LAMKTU 24:12 - Cho Bible Common Language 2016

¹² Taigü im ung phi bä, pum im gui ungphi bäi, pigaw kyong ah phi bäi, chang gui thüngphyong khai gui ah kei naw ka tüih tok cu Judah chang gui naw kä hmuh man khai gui nei.

LAMKTU 24:12 Referans Kwoze

LAMKTU 25:8

Paul naw, “Kei naw, Judah chang gui ah thukhän ah khan ah phi bäi, Pum im ah khan ah phi bäi, ghangpughang ah khan ah phi bäi, ka shetkat nak tumat hta phi kä om ci,” cine m’hlan tu ba gui ci.

LAMKTU 28:17

Hnüüp thum lüng khä tah Paul naw cun ah gawnu ung om ciah Judah chang ng’vai gui khü gui ci. Ngami cu law ne ng’cut law u khätah, Paul naw, “Israel chang phäi nau gui aw, kei naw mi mät ah pakhui ah khan ah phi bäi, mi pupa gui ah thung man gui ah khan ah phi bäi, m’shetkat ne a i phi ka bi lawh kä om lang sei, kei cu Jerusalem ah Jew chang gui naw na pha u netah, Rom chang gui ah kut ung na ap ci gui nei.

LAMKTU 24:18

Taigüim kyong ah kei cu theingcim nak ka bi kawn ah, peit taak nak ka bi law yah ung, ngami naw kei cu na hmuk ci gui. Cun yah ung chang a u kä om ci, thüngphyong pamcai nak phi i kä om ci.

LAMKTU 24:5

Shin ah chang cu k’tüphlawh thei ciah kyihkyawk vai ah chang ah kami hmuk ci nei. Ani naw khom’dek khan ung Judah chang gui thüngphyong khai gui ah tüihtok gui ci nei. Ani cu Nazaret chang ah pati ung ng’vai tumat ah kyak ci nei.

MAKUH 9:14

Bawipa Jesuh la ang düihpüi thum gui cu, a hei ang düihpüi gui ah om nak ah gawk law ba u netah, chang khli naw anak bui gui sei hmuk ci gui. Amshah thukhän saya gui la ana om ciah ang düihpüi gui cu ng’kük net ne ng’thu pyein ci gui.

JOHAN 18:21

Cun ah kyasei a i vai, k’cet ne kei cu na na ng’shi ang? Kei ah m’theithang ngai ng’yak ci gui cu ng’shi gui ä, kei naw a i ah kam theithang gui cu ng’shi gui ä, ngami naw hmat ci gui nei” ci ne pyen nak ci.