LAMKTU 23:16 - Cho Bible Common Language 2016

¹⁶ Cun ung phi Paul ah be ah hta naw cun ah ami ng’ge cu ng’ya netah, yung im kyong ah hteit ne Paul am m’thein ci.

LAMKTU 23:16 Referans Kwoze

LAMKTU 23:10

Ami ng’cuhcan nak cu däm law pi k’täi khätah, gakap ng’vaipi naw Paul cu ami ngawnsheh law vai ah ng’ä netah, gaakap gui am Paul cu m’htei ne yung im kyong ah ami hteh püi ba vai ah pyein ci.

1 KORIN 3:19

Khomdek chang gui naw cüivai nak ah ami ngaih cu Khanpughi ah maa ah akholä ah kyak ci. Cacim ung, “Khanpughi naw hmuhmat ciah chang gui cu ami mät ah theileh nak awn pha ba gui ci” ciah om ci.

LAMKTU 23:32

A ngawi ung gaakap gui cu ng’hlat law ba u sei, k’se cun gaakap gui naw Paul cu hteh püi ci gui.

LAMKTU 21:34

Cun ah chang gui naw a hei hei ah m’lau ne pyein ci gui. Cun ah m’lau ne k’pamcai u sei, gaakap bawi naw a mawng akcang cu kä hmat hlawt netah, Paul cu a yung ah ami hteh püi vai ah pyein ci.

NG’ÄI KYAH 3:37

Bawipa ah ang yak hlü cu angtäi sei kawh chan nei.

NG'THU K'THUUK~ 21:30

Chang ah cüivai nak hmuhmat nak, ngaih-tüh nak, Cun gui cu Bawipa naw a hnungtuk püi ung akholä ah kyak ci.

2 SAMUEL 17:17

Abiatha ah hta Jonathan la Zadok ah hta Ahimaaz cu Enrogela tui hta Jerusalem gaw k’cawi ah ngäng ci goi, a i ah kyasei ci ung, ngani cu chang a hmuh goi vai kyi ne mang gaw kyong ah kä lut ci goi. Changshäm hnumi hta naw a i ai ah kyak ciah a mawng gui cu m’thein law ba goi sei, ngami naw hteit ne ghangpughang David am m’thein ba ci goi.

LAMKTU 21:37

Gaakap gui naw Paul cu im kyong ah luh law püi vai u khätah, Paul naw gaakap bawi am, “Nang a pi ah ka ning thu püi hlük ci” cine pyein ci. Gaakap bawi naw, “Nang Krik thu ah na ng’thu thei ne ang?

LAMKTU 23:17

Paul naw, gaakap ng’vai tumat cu khü netah, “Shin ah chang hta gakap ng’vaipi ah hteh püi ä, gakap vaipi am, am’thein vai a mawng om ci nei” cine pyein ci.

LAMKTU 24:23

Paul cu ngäng ne m’htei sak gui ne, a paw chang gui naw ami teng m’kein m’hteihtang vai phi yum ne m’cäi gui ci.

NG'THU K'THUUK~ 24:15

Chang shekha ah mäih ah kä na kyak vai, ani naw düng ciah chang gut tep ne, ami im ungka ahei ah hteh püi ci.