Biblia Todo Logo
Bib sou entènèt

- Piblisite -




LAMKTU 22:24 - Cho Bible Common Language 2016

24 Cun ah kya khä tah Roman Gaakap bawi naw ak chang gui am, Paul cu yung im kyong ah luh püi u netah a i ah kyasei chang gui shin ah ami kyak ah mawng, tuthat ne ng’shi vai ah k’bäi ne täk gui ci.

Gade chapit la Kopi




LAMKTU 22:24
11 Referans Kwoze  

Ami ng’cuhcan nak cu däm law pi k’täi khätah, gakap ng’vaipi naw Paul cu ami ngawnsheh law vai ah ng’ä netah, gaakap gui am Paul cu m’htei ne yung im kyong ah ami hteh püi ba vai ah pyein ci.


Cun ah chang gui naw a hei hei ah m’lau ne pyein ci gui. Cun ah m’lau ne k’pamcai u sei, gaakap bawi naw a mawng akcang cu kä hmat hlawt netah, Paul cu a yung ah ami hteh püi vai ah pyein ci.


Cun kawn ah Pilat naw Bawipa Jesuh cu khü netah, tukthah sak gui ci.


Hnumi gui cun phi ami yum nak awn sih nak ungka ghing ba ciah ami pawchang gui cu gah ba ci gui. Amshah gui cu ng’pängye nak gui maa-en u ne, bä ci ciah ghin nak ung thawh ba vai ah, dukdeiu nak awn sih yawp ci gui.


Judah chang gui naw shin ah chang cu pha ne ngawn khai gui pawng ci gui. Ani cu Roman changpa ah a kyak cu kei naw hmat netah, gaakap gui awn hteit ne ani cu kami k’phiawn nei.


Cun ung phi Paul naw gaakap bawi ah ma ah, “Kei mi cu Roman kho chang ah kami kyak ci, a i hma nak la katnak phi käm koicha ah, ngami naw keini cu, chang khli ah ma ah, that netah thawng ung na chum goi ci gui. Tuk bäi a düm ah na chah ba gui hlü u ne ang? Kä kami lut law ba khainei, Roman bawi gui ami mät law ne na chah ba gui u sä” cine pyen nak ci.


Gaakap gui naw Paul cu im kyong ah luh law püi vai u khätah, Paul naw gaakap bawi am, “Nang a pi ah ka ning thu püi hlük ci” cine pyein ci. Gaakap bawi naw, “Nang Krik thu ah na ng’thu thei ne ang?


Ngami naw kei cu na cet u ne, kei ah bi nak ung sih nak khin vai ah mawng a i kä hmu u netah na phiawn hlük ci gui.


Swiv nou:

Piblisite


Piblisite