LAMKTU 23:24 - Cho Bible Common Language 2016

²⁴ Paul hmawk ah k’se gui phi nami pawngpüi ge vai. Cun kawn ah ani cu m’htei ne Gawmang Felix ah nami hteh püi vai nei” ci ne m’cäi gui ci.

LAMKTU 23:24 Referans Kwoze

LAMKTU 25:14

Ngami ak shou ani om tu kawn ah Festus naw, Ghangpughang am Paul ah mawng cu m’thein tuk ci. Festus naw, “Shin ung Felix naw thawng ung a chum shüt ah chang tumat om ci.

LAMKTU 24:10

Gawmang naw nüt ne Paul am pyein tu ba sak khä tah, Paul naw, “Nang naw shin ah kho chang ah khan ah, khokum ak shou ung m’khoicha nak na bi law cu ka hmat ci nei. Tuk bäi ka mät ng’küikyan ne akcang ka pyein tu ba ah phäh ah phi ka yei ci nei.

LAMKTU 23:26

“Klawdius Lisias naw Gawmang Felix ah chang m’sui nak awn ca gu lawk ci nei.

LAMKTU 23:33

K’secum gaakap gui cu Sisaria ah gawk u netah gakap ng’vaipi ah ca cu Gawmang am pe u ne, Paul cun phi ap ci gui.

LUKA 10:34

Ani cu a pei ah hteit ne ak hma leim gui cu tui la sapyit tui gui awn, m’si pe ne akni ah hlawp tu netah, ang se ung taih ne ng’et ciah im ah hteh püi ne m’hteit tuk ci.

LUKA 3:1

Ghangpughang Tiberius ah uknak khokum gha-lei-hma alaw sangung Pontius Pilat naw Judea uk ci. Herod naw Kalile uk ci, a nau Philip naw Iturea la Trachonitis uk ci, Lisanias cu Abilene uktu ah kyak ci,

MATTHE 27:2

Cun kawn ah Bawipa Jesuh cu khit netah, Roman bawi Pilat ah hteh püi ci gui.

ESTA 8:12

Cun ah k’bäi nak cu Persian uknak khaw avan ung Jew gui ngawn gui vai ah ami k’bäi nak ah a cha gha lei goi nak ah Adar cha, a hnüüp gha lei thum nak ung küm khai.

NEHEMIAH 2:12

Kei naw Jerusalem ah phäh ah ka bi vai ah Khanpughi naw ana m’shumphyuk cu, kei naw a u am kä ka m’thein ci. Khomü cawih ah tho law ne ka chang gui api khah püi gui ne akpung ah ka hteit ci. Kei ah ng’cuum nak ka laa tumat bäng kami hteh püi ci.

LAMKTU 23:25

Shekshen bawi naw ca phi gu ne pe gui ci. Cun ah ca ung;

LAMKTU 24:1

Ak hnüüp hma hnüüp ung taigütung Ananias cu ang vai gui awn, ng’Thukthei Tertullus cu khah püi ne Sisaria ah gawk law ci. Ngami cu Gawmang Felix ah ma ah law u ne, Paul cu kat nak k’bün ne k’chak ci gui.

LAMKTU 24:3

Cun gui cu keimi naw a kho päng ung angtäi sei yeikyai ne kami dou ci nei.