LAMKTU 22:16 - Cho Bible Common Language 2016

¹⁶ Cun ah kyasei tuk bäi a i vai na ngaih shäng ang? Tho law ne, tui hnim ä, na katnak gui a ning m’si peit vai ah Bawipa ah taigü ä” cine pyein ci.

LAMKTU 22:16 Referans Kwoze

LAMKTU 2:38

Peter naw, “nang mi ak chang sing cu, nami katnak ung ka nami ng’yu ba vai, Bawipa Jesuh Khrih ah ming awn tui nami hnim vai, cun ung nami katnak cu ning m’gein gui seih, nang mi naw Khanpughi ah Mumcha Theing cu nami gah khai.

LAMKTU 2:21

Cun yah ung Khanpughi ah ng’hui neh k’tai gü ci gui cu, hun nak gah khai gui” ciah Khanpughi naw pyein ci.

HEBRU 10:22

Cun ah kyasei mikmi cu mi m’lung ngaih theingcim sak ne, mi pumsa tuikci awn m’si netah, ng’cim ciah m’lung, ng’htei ciah yum nak awn, Khanpughi ah pei ah ming et khai nei.

TITUS 3:5

mikmi cu hun nak mi gah ci. Cun cu mikmi naw mi bi ah nikiom nak awn nah kä kyak ci, ak thai ah ng’tüi nak la tui hnim nak awn ghin nak thai nak pe gui ciah Mumcha Theing ung amät ah chihna nak awn ana hun gui ah kyak ci.

1 KORIN 6:11

Nangmi amshah gui cu a cu k’chaa ah nami kya man ci, cun ung phi nami katnak cu ning theing cim sak gui pyi ci: Nangmi cu Khanpughi ung nami ng’ap pyi ci; Bawipa Jesuh Khrih ah ming awn la mi Khanpughi ah Mumcha awn nangmi cu Khanpughi ung düng nak nami gah pyi ci.

1 PETER 3:21

Tui cicu tuhbäi nangmi ning hun gui ciah tuihniim nak ah kiak ci. Tuiniim nak cicu pumsa alelawi m’sipyou ah kä kyak ci, m’lung ngaih ni awn Khanpughi ah shaitaak nak bi ah kyak ci. Bawipa Jesuh Khrit sih nak ungka a thawh nak ba awn, tuiniim nak awn hun nak nami gah ci.

KALATIAN 3:27

Nangmi cu Bawi Khrit ung kawng ät ne tui nami ng’hnim pyi ci kyasei, Bawi Khrit suisa u ne, Bawi Khrit ah mäih ah ghing ne nami ng’thu ci.

1 KORIN 12:13

Acun ah mäih ah, Jew chang, khui hei chang, chang khleihtein, chang ng’päi om, chang mi van cu Mumchabawi tumat ung tui mi ng’hniim u ne, pumsa tumat ah mi kya lawk ci. Acun ah Mumcha cu chang mi van naw mi gah ah kyak ci.

SAM 119:60

Kä sho shü ne ang ghit ah na thumkhän läk vai ah ka bik ci nei.

LAMKTU 9:14

Ani cu k’taigü khem ah peit ah bi nak hning awn, nang ning khanihnah ciah chang gui cu, pha gui khai ah, Damaskas ah lawk ciah kiak ci nei” ci neh pyein ci.

1 KORIN 1:2

Korin gawnu ung Khanpughi ung ng’bum ciah chang gui la, a kho päng ungka mi Bawi la ami Bawi ah Bawipa Jesuh Khrit khawihnah ciah chang avan la, Bawi Khrit Jesuh ung kawngät nak awn Khanpughi ah chang avan la, Bawi Khrit Jesuh ung kawngät nak awn Khanpughi ah chang theing ah a khü gui ah chang gui am ca ning guk law gui nei.

LAMKTU 9:18

Acun vai am Soul cu ak phlep gui ng’kawk ciah mäih ah amik ung ka, kiah law sei amik cu ci ba ci. Ani cu tho law neh tui ng’hnim ci.

JEREMIAH 8:14

“A i ah kyasei mi ngoh tu lä ang” cine Khanpughi ah chang gui naw ng’shik ci gui, “Law vä, mikmi cu mang gaw khäng gui ah dawng ne, acu ah mi sik khai nei. Bawipa mi Khanpughi naw mi sih vai ah na m’kyuk gui ci nei; mikmi naw ani hnungtuk ne mi kat ah phäh ah mi awk vai ng’tuui tui na pe gui ci nei.

SAM 51:2

Ka shet nak gui phung na m’si pe ne, ka cheishoh nak phung na theing sak ä!

JOHAN 13:8

Peter naw, “nang Bawipa naw kei ah kho cu a i yah ung phi kä nam si khai nei” cik ci. Bawipa Jesuh naw, “Kei naw na kho kä ka ning m’si ung, nang cu kei ah ng’düihpüi ah kä na kya ba khai” cine pyen nak ci.

LAMKTU 7:59

Cun ah lung awn ami vawih yah ung Stephen cu, “Oh Jesuh Bawipa kamumcha na yuk la peä” cine taigü ci.

EPHESIAN 5:26

Bawipa naw a hnun gui a peit nak cu, krithtabum theing sak ne, ang thu awn Khanpughi am ap sei;