 3:21

Bawipa naw amät ah uknak kaa ah, ang tüi avan a gawk nak sak ah, a hlüngtai nak awn shetka thei ciah pumsa cu bämang ciah amät ah pumsa ah mäih ah na ng’thawng sak gui khai nei.

LAMKTU 24:21

Kä cun ung phi kei naw kawngsi ah m’hlan ne ka pyein tuba yah ung, “Kei naw sik ciah chang gui tho ba khai ciah ka ngaih u ah hmawk ah tuk ngawi nami na cet ah kyak ci nei” cine m’lau ne ka pyein ah kawn ah a hei ka hma nak a om ah ngami naw tuk bäi pyein u sä” cine pyein ci.

MATTHE 25:46

Cun na kyasei ngami cu angtäi ah shetkat nak gah khai gui. Düng ciah changnigui läi cu angtäi ghin nak kho ah gawk khai gui.

LUKA 14:14

Cun ung nang ah khan ah yeikyai nak om khai, a i ah kya sei ci ung ngami naw nang cu kä ning tumbei tuba hlawt khai gui. Chang k’ni gui sih nak ungka ami thawh law ba hnüüp ung na bi nak cu Khanpughi naw ning m’thung ba khai.

JOHAN 11:24

Mahta naw, “Ak hnubäih kho hnüüp sik ci gui ami thawh law ba ung, tho ba ne ghing ba khai ah ka hmat ci nei” cine pyein ci.