LAMKTU 21:9 - Cho Bible Common Language 2016

⁹ Ani ung kä ceimah phak ciah a hta hnumi phli om ci. Ngami cu Khanpughi ah Thu Ni ng’shäu ne pyein ci gui ah kya ci.

LAMKTU 21:9 Referans Kwoze

LAMKTU 2:17

“Ak hnu bäih ah khaw hnüp gui ung, Chang nüng ah khan ah Mumcha Theing cu ka yuk chah khai, Na mi hta gui kei ah ng’thu ng’shäu khai gui, Ak hmaw chang gui mik hmuk khai gui, aghi ng’vai gui ng’mui mang mah khai gui.

THU PHLAAN 2:20

Cun ung phi nang ka ning pyein m’sheet nak cu, amät naw amät Khanpughi ah ng’shä ah pyein ciah hnumi nu Jeyebel cu na dou ah hmawk ah kya ci. Ani naw kei ah chang gui cu ami pletbeng vai la a gup-am sonkcan ah ei nami ei vai ah m’theithang ne lam k’she m’shüm gui ci.

LUKA 2:36

Asher pakhui ungka Phanuel ah hta Anna ming nak ciah profet hnumi tumat om ci. Ani cu ghi law pyi ci, ak hmaw chang yah ung ceimah ne, kum chih bäng ung a cei awn om ci goi.

JOEL 2:28

“Kei naw chang nü ah khan ah ka mümcha ka yuk chah law kawn ah; nami hta pami, hta hnumi gui naw ka ng’thu shäu khai gui; nami chang vai gui ami mang shen khai, nami chang nong gui muimang mah khai gui.

PHYAWN NAK 15:20

Prophet Miriam, Aaron ah be naw hting sheei tum ne ma sei, hnumi gui ami van naw hting sheei tum ne ng’lam ne läk ci gui.

LAMKTU 13:1

Antiok khrithabum kyong ung prophet gui la saya gui akda om ci gui: Cun gui cu; Barnabas, Simeon (Pa Le ah phi ami khü) Sairin ah kaa Lucius, Herod Antipas ah a püi Manaen, la Soul ah kyak ci.

NEHEMIAH 6:14

Kei ka taigü ci, “Khanpughi aw, Tobiah la Sanballat ah bilawh cu shüm gui ä, m’kyuk gui ä. Kei k’tha na ne na m’kyih ci gui ah hnumi Noadiah la prophet gui avan cu shüm gui ä.”

2 GHANGPUGHANG GUI 22:14

Hilkiah, Ahikam, Akbor, Shaphan la Asaiah ni cu Jerusalem gawthai ah om ciah prophet hnumi Huldah ah hteit ci gui. (Ani ah cei Shallum, Tikvah ah hta, Harhas ah tu cu, taigü suinu gui m’htei ciah angvaipi ah kyak ci.) Ngami naw a i ah a kyak ah mawng ani am m’thein ci gui.

SUKI GUI 4:4

Cun sang ung Lappidoth ah chu Deborah cu prophet ah kya ci, Israel gui ah suki ah kya ne bi bik ci.

1 KORIN 7:38

Cun ah kya sei beit pyi ah ng’lami chunak (kä) A hta hnumi ceimah sak ci. Ciah ng’pyangmi cu nik ci, cun ung phi kä chumah ling (kä) Kä ceimah sak ling. Cicu bä pi ci.

EZEKIEL 13:17

Bawipa naw pyen ci, “Hnicim Chang, tuhbäi na chang gui ah ng’lung ah hnumi gui cä teng gui ä, ngami cu ng’cängbang nak bik ci gui nei. Ngami cu m’shuk cha gui ä.