LAMKTU 21:5 - Cho Bible Common Language 2016

⁵ Cun ah ngah mi awn kho hnüüp chih kami om tu kawn ah k’täi ne kami hteit ba ci. Zum ciah chang gui cu ami k’chu, ami hta gui ni, ami van naw pigaw k’pung tui kam pei ah khüt ne na tha tu ba gui u sei, tui kam ah kami van m’khuuk doong ne kami taigü ci.

LAMKTU 21:5 Referans Kwoze

LAMKTU 20:36

Paul cu thu pyein yawp netah ang khah püi gui awn a täng ah m’khuuk doong ne taigü ci gui.

LAMKTU 9:40

Peter naw cun ah chang gui ami van k’caw ah tüi gui netah, khuuk dong ne taigü ci. Cun kawn ah gook lam ah ng’hlat netah, “Tabitha, hto vä,” cine pyein ci. Tabitha cu m’dei law ba ne, Peter cu hmu netah, hto ne ngok ci.

LAMKTU 20:38

Paul naw, “Kei cu cän kawn ah kä nami na hmu ba khai” a ciah hmawk ah ang htei ah thüi sei yaica ci gui. Cun kawn ah ngami naw htinpaw ah khüt ne tha tuk ci gui.

LAMKTU 15:3

Khrithabum gui naw cun ah ami chang ghü gui cu pigaw k’pung ah khüt ne tha gui u sei, Rhoenicia la Samaria kho gui cu sun ne hteit ci gui. Cun ah ami hteh nak lam ah khritha gui ah ma ah changpakhui hei gui naw Khanpughi ami yum law tu a mawng cu m’thein tu gui ci gui; cun ah a mawng gui cu ng’ya u netah yum ciah chang gui cu yeikyai ci gui.

SAM 95:6

Law vä, ama ah kawp ne mi khawihnah khai; Na tüisho gui ciah Bawipa ah ma ah mi m’khuukdong khai nei!

LAMKTU 17:10

Kho a mü law vai-am yum ciah chang gui naw Paul la Silas cu Berea gawnu ah tüi goi ci gui. Cu ah gawk ni netah ngahni cu pum im ah hteit ci goi.

MAKUH 1:40

Kheilei ung gaw ciah chang tumat cu Bawipa Jesuh ah pei ah law ne, m’khukdong netah, “Bawipa nang yak hlü a om ung kei cu na theek gai sak ä” cine ng’yoi ci.

MATTHE 14:21

Hnumi gui la ak hmaw hta gui kä khei tu ah m’htut ei ciah pami ng’vai bäng cu phia hma-kip lawk ci.

2 SHONTÄP NAK 20:13

Judah chang gui ami van, ami chu, hta gui mah ah Taigüim pei ah ng’düi ci gui.

1 GHANGPUGHANG GUI 8:54

Solomon cu Bawipa ah taigü nak ng’pyi khäta, m’khuuk dong ne a kut shäng ne a ngoh ah sonkiang ah ma ungka ng’düi lawk ci.

NEHEMIAH 12:43

Cun ah hnüüp ung khawihnah nak akda douthak u ne, chang gui cu akbe ah yei ci gui, a i ah kyasei ci ung ngami cu Khanpughi naw ang htei ah a yei sak gui ah kyak ci. Hnumi gui la a hmaw gui cu cun ah pawi ung yeikyai ci gui, ngami ami van ah m’lau cu a shou nak ah ka naw ng’yak vai kyak ci.

JOSHUA 24:15

Ani ah bii bi vai cu kä nami ng’yak hlü ah a kyak ung, a u ah bii bi vai cu tuhngawi nami phukpit vai. Mesopotamia ah nami pupa gui ah khawihnah man ah khanpughi gui ang? Tuhbäi nangmi naw nami om nak ah khaw mah gui, Amorit gui ah khanpughi gui ang? Kei la ka kyongchang läi naw Bawipa ah bii kami bik khai nei.”

LUKA 22:41

Cun kawn ah ang düihpüi gui awn li-kiak ät vai ng’lak nak khai ah hteit netah, m’khuukdong ne,

JOSHUA 8:35

Moses ah thumkhän gui nü cu Joshua naw chang bum van ah ma ah phat ci. Acun ung hnumi gui la a hmaw gui ni, ami ng’lung ah om tuk ciah khuihei chang gui mah ah om ci gui.