LAMKTU 22:4 - Cho Bible Common Language 2016

⁴ Kei naw Bawipa Jesuh ah lam läk ciah chang gui cu ngawn gui haw ne kak’dudeiu na gui man ci. Hnumi gui, k’pami gui akda pha gui ne Thawng ung phi ka chum gui man ci.

LAMKTU 22:4 Referans Kwoze

1 KORIN 15:9

Kei cu ang düihpüi gui ung ak chui pi k’bäih ah ka kyak ci — Khanpughi ah Khrithabum kak dukdeiu nak ci kya sei, ang düihpüi ah khü vai ah phi kä ka khin ci.

PHILIPPIAN 3:6

Kei cu ang htei ah m’thüikhang ne Khrithabum phi ka k’dukdeiu na man ci. Thukhän awn ng’düng vai cine, thukhän läk nak pyein law ung kei cu pyein vai kä om khai ah ka läk ci.

LAMKTU 24:14

Cun ung phi ngami naw kä ng’düng ciah ami pyein ah lam ung pupa gui ah Khanpughi cu ka taigü ci. Moses ah thukhän avan la prophet gui ah cacim avan cun phi ka yum ci.

LAMKTU 19:23

Cun yah ung Ephesus ah Bawipa ah mawnglam ah hmawk ah thüngkyüng thüngphyong nak om ci.

LAMKTU 19:9

Cun ung phi chang amshah gui cu ami m’lung m’sing sei kä yum u ne, chang khli ah ng’lung ah Bawipa ah lam ah mawng cu pyein m’sheet ci gui. Cun ah kyasei paul naw yum ci gui cu khah püi gui ne, ngami gui cu hteh ta gui netah, Tirannus ah ng’thei im kyong ung ak hnüüp tä sei ng’thu ng’ge püi gui ci.

LAMKTU 18:26

Ani cu pum im ah thamah nak awn thu pyein ci, Ang thu ngaiya tuk ci goi ah Priscilla la Akuila naw, ani cu ani im ah khü ni netah, Khanpughi ah bilawh mawnglam cu ng’kheing pi khai ah m’thein tuk ci goi.

LAMKTU 16:17

Cun ah hnumi hta naw Paul la keimi cu kami hnu ah na läk law gui netah, “Shin ah chang gui cu Hlüngtai pi bäih ciah Khanpughi ah chang gui nei! Ngami cu nangmi am hun nak ah mawng ning m’thein gui ciah kya ci gui nei” cine m’lau ci.

LAMKTU 9:21

Ani ah ng’thu ng’yak ciah chang gui cu cäicat u nehtah, “Shin ah chang cu, Jerusalem ah Bawipa Jesuh ah k’taigü ciah chang gui phung ngawn phah gui ciah kä kya ne ang? Zum ciah chang gui phung phah ne, k’taigü pa gui ah om nak ah hteh püi khai ah sha lawk ciah kä kya ne ang?” cine kyak ci gui.

LAMKTU 7:58

Stephen cu phah u neh pigaw k’pung ah hteh püi u netah, ng’lung nah ne lung awn vawi ci gui. Vawi ciah chang gui cu ami suinu suut netah Soul ming nak ciah ak hmaw chang tumat am ap ci gui.

KALATIAN 1:13

Kei naw Jew gui ah yum nak ung ka om yah ung a i ah ka bilawh man cu ka ning m’thein gui pyi ah kyak ci. Kei naw Khanpughi yum ci gui cu ak she ah k’dudeiu na gui ne, khrithabum cu m’di vai ah ka k’tha na pi k’bäih ci.

2 PETER 2:2

Cun ung phi chang akda naw shekak ciah ami lam cu läk khai nei. A i ah kyasei ci ung ngami ah bilawh nak awn chang a hei gui naw thucim ah lam cu päipih khai gui nei.