LAMKTU 21:40 - Cho Bible Common Language 2016

⁴⁰ Gaakap bawi naw yum sei, Paul cu khlaak ung ng’düi netah, chang gui ami dingkyiip vai ah a kut awn nüt ci. Chang gui dingkyiip yawp u khätah Paul naw Hebru ng’thu awn: shicha pyein ci.

LAMKTU 21:40 Referans Kwoze

LAMKTU 12:17

Peter naw a düm ah ami om vai ah a kut awn nüt ne m’cäi gui netah, Khanpughi naw thawng ungka ak phiawn ba ah mawng cu m’thein tu gui ci. Cun kawn ah “Shin ah mawng cu James la khritha phäi nau gui am m’thein tu gui vä” cine m’cäi gui netah a kho hei lam ah hteit ci.

LAMKTU 26:14

Acun vai am kami van kyu ne m’dek ung kami ng’yän ci. Cun kawn ah Hebru ng’thu awn, “Soul, Soul! A i ah kyasei kei nah na k’dudeiu nak ang? Vantang naw a mah ah thah htung ak peh ah mäih ah, nang naw htung m’shum cu nak peh ung na mät ung nak khai nei” ciah k’aw cu ka ng’ya ci.

LAMKTU 22:2

Cun ah Hebru ng’thu awn a pyein cu chang gui naw ng’ya u netah dingkyiip law pi ne ngai ci gui.

JOHAN 5:2

Jerusalem pigaw hto m’kawt pei ah ng’phoh hma ah ami ng’vong ah tuili tumat om ci. Cun cu Hebru ng’thu awn ‘Bethyatha’ ah pyein ci gui.

LAMKTU 21:35

Gaakap bawi ah yung khlaak pei ah ami gawk law yah ung, chang gui naw k’bui law aih u khä tah, gaakap gui naw Paul cu chang ne hteh püi ci gui.

LAMKTU 19:33

Judah chang gui naw Alexander cu k’hma ne hteh sak u khätah, shin ah a mawng cu ani ah awm ah chang amshah naw mgai ci gui. Alexander naw chang gui ak ding ah ami om vai ah a kut awn nüt gui ne, a mawng ama m’thein gui khai ah k’tha nak ci.

THU PHLAAN 16:16

Cun kawn ah mümcha gui naw ghangpughang gui cu khü gui yawp u ne, Hebrew ng’thu awn Armakeddon ami ci nak ah hmun ah k’bum gui ci gui.

THU PHLAAN 9:11

Ngami ah ghangpughang cu m’hte lungkhui uk ciah khanchang ah kiakci. Ani ah ming cu Hebrew ng’thu awn Abaddon, Karik ng’thu awn Apollyon ah kyak ci, (cun cu m’di ci, ciah kyak ci.)

LAMKTU 13:16

Paul naw ng’düi law ne a kut awn nüt netah thu a pyein cu: “Israel chang gui la Khanpughi yum ciah khui hei chang gui, ngai yawp vä!

LAMKTU 6:1

A pipi shou law sei, ang khah püi gui da law pi k’täi ci gui. Cun yah ung Greek ng’thu ah ng’thu ciah Jew chang gui la khomah Jew chang gui ah ng’lak ah kä ami ng’gei nak om ci. Greek ng’thu ah ng’thu ciah Jew chang gui naw, hmeinu gui cu ak hnüüp tä ng’büh khai ah ngui käk dük ci gui cineh’ she nah gui ci gui.

JOHAN 19:20

Bawipa Jesuh kutlamtung ung tai ne ami ngawn nak cu, gawnu awn ng’et ci kyasei, chang akda naw cun ah ca cu phat ci gui. Cun ah ca cu Hebrew, Latin la Kagik ca gui awn ami guk ah kyak ci.

JOHAN 19:17

Bawipa Jesuh cu kutlamtung kawt ne, ‘Luguh Hmun’ ami ci nak ah hteit ci.

JOHAN 19:13

Cun ami cicu Pilat naw ng’ya netah, Bawipa Jesuh cu ak pung ah luh law püi ba netah, lung ami pyan ah bawi ah ngoh nak ung ngok ci. (Cun ah cu Hebrew ng’thu awn Gabbatha) ah pyein ci gui.

LUKA 23:38

Bawipa Jesuh ah alu khan ah phi, “Shin cu Jew chang gui ah Ghangpughang nei” cine ca gu ne tai ci gui.

2 GHANGPUGHANG GUI 9:13

Cun vai am Jehu ah a paw gui bawi gui naw ami suinu gui hlaak ah khan ah Jehu naw angdüih nak vai ah k’phiat u ne, phyungheng tum ne, “Jehu cu Ghangpughang ah kyak ci nei” cine m’lau ci gui.

LAMKTU 1:19

Cun ah amanwg cu Jerusalem ah chang gui naw ng’yah u ne tah, cun ah lai cu ami mät ah ng’thu awn “Akeldama” ah sui ci gui, cun cu “Si lon kho” ciah kyak ci.)