LAMKTU 22:18 - Cho Bible Common Language 2016

¹⁸ Cun ah ka mik hmuh nak ung Bawipa cu dang law netah, “Ang ghit ah kä shou shü ne Jerusalem ungka a hei ah na hteh vai, shin ung om ciah chang gui naw, kei ah mawng na saksi cu kä dou khai gui nei” cine pyein ci.

LAMKTU 22:18 Referans Kwoze

LUKA 21:21

Cun yah ung Judea kho ung om ci gui khomhtung lam ah dawng u sä, pigaw kyong ah om ci gui, pigaw k’pung ah hteit u sä, pigaw pei ah om ci gui pigaw kyong ah kä hteit-en u sä.

MATTHE 10:23

Pigaw tumat ung ami ning shedam nak gui ung, a hei pigaw ah nami dawng vai. Kei naw akcang ka pyein cu, Israel kho pigaw päng ung bilawh vai kä nami bi yawp pha ung, chang ah Htapa cu kyum lawk khai nei.

MATTHE 10:14

Kä ning dou gui ne nami ng’thu kä ngai ciah im, pigaw a om ah a kiak ung, acun ungka lut law ba ne, nami kho ung m’vut phi nami khawn shüt vai.

LAMKTU 9:29

Ani cu Greek thu ah ng’thu ci gui ah Jew chang gui awn phi, ng’küüknet neh ng’thu pyein ci gui, Cun ung phi ngami naw ani cu ngawn vai ah ng’ge nak ci gui.

LAMKTU 3:19

Cun ah kiah seih ng’yu ba u neh Khanpughi ah ng’hlat law vä, nami katnak ning m’gein gui khai.

1 KORIN 9:1

Kei cu ng’päi om chang ah kä kya ne ang? Ang düihpüi ah kä kya ne ang? Mi Bawipa Jesuh ka hmuk ciah chang ah kä kya ne ang? Nangmi cu Bawipa ah bi ka bi nak ung kaa nami dang lawk ciah kä kya ne ang?