LAMKTU 23:35 - Cho Bible Common Language 2016

³⁵ “Nang ning chak ci gui gawk law u khä tah ka ning shik khai” cine pyen nak ci. Cun kawn ah Paul cu Gawmang ah mang im kyong ah ngoh sak ne ami ngäng vai ah m’cäi gui ci.

LAMKTU 23:35 Referans Kwoze

LAMKTU 23:30

Judah chang gui naw ani ngawn khai gui ah ami pawngpüi cu hmat netah, acun vai am nang ah ka tüih law ah kyak ci nei. Cun ah chang gui naw phi ami ng’chaak nak ami pyein hlü cu nang ah ma ah ami pyein vai ah ka k’bäi gui nei” ciah om ci.

LAMKTU 25:16

Kei naw, ami chak ah chang tumat cu, chak ci gui ah chang gui awn mik hmai ng’chum sei kä ng’hmu sak ah, ngami ah chak nak ah mawng cu am hlan nak tu ba gui vai ah, a khin kä peit ah, k’sung ne m’kat cu, Roman thung ah kä kyak ci, cine kam thein gui ci.

MATTHE 27:27

Pilat ah gakap gui naw, Bawipa Jesuh cu bawi ah mang im ah hteih püi ci gui. Gakap-mo mawng ät ami van naw Bawipa Jesuh cu k’bui ci gui.

LAMKTU 24:22

Felix cu a mawng a ma hmat ciah chang ah kya ne, ang shica nak gui cu ng’düm sak gui netah, “Gakap ng’vaipi Lisias gawk law khätah ning ng’thumcha peit gui vai nei” cine pyen na gui ci.

LAMKTU 24:19

Cun ung phi cun sang ung, Asia kho ah kaa lawk ciah Judah chang am shan gui om ci gui. Kei am k’sung vai katnak om ci a kyak ung shin ung ami mät law u ne,

LAMKTU 24:10

Gawmang naw nüt ne Paul am pyein tu ba sak khä tah, Paul naw, “Nang naw shin ah kho chang ah khan ah, khokum ak shou ung m’khoicha nak na bi law cu ka hmat ci nei. Tuk bäi ka mät ng’küikyan ne akcang ka pyein tu ba ah phäh ah phi ka yei ci nei.

LAMKTU 24:1

Ak hnüüp hma hnüüp ung taigütung Ananias cu ang vai gui awn, ng’Thukthei Tertullus cu khah püi ne Sisaria ah gawk law ci. Ngami cu Gawmang Felix ah ma ah law u ne, Paul cu kat nak k’bün ne k’chak ci gui.

JOHAN 18:28

A ngawi ung kho ngawi hta Bawipa Jesuh cu, Kaiaphas ah im ung kaa naw, gawmang ah im ah hteh püi ci gui. Jew chang ng’vai gui cu phiawn nak mü ei ami ei vai ng’et law sei, ami mät naw ami mät ami yum nak lam awn theing sak hlü u netah gawmang ah im kyong ah kä lut tuk ci gui.

MATTHE 2:16

Herod cu hmuhmat chang gui naw ami theileh nak hmat netah ang htei ah m’lungshe ci. Cun ah kyasei ngami ah m’thein tu ah aisi ang dang nak ah khin cu m’khin ba netah, Bethlehem gawnu la apei ung pigaw gui ung kaa, a khokum kum goi la kum goi ah k’hmaw ba ciah ak hmaw gui cu avan ngawn sak gui ci.

MATTHE 2:3

Acun ng’ya u netah Herod ghangpughang la Jerusalem ah chang gui cu cäicat yawp ci gui.

MATTHE 2:1

Bawi Jesuh cu Judea kho, Bethlehem gawu ah, Herod ghangpughang ah uk yah ung ami hta nak ah kyak ci. Cun yah ung hnilaw lam ah kaa, aisi läk lawk ciah hmuhmat chang gui cu, Jerusalem ah gawk law u netah,

JEREMIAH 38:13

Ngami naw tui shawk ungka na zu chaang tuba ci gui. Cun kawah kei cu mang im väng kyong ah na om sak a gui.

LAMKTU 24:23

Paul cu ngäng ne m’htei sak gui ne, a paw chang gui naw ami teng m’kein m’hteihtang vai phi yum ne m’cäi gui ci.