LAMKTU 22:7 - Cho Bible Common Language 2016

⁷ Kei cu m’dek ung kyu ne ng’yän netah, “Soul, Soul, a i ah kya sei kei cu nah na k’dudeiu nak ang” ciah k’aw cu ka ng’yak ci.

LAMKTU 22:7 Referans Kwoze

JEREMIAH 2:9

“Cun ah kyasei kei, Bawipa naw ka chang gui cu, hnungtuk ne ka bün phei ba gui khai. Ami htangshon gui ah khan ah phi hnungtuk ne k’bün nak ka law püi khai.

MATTHE 25:45

Cun kawn ung ghangpughang naw, ‘Kei naw akcang ka pyein cu shin ah chang gui ungka ak yoken pi ah chang käm hteihtang ne nami om phung cu, kei kä nam hteihtang ne nami om ah kyak ci’ cine kyak na gui khai.

JEREMIAH 2:5

Bawipa naw pyen ci: “A i bün phei nak awn nami pupa gui naw kei ami na hnungtuk püi ang?” A i naw ang kei ungka a ning ng’hlah sak gui. A phuma kä om ciah agup gui khawihnah u ne, ami mät phi aphuma kä om ciah kya lawk ci gui.

1 SAMUEL 3:10

Bawipa cu law ne ng’düi ne ta, “Samuel, Samuel!” ciah a ci ta a khü ah mäih ah khü ba ci, Samuel naw, “Pyen ä, na changshäm naw ka ngai ci nei” cik ci.

PHYAWN NAK 3:4

Bawipa naw Moses ang et law cu hmu neta, Pluup ah ng’lung ah om ne khü ci, “Moses! Moses!” Moses naw, “äi, shi ah ka om ci nei” cik ci.

ATÜNNAK 22:11

Cun ung phi Bawipa ah khankho chang khan ah ka naw, “Abraham, Abraham” cine khü ci. Abraham naw, “äi, ka om ci nei” cik ci.

ATÜNNAK 22:1

Cun kawn ah Khanpughi naw Abraham cu am nüm vai ah, “Abraham” cine khü ci. Abraham naw, “Abraham naw, “äi, ka om ci nei” cik ci.

ATÜNNAK 16:8

“Sarai ah changshäm Hakarah, a hawi kaa na lawk ci, a hawi lam ah na hteit khai” cine ng’shik ci. Ani naw, “Kei cu ka bawinu ah im ungka ka dawng ci nei” cik ci.

ATÜNNAK 3:9

Bawipa Khanpughi naw chang cu khü neta, “A hawi ah nei ba om?” cine ng’shik ci.

MATTHE 27:23

Pilat naw, “Ani naw a i katnak ang a bi?” cine ng’shi guici. Cun ung phi chang gui naw, “Kutlamtung ung tai ne ngawn vai nei,” cine ami k’aw m’can ne m’lau ci gui.

LAMKTU 9:4

Ani cu khomdek ung kyu neh ng’yän netah, “Soul, Soul? a i ah kiah sei kei nah na k’dudeiu nak ang?” Ciah k’ä cu ng’yak ci.

LAMKTU 22:6

“Kei cu lam ka hteit te ci, Damaskas gawnu kak et law yah, hnüüp lunglai khin ung khankho ah kaa ak dei nu cu ang ghit ah kia law ne, veing ne na shü lawk ci.

LAMKTU 22:8

Kei naw Bawipa, nang u nei” cine ng’shi ngätah, Bawipa naw, “Kei cu nang naw na k’dudeiu nak ah, Nazaret chang Jesuh nei” ci ne pyein ci.