LAMKTU 23:20 - Cho Bible Common Language 2016

²⁰ Cun ah chang naw, “Judah ng’vai gui naw Paul cu ak tung ah ng’shica hlük ci gui hlawk ah kya ne, ngawi ung nang naw kawngsi yung ah na hteh püi vai ah, ning k’thäh khai gui ah ng’ge ci gui nei.

LAMKTU 23:20 Referans Kwoze

LAMKTU 23:1

Paul naw kawngsi ng’vai gui cu kheing ne teng gui netah, “Israel phäi nau gui aw, Kei cu tuk ngawi ung khüt sei, ka ghin na chuih Khanpughi ah ma ah kam lung kyong theingcim sei ka bilo om ih ci nei” cine pyein ci.

SAM 12:2

Chang gui cu tumat naw tumat m’hleei sei; Ami thu a hei, ami ngaih a hei ah kyak ci gui nei.

LAMKTU 22:30

Paul cu Judah chang gui naw a i katnak k’bün ne ami k’sung cu, gakap ng’vaipi naw ang dang ah hmat hlük ci. Cun ah kya sei a ngawi ung Paul ami khih nak ah m’sii gui, gui cu k’phian tu ba netah, Taigü la kawngsi ng’vai gui cu ng’cut sak gui ci. Cun kawn ah Paul cu law püi ne ami ma ah ng’düih sak ci.

LAMKTU 23:6

Paul naw cun ah kawngsi ung amshah cu Pharisee gui, am shah cu Sadduces gui ah ami kyak cu hmat law netah, “Kei cu Pharisee nei, Pharisee ah na hta nei, sih nak ungka thawh ba vai ah ka ngaih u ah hmawk ah, tuk bäi cet ne nami na ng’shi ah kyak ci nei” ci ne kawngsi yung k’poh khai ah m’lau ne pyein ci.

LAMKTU 23:19

Shekshen bawi naw cun ah chang hmaw cu a kut ung k’pang ne a hei ah hteh püi netah, “Kei ah ma ah a i ang na pyein vai a om” ci ne ng’shik ci.

LAMKTU 23:30

Judah chang gui naw ani ngawn khai gui ah ami pawngpüi cu hmat netah, acun vai am nang ah ka tüih law ah kyak ci nei. Cun ah chang gui naw phi ami ng’chaak nak ami pyein hlü cu nang ah ma ah ami pyein vai ah ka k’bäi gui nei” ciah om ci.