LAMKTU 22:30 - Cho Bible Common Language 2016

³⁰ Paul cu Judah chang gui naw a i katnak k’bün ne ami k’sung cu, gakap ng’vaipi naw ang dang ah hmat hlük ci. Cun ah kya sei a ngawi ung Paul ami khih nak ah m’sii gui, gui cu k’phian tu ba netah, Taigü la kawngsi ng’vai gui cu ng’cut sak gui ci. Cun kawn ah Paul cu law püi ne ami ma ah ng’düih sak ci.

LAMKTU 22:30 Referans Kwoze

LAMKTU 23:28

Judah chang gui naw a i katnak k’bün ne ami k’sung cu kei naw hmat hlü netah, ami kawngsi ah ka hteh püi te ci nei.

LAMKTU 21:33

Cun yah ung gaakap bawi gawk law ne Paul cu pha sak gui ne, m’si gui k’hnih awn pha ne khih sak gui ci. Cun kawn ah Paul cu a u chang ah a kyak la a i katnak a bi ah ng’shi k’ca gui ci.

LAMKTU 26:29

Paul naw, “Ashäng hta la ak shou nu cu ak tung ah kä kyak ci, nang ghangpughang la tuk bäi ka ng’thu ngai ng’ya tuk ciah chang avan cu, shin ah khihpawn nak ungka phyawng ne, kei ah mäih ah nami kyak law tu vai ah, Khanpughi ah kak taigü ci nei” ci ne pyein ci.

LAMKTU 23:15

Cun ah kyasei nang la kawngsi ng’vai gui naw Paul cu ak tung ah nami ng’shica hlük ci hlawk ah, Roman gakap bawi ah nami k’thäh ba vai nei. Nangmi ah om nak ah kä ah gawk law pha ung ani cu ngawn vai ah kami na ngäng khai nei” cine pyein ci gui.

LAMKTU 22:5

Kei naw ka pyein akcang ah a kyak cu, Taigü tung la Kawngsi ng’vai gui mät saksi hning khai gui nei. Ngami naw Damaskas ah Judah chang phäi nau gui am ami guk gui ah ca cu, kei naw ka gah ci. Cun ah kyasei Cun ah Bawipa yum ciah chang gui phung pha ne Jerusalem ah law püi ne m’kat gui vai ah, kei cu Damaskas ah ka hteit ci.

LAMKTU 21:11

Ani cu keimi ah om nak ah law ne, Paul ah khei khih nak la ne, akut a khaw cu pin netah, “Shin ah kheikhih nak ka nak ciah chang cu, Jerusalem ah Judah chang gui naw, a shin ah mäih ah khit ne pin u netah, changpakhui hei gui am ap khai gui nei, ci ne Mumcha Theing naw pyein ci nei” cine pyein ci.

LAMKTU 5:21

Ang düihpüi gui cu khankho chang ah ng’thu ngai u ne, ai khawn htük ung Taigüim ah hteit ne m’thei thang ci gui. Taigü tung la apaw gui ni, kawngsi gui ni ng’ge nak vai cine Zudah ng’vai gui cu khü gui ci gui. Cun kawn ah gakap gui tüi gui ne, ang düihpüi gui cu khü sak gui ci gui.

MATTHE 27:2

Cun kawn ah Bawipa Jesuh cu khit netah, Roman bawi Pilat ah hteh püi ci gui.

MATTHE 10:17

Geing nah ne nami om vai, chang gui naw ning pha gui ne yung ah m’kawt ung ning hteh püi gui khai gui.

MATTHE 5:22

Cun ung phi kei naw tuhbäi ka pyein cu, a mät ah phäi nau m’lungshe nak ciah chang cu, thawng kyum khai nei. Tumat la tumat ng’vawng shang ne ng’plah tang tuk ciah chang cu, yung ah m’kawt ung m’kat nak gah khai nei. A mät ah phäi nau chang k’she ah m’keih ciah chang cu, m’htei-mei ung lut khai nei.

LAMKTU 23:1

Paul naw kawngsi ng’vai gui cu kheing ne teng gui netah, “Israel phäi nau gui aw, Kei cu tuk ngawi ung khüt sei, ka ghin na chuih Khanpughi ah ma ah kam lung kyong theingcim sei ka bilo om ih ci nei” cine pyein ci.

LAMKTU 23:6

Paul naw cun ah kawngsi ung amshah cu Pharisee gui, am shah cu Sadduces gui ah ami kyak cu hmat law netah, “Kei cu Pharisee nei, Pharisee ah na hta nei, sih nak ungka thawh ba vai ah ka ngaih u ah hmawk ah, tuk bäi cet ne nami na ng’shi ah kyak ci nei” ci ne kawngsi yung k’poh khai ah m’lau ne pyein ci.

LAMKTU 23:20

Cun ah chang naw, “Judah ng’vai gui naw Paul cu ak tung ah ng’shica hlük ci gui hlawk ah kya ne, ngawi ung nang naw kawngsi yung ah na hteh püi vai ah, ning k’thäh khai gui ah ng’ge ci gui nei.