LAMKTU 23:21 - Cho Bible Common Language 2016

²¹ Ngami ah k’thäh law cu kä na yum men vai nei. Lam ah chang sing phli-kip naw ng’thup ne mah ci gui nei. Ngami cu Paul kä ngawn pha ah chuih a i kä ei auk ba vai, cine thukhän ci gui nei. A tuk bäi ge ngami cu Paul ngawn vai ah pawng u neh nang bawi ah thu m’cha cu ging ci gui nei” cine pyein ci.

LAMKTU 23:21 Referans Kwoze

2 KORIN 11:26

Kei cu akda vei ka hteh hton nak ung tui ah lin nak, m’guk ei ah guhtep nak, la ka pakhui chang Jew ah gaa, khui hei chang gui ah gaa; gawnu gui ung gaa, bung hmu ah gaa, tuinu gui kyih nak la teihpüi k’she gui kyih nak gui cu ka aut ci.

ROMAN 9:3

Ka chang gui, ka k’chi ng’chüng gui ah hmawk ah Khanpughi ah m’kyuk nak la Bawi Khrit awn ng’pai nak phi ka aut hlük ciah m’lung om ci nei.

LAMKTU 25:3

Ngahmi cu Paul ami law püi ung lam ah mah ne ngawn vai ah pawng pyi ci gui ah kya ne, Ngami am hlün nak gui ah Paul cu Jerusalem ah a hteh püi ba sak gui vai ah k’thäh ci gui.

LAMKTU 20:19

Kei cu Judah chang gui ah shedam nak awn yaica nak ka gawk yah ung ka ng’phli tui kya law sei phi kam lung neim sak ne, Khanpughi ah changshäm ah kya ne a bi cu kabik ci.

PHYAWN NAK 23:2

Katnak bi u ne, taga nak k’phleng ne ami saksi law ung chang ah da nak täng düt ah kä na läk tu vai.

LUKA 11:54

Ng’thu a pyein nak ung a hmakat nak ang dang vai ah akda ah ng’shi ne phawtcam ci gui.

LAMKTU 23:22

Shekshen bawi naw, “tuk bäi nah na m’thein gui cu a u am kä nam thein nem vai nei” cine m’cäi netah cun ah chang cu tüi ba ci.