LAMKTU 21:8 - Cho Bible Common Language 2016

⁸ A ngawi ung düi law ne hteit ba u ne, Sisaria ah kami gawk ci. A cu ah Thu Ni pyein ciah Philip ah kami kai ci. Ani cu ang düih püi gui bi bi püi gui khai ah Jerusalem khritahbum naw chang sing chih ami ghü nak ungka tumat ah kya ci.

LAMKTU 21:8 Referans Kwoze

LAMKTU 6:5

Cun ah ami cicu aming khah püi gui avan naw yum yawp ci gui. Ngami naw Mumcha Theing awn be neh ng’düng nak om ciah Stephen cu ghü htük ci gui. Cun kawn ah Philip, Prochorus, Nicanor, Timon, Parmenas lah ak khui hei, Antiok ah ka, Jew thungman yum tuk ciah Nicolaus gui cu ghü gui ci gui.

EPHESIAN 4:11

Hnicim chang am m’cümhnah nak m’shumphyuk gui ci cun phi, acun ah Bawipa ah kyak ci. Ani naw amshah cu ang düihpüi gui ah, amshah cu profet gui ah, amshah cu thu shä ci gui ah, amshah cu pastor gui ah, amshah cu saya gui ah, m’düih gui ci.

2 TIMOTHI 4:5

Cun ung phi nang läi cu, a i chü ah a mawng ama na buiaut ung phi, na mät ngaihmah ne na om vai, geinvai nak na näng vai, Thu Ni cu ng’shäu ne na pyein vai, Khanpughi ah changshäm ah kya ne bi vai phung cu m’khüt näng ne na bi vai.

LAMKTU 28:16

Romah kami gawk awn ah Paul cu, amät bäng, gaakap tumat naw angäng tu hnga vai ah a khin gah ci.

LAMKTU 16:13

Kyin hnüüp ung keimi cu pigaw k’pung ah lut law u ne, Judah chang gui ah taigü nak hmun om khai ah kami ngaih nak ah tui kam pei ah kami hteit ci. Acun ung hnumi gui ana ngo u sei, ngoh tu u ne kami m’thein tu gui ci.

LAMKTU 16:10

Cun ah Paul naw amik hmuh vai am keimi cu Macedonia kho ah hteh vai ah kami pawng m’htein ci, a i yah kyasei ci ung, cun ah kho ah om ciah chang gui ah ma ah Thu Ni kami pyein vai ah Khanpughi naw na khü gui ci ciah kami yum nak awn ah kya ci.

LAMKTU 9:30

Cun ah mawng cu ak chang gui naw ng’yah u netah, Soul cu Sisaria ah hteh püi u neh cun ung ka naw, Tarsus ah hteh sak ci gui.

LAMKTU 28:11

Chaa thum lüng khätah keimi cu, cun ah tuikoi ung düm te ciah htinpaw awn kami hteit law ba ci. Cun cu Alexandria ah kaa lawk ciah, “Hnamnu ng’phi” ming nak ciah htinpaw ah kya ci.

LAMKTU 27:1

Keimi cu Itali kho ah na hteh püi gui khai gui ah k’bäi u netah, Paul la thawng kium gui ami van cu, Festus naw “Ghangpughang ah shekshen” a mi ciah Roman shekshen ung gaakap bawi Julius ah kut ung ap gui ci.

LAMKTU 23:23

Shekshen bawi naw gaakap bawi hnih cu khü goi netah, “Sisaria ah hteit khai gui ah, gaakap phia goi, k’se cun gaakap chih-kip, la k’htei kawt gaakap phia goi cu hneng mü nayi kaw ung ng’düi ge khai gui ah nami m’hnüt vai nei.

LAMKTU 20:13

Keimi cu ak yang ah ma ne htinpaw awn Assos ah kami na hteit ci Paul cu k’kawng Lam ah hteit netah a cu ah htinpaw ung kium tuk khai kyak ci.

LAMKTU 20:6

K’caw kä shum ah m’htut den nak ah pawi ng’pyi khä tah keimi cu Philippi ah kaa htinpaw awn law u ne, hnüüp hma lüng khä tah ngahmi ah om nak Troas ah ka mi gawk law ci. A cu ah hnüüp chih kami om tuk ci.

LAMKTU 18:22

Ani cu Sisaria ah gawk netah htinpaw ungka naw kyum law ne, Jerusalem ah hteit ne khritha bum gui cu yavaih ah gui ci. Cun kawn ah Antiok ah hteit ci.

LAMKTU 16:16

Kho hnüüp ät ung keimi cu taigü nak hmun ah kami hteh nak lam ah khoshe naw kai sei cecai ciah, ami changshäm hnumi hta tumat cu kami hmuk ci. Ani cu ak ce ng’cheng awn a bawi gui ah hmawk ah ngui akda gah ci.

LAMKTU 10:1

Sisaria gawnu ah Konelius ming nak ciah chang tumat om ci. Ani cu Itali ming nak ciah Roman gaakap shekshen ung kaptain ah kya ci.

LAMKTU 21:16

Sisaria ah kaa yum ciah chang amshah gui cu keimi awn a täng ah law tu u ne, Saiprus ah kaa, yum ciah chang Mnason ah im ah kai vai ah na hteh püi gui ci gui.