LAMKTU 22:12 - Cho Bible Common Language 2016

¹² Cun ah gawnu ah Ananias ming nak ciah chang tumat om ci. Ani cu thukhän läk ne yum nak om ciah chang ah kyasei, Cun ah gawnu ung om ciah Judah chang avan naw amik chang m’sui ah chang ah kya ci.

LAMKTU 22:12 Referans Kwoze

LAMKTU 10:22

Cun ah chang gui naw, “Keimi cu kaptain Konelius naw ana tüih law gui nei, Ani cu chang k’ni, Khanpughi yum ci, Jew chang gui naw ami kyih aa ah chang ah kyak ci nei. Khankho chang naw ani ah ma ah nang ning khü ne, na thu a ngaih vai ah pyein ci nei” cine pyein ci gui.

LAMKTU 6:3

Cun ah kiah sei, phäi nau gui aw, nangmi ung ka Mumcha Theing awn be neh hmuh hmat nak om ciah chang sing chih nami ghü vai, shin ah mawng bik khai gui ah ngami cu kami m’düih gui khai.

3 JOHAN 1:12

Chang nüng naw Demetrius ah ni nak cu pyein ci nei, thudüng mät naw phi ani ah ni nak cu dang sak ci nei. Keimi naw ani ah ni nak cu kami be sak hlük ci, Keimi ah thu ang düng ah mawng cu, nangmi naw nami hmat ci nei.

HEBRU 11:2

Cau chang gui cu ami yum nak awn Khanpughi am tamkhah nak gah man ci gui.

1 TIMOTHI 3:7

Ani cu Khrithabum ah ak pung ah chang hei gui naw phi ami chang m’sui tu ah kyak khai, cun ung vah khoshe ah kut ung phi kä gawk hlawt khai.

2 KORIN 6:8

Keimi cu m’tamkhah nak la yoshe nak, päipih nak la m’hlüngtai nak kami gah ci. Kami hleeihlak ciah na pyein gui u sei phi düng nak cu ka mi pyein ci:

LAMKTU 17:4

Chang amshah gui cu Paul ah thu pyein yum u ne Paul la Silas ah chang ah kya lawk ci gui. Acun ah mäih ah Khanpughi yum ciah Krik chang akda gui la hnumi ng’vai gui cu ngahni ah chang ah kya lawk ci gui.

LAMKTU 8:2

Zum ciah chang amshah cu Stephen nah gook cu m’cim u neh thui sei kyap m’lau ci gui.

LUKA 2:25

Cun yah ung Jerusalem ah Simeon ming nak ciah chang om ci. Ani cu Khanpughi kyih-aa ciah chang k’ni ah kyak ci. Israel chang gui hun nak ami gah vai ah ngäng ciah chang ah kyak ci.