LAMKTU 22:3 - Cho Bible Common Language 2016

³ Paul naw k’täih ne, “Kei cu Cilicia kho Tarsus gawnu ung ng’tüi ciah Judah chang tumat ah ka kyak ci. Jerusalem ung däm ng’vai law ne, pu pa gui naw ami läk ah thukhän cu Kamaliela ah a lüng ah ka theithang tuk ci. Tuk ngawi nangmi Khanpughi ung nami m’lung a ling ah mäih ah kei phi kam lung ling man ci.

LAMKTU 22:3 Referans Kwoze

LAMKTU 26:5

Ngami naw kei ami na hmat cu shou lawk ci nei. Kei cu Judah gui ah yum nak aküikyang pi k’bäih ah thukhän mah ciah pati ung Pharisee tumat ah ka kyak cu, ami saksi hlü ung saksi hning ci gui nei.

LAMKTU 9:11

Bawipa naw, “Nang cu ng’düi law neh lam ng’düng ming nak ciah lam ung hteit netah, Judas ah im ung Tarsus pigaw ah ka, Soul ming nak ciah chang cu nah vah shui vai. Ani cu k’taigü netah,

LAMKTU 5:34

Cun ung phi Gamaliel ming nak ciah Pharisee tumat cu, kawngsi yungah ng’düi law netah ang düihpüi gui cu ashäng ak pung ah ami hteh püi gui vai ah pyein ci. Ani cu chang gui naw ami chang m’sui tu ah ng’thu m’khän saya ah kyak ci.

LAMKTU 21:39

Paul naw, “Kei cu Judah chang ah ka kyak ci, Cilicia kho, Tarsus mang gaw ung ng’tüi ciah gaw ng’liing mang chang ah ka kiak ci. Na bä ni, chang gui ah ma ah ng’thu ka pyein vai ah nam gein nä” cine pyein ci.

LAMKTU 21:20

Ngami naw Paul ah m’thein tu gui cu ng’ya u netah Khanpughi cu m’hlüngtai ci gui. Cun kawn ah Paul am, “Kami nau Paul aw, Judah chang gui ung kaa, tämkäk phia khak naw Bawipa Jesuh cu yum law u ne, ngami naw thu khän läk vai ah a i hlawk ah ami ng’yaak hlü cu na hmat pyi ah kya ci nei.

2 KORIN 11:22

Cun ung phi chang tumat cu ak gu ah mäih ah ang thu ah a kyak ung, kei phi acun ah mäih ah ka ng’thu khai nei Cun cu gu ng’thu ah kyak ci nei. Cun ah chang gui cu Hebru ah ami kyak ung kei phi acun, Israel ah ami kyak ung, kei phi acun, Abraham ah hta ng’shon ah ami kyak ung kei phi acun,

LUKA 10:39

Mahta ung Mari ming nak ciah a nau tumat om ci. Ani cu Bawipa ah pei ah ngo ne ang thu ngai ci.

2 GHANGPUGHANG GUI 4:38

Hnü ät ung ami khaw avan ung ei vai maih sei Elisha cu Kilkal ah law ba ci. Ani naw prophet bum gui am thei gui yah ung, achangshäm am, k’am nu am kawm kyäng ne antui ami shon vai ah m’thein ci.

THULÄÄN NAK 33:3

Bawipa naw a chang gui m’hni gui ci, Amät ah prophet gui cu m’hni gui ci. Cun ah kyasei a khaw ka ah mi kawp ne, Ang thumkhän gui mi läk khai.

ROMAN 11:1

Cun ah kya sei kei naw ka ning shi gui hlük ci: Khanpughi naw amät ah chang gui cu hnu ng’tuk püi gui ne maa! Kä hnu ng’tuk püi gui ci. Kei ka mät cu Israel chang, Abraham ah hta ng’shon, Benjamin pakhui ah ka kyak ci.

LAMKTU 23:6

Paul naw cun ah kawngsi ung amshah cu Pharisee gui, am shah cu Sadduces gui ah ami kyak cu hmat law netah, “Kei cu Pharisee nei, Pharisee ah na hta nei, sih nak ungka thawh ba vai ah ka ngaih u ah hmawk ah, tuk bäi cet ne nami na ng’shi ah kyak ci nei” ci ne kawngsi yung k’poh khai ah m’lau ne pyein ci.

LAMKTU 6:9

Cunung phi ani cu Sairin lah Alexandria ah ka, Jew chang gui mah ah pum im ung ka, päiye chang gui naw hnu ng’tuk püi ci gui. Acun gui lah Cilicia lah Asia ah ka, Jew chang gui naw Stephen cu ng’küüngneet püi ci gui.

2 SAMUEL 21:2

(Gibeon chang gui cu Israel chang ah kä kyak ci gui; Ngami cu Israel gui ami shung vong gui vai ah shai ami tak ah Amorit chang ken gui ah kyak ci. Cun ung phi Saul naw m’di gui khai ah k’tha nak ci, a i ah kyasei ci ung ani naw Israel la Judah gui ah phäh ah a khüi ghat ah phäh ah kyak ci.)

KALATIAN 1:21

Cun kawn ah kei cu Siria la Cilicia kho ah ka hteit ci.

KALATIAN 1:14

Kei cu Jew gui ah yum nak akcang ah bi nak ung, kami thawn lawk ciah Jew chang gui ung, pupa gui ah thung law yoman cu k’tha na pi k’bäih ne ka läk ciah kyak ci.

LAMKTU 23:34

Gawmang naw ca cu phat netah, “nang a i kho ah kaa ang” ci ne Paul cu ng’shik ci. Ani cu Cilicia kho ah kaa ah a kyak cu hmat netah gawmang naw,

LAMKTU 15:41

Paul cu Siria la Cilicia kho yung ah hteit ne, khrithabum gui am k’thamah nak pe gui ci.

LAMKTU 15:23

Ngahni am ca tumat gu ne m’kan goi ci gui, cun ah ca cu: “Na mi phäi nau gui ah kya ciah, ang düihpüi gui la ang vai gui naw, Antiok gawnu, Siria kho la Cilicia kho ung om ci gui ah chang pakhui hei khritha gui am yeikyai ne ca kami ning pe law gui ci nei.

LAMKTU 11:25

Cun kawn ah Barnabas cu Soul shui khai ah Tarsus ah hteit ci.

LAMKTU 9:30

Cun ah mawng cu ak chang gui naw ng’yah u netah, Soul cu Sisaria ah hteh püi u neh cun ung ka naw, Tarsus ah hteh sak ci gui.

LUKA 8:35

A cun gui teng tuk khai gui ah chang akda gawk law u ne, Bawipa Jesuh ah pei ah law u netah, Bawipa Jesuh ah pei ah, ng’suisak kha thüüp ne, chang k’ni ah kya ne ngok ciah, khoshe ah kai te ah chang cu hmu u netah ami van kyikyawk ci gui.

LUKA 2:46

Ak hnüüp thum hnüüp Taigüim kyong ah Jew saya gui awn ngo u ne, ami ng’thu ngai ne, ng’shi ca gui ne kyasei hmu ba ci goi.

LAMKTU 9:1

Cun ah akhin ung Soul naw Bawipa ah hnu läk ci gui cu, ngawn pha gui vai ah pawng püi ci. Ani cu taigü tung ah hteit natah,

LAMKTU 26:9

Kei ka mät naw phi Nazaret chang Jesuh ah ming awn hnu ng’tuk khai ah bi bi vai ka yum man ci.