LAMKTU 23:9 - Cho Bible Common Language 2016

⁹ Ami ng’vookshan ah k’aw cu ng’shawng law pi k’täi khätah, Pharisee pati ungka thukhän saya gui cu ng’düi law u ne, “Shin ah chang ung hmakat nak i kä om ci, khankho chang naw baw, mümcha naw baw ng’thu m’sak ci ah kyak khai” ci ne ng’küükneet ne ng’cuh ci gui.

LAMKTU 23:9 Referans Kwoze

LAMKTU 22:7

Kei cu m’dek ung kyu ne ng’yän netah, “Soul, Soul, a i ah kya sei kei cu nah na k’dudeiu nak ang” ciah k’aw cu ka ng’yak ci.

JOHAN 12:29

Cun yah ah ng’düi tuk ciah chang gui cu acun ah k’aw ng’ya tu u netah, chang amshah naw, “Kho ang hmum nei” cik ci, chang anshah naw, “Khankho chang naw ani cu yuk thu püi ci nei” ci sei ami mät ng’thu ci gui.

LAMKTU 26:31

Cun ah ng’düi law ne ami hteh ba kawn ah, “shin ah chang cu sih nak kä cun ung thawng kyum nak khin vai ah katnak abi kä om ci” cine ami mät ng’htau ci gui.

LAMKTU 25:25

Ani naw sih nak khin vai ah katnak a bi tumat phi kei naw kä ka hmuk ci nei. Cun ung phi a mät naw ghangpughang ah ka ng’coi ng’paa khai ci sei, nang ghangpughang ah law püi vai ah ka k’bäi ah kyak ci nei.

LAMKTU 23:29

Ani ung sih nak vai katnak la thawng cun nak vai ah kat nak, a pi phi a om kei naw kä ka hmuk ci. Judah chang gui naw ani cu ami mät ah thukhän nawn m’kat ne ami k’sung ah kya ci.

MAKUH 2:16

Acun ah khon look ci gui la changshe ah ami khoikhei gui awn a täng ah ami ei awk cu pharisee ah kyak ci gui ah thukhän saya gui naw hmu u netah, “A i ah kyasei shin ah changshe gui awn a täng ah a ei awk ang” cine ang düihpüi gui cu ng’shi gui ci gui.

NG'THU K'THUUK~ 16:7

Bawipa cu nami yei nak ah a kyak ung, nami gaa cu teihpüii ah nami pyang hning khai.

1 KORIN 10:22

Mikmi naw Bawipa cu mi m’thüi m’ khang nak khai ang? Mikmi cu Bawipa ah mä mi khüighaat pi ciah mi ngai ne ang?

LAMKTU 27:23

Kei ah ka Bawi, kei naw ka taigü ah Khanpughi ah khankho chang cu, yanmü kei ah law netah,

LAMKTU 23:8

(Sadducee gui naw, sih nak ungka thawh nak ba kä om ci, khankho chang phi kä om ci, mümcha phi kä om ci, cik ci gui. Cun ung phi Pharisee gui naw cun ah thum avan om ciah yum ci gui.)

LAMKTU 11:17

Khanpughi naw Bawipa Jesuh Khrit mi yum ci gui am m’gein nak ana peit gui ah mäih ah akhui hei gui am phi a peit gui cu dang ci nei. Cun ah kyasei kei cu a i ah kya ne phi Khanpughi cu kä ka maa na hlawt khai” cine pyein ci.

LAMKTU 9:4

Ani cu khomdek ung kyu neh ng’yän netah, “Soul, Soul? a i ah kiah sei kei nah na k’dudeiu nak ang?” Ciah k’ä cu ng’yak ci.

LAMKTU 5:39

Ngami ah ngaih-tüh bilawh gui cu, chang ah pawng püi ah a kyak ung maih ne ng’kawn khai nei, cung phi cun gui cu Khanpughi ah ngaih tüh bilawh gui ah a kyak ung, nangmi naw kä nami m’dimdap gui hlawt khai, nangmi cu Khanpughi nami hnung’tuk püi ciah kyak lawk khai nei” cine pyein ci gui.

LUKA 23:22

Pilat naw, “Ani naw a i katnak ang a bi? Ani ngawn nak vai ah katnak tumat phi kä ka hmuk ci. Cun ah kyasei ani cu htung awn that ne m’cäi netah ka tüi ba khai” cine ak thum vei nak ah pyein ci.

LUKA 23:4

Cun kawn ah Pilat bawi naw, taigüpa gui la chang khli gui-am, “Shin ah chang hniim nak vai ah a mawng kä ka hmuk ci nei” cine kyak na gui ci.

LUKA 5:30

Pharisee gui la Thukhän saya gui naw, “A i ah kyasei a khon look ci gui la changshe gui awn a täng ah nami ei awk ang?” ci ne k’she na gui ci gui.

1 SAMUEL 24:17

Cun kawn ah ani naw David am, “Nang na hman ci, kei ka hma ci. Nang cu kei ah khan ah na ni aih ci, cun ung phi kei naw shin ah mäih ah a hma nang ung ka bik ci!

1 SAMUEL 12:5

Samuel naw pyen ba ne, “Kei chang ni akbe ah ka kiak, nangmi naw nami na hmuh nak ah mawng ung, Bawipa la aghü ah ghangpughang cu tuhngawi saksi ah kyak khai goi” cik ci. Ngami naw, “Ä, Bawipa cu mikmi ah saksi nei” cik ci gui.

JEREMIAH 26:16

Cun kawn ah angvai gui la chang gui naw taigü gui la prophet gui ami pyen nak gui cu, “Ani naw Bawipa mi khanpughi ah min gung mi khan ah ng’thu pyen ci; ani cu ngawn vai ah kä kyak ci.”

LAMKTU 22:6

“Kei cu lam ka hteit te ci, Damaskas gawnu kak et law yah, hnüüp lunglai khin ung khankho ah kaa ak dei nu cu ang ghit ah kia law ne, veing ne na shü lawk ci.