LAMKTU 21:33 - Cho Bible Common Language 2016

³³ Cun yah ung gaakap bawi gawk law ne Paul cu pha sak gui ne, m’si gui k’hnih awn pha ne khih sak gui ci. Cun kawn ah Paul cu a u chang ah a kyak la a i katnak a bi ah ng’shi k’ca gui ci.

LAMKTU 21:33 Referans Kwoze

EPHESIAN 6:20

Kei cu thawng ka cun pang ung phi, shin ah Thu Ni ah hmawk ah ng’shä ah ka kyak ci nei. Shin ah Thu Ni ka pyein khai ah kang düi ci kyasei, khüighaat ne ka ng’shäu vai ah nami na taigü peik vai nei.

LAMKTU 21:11

Ani cu keimi ah om nak ah law ne, Paul ah khei khih nak la ne, akut a khaw cu pin netah, “Shin ah kheikhih nak ka nak ciah chang cu, Jerusalem ah Judah chang gui naw, a shin ah mäih ah khit ne pin u netah, changpakhui hei gui am ap khai gui nei, ci ne Mumcha Theing naw pyein ci nei” cine pyein ci.

LAMKTU 20:23

Kei naw ka hmat cu, a gawnu päng ung Mumcha Theing naw, “Thawng kium nak la yaica nak ung na gawk khai nei” a ci bäng ah kya ci.

LAMKTU 12:6

Herod naw Peter cu chang gui ah ma ah kä a k’plawk pha ah kho mü ät ung, Peter cu ngäng ciah gaakap hnih ang lak ung ip ci. Ani cu m’si gui hnih awn khih u ne, thawng m’kawt pei ah phi gaakap gui naw ngäng ci gui.

LAMKTU 28:20

Cun ah kyasei nangmi awn ng’hmuh vai ah ka k’tha nak ah kya ci. Kei shin ah m’si gui, gui awn ami na khih cu, Israel chang gui naw, mi ngäng ah Bawipa ah hmawk ah kyak ci” cine pyein ci.

LAMKTU 22:29

Acun vai-am Paul cu ng’shica ng’thumcha tuk khai ah chang gui phi ng’hlat ba yawp ci gui. Paul cu Roman changpa ah a kyak ah mawng la ani m’sii gui awn pin ne ami khih ah mawng cu hmat netah, gakap ng’vaipi cu ang htei ah kyikyawk ci.

2 TIMOTHI 2:9

Kei cu Thu Ni ka pyein ah phäh ah ka geinvai ci, m’si gui awn phi ami na khih nak ah kyak ci. Cun ung phi Khanpughi ah Thu läi cu khih pawn nak kä om ci.

2 TIMOTHI 1:16

Onesiphorus ni ah kyongkhui ung Bawipa ah chimgein nak om sä, ani naw akda vei kei ah lung cu na hüiyang sak ci nei. Kei cu thawng k’kium ah ka kyak ung phi, ani naw kei cu kä na ng’aa nak ci nei,

LAMKTU 26:29

Paul naw, “Ashäng hta la ak shou nu cu ak tung ah kä kyak ci, nang ghangpughang la tuk bäi ka ng’thu ngai ng’ya tuk ciah chang avan cu, shin ah khihpawn nak ungka phyawng ne, kei ah mäih ah nami kyak law tu vai ah, Khanpughi ah kak taigü ci nei” ci ne pyein ci.

LAMKTU 25:16

Kei naw, ami chak ah chang tumat cu, chak ci gui ah chang gui awn mik hmai ng’chum sei kä ng’hmu sak ah, ngami ah chak nak ah mawng cu am hlan nak tu ba gui vai ah, a khin kä peit ah, k’sung ne m’kat cu, Roman thung ah kä kyak ci, cine kam thein gui ci.

SUKI GUI 16:21

Philistin gui naw ani cu pha u neta amik cu kawih ci gui. Cun kawn ah kaza ah hteh püi u ne, kyei gui awn khit u neta, thawng im kyong ah gawtlung gawt sak ci gui.

SUKI GUI 16:12

Cun ah kyasei Delilah naw gui akthai la neta khit ci. Cun kawn ah ani naw, “Samson! Philistin gui lawk ci gui nei!” cik ci. Ahei akhan ah ka naw chang gui naw mah ci gui. Cun ung phi a kut ung gui gui cu bigui ah mäih ah kaih pit yawp ci.

SUKI GUI 16:8

Cun ah kyasei Philistin ghangpughang gui naw kä hu phak ciah liza akthai chih cu Delilah am thak law u sei, ani naw Samson cu khit ci.

SUKI GUI 15:13

Ngami naw, “Ä, keimi naw nang cu kami ning khit bang khai, cun kawn ah ngami am kami ning ap khai, kä kami ning ngawn khai” cik ci gui. Cun kawn ah ani cu gui ak thai hnih awn khit u neta, lungsheng ung ka law püi ba ci gui.

LAMKTU 22:30

Paul cu Judah chang gui naw a i katnak k’bün ne ami k’sung cu, gakap ng’vaipi naw ang dang ah hmat hlük ci. Cun ah kya sei a ngawi ung Paul ami khih nak ah m’sii gui, gui cu k’phian tu ba netah, Taigü la kawngsi ng’vai gui cu ng’cut sak gui ci. Cun kawn ah Paul cu law püi ne ami ma ah ng’düih sak ci.

PHILIPPIAN 1:7

Kei naw cun ah nangmi ah mawng ka ngaihtüh cu ng’düng ci, a i ah kya sei ci ung, nangmi naw kei cu nami m’lung awn nami na k’pan na phäh ah kyak ci. Tuk bäi thawng ung ka kyum yah ung la Thu Ni cu a kho k’ding ah pyeinsa ne, ka k’süm pyan yah ung nangmi cu, Khanpughi naw ana peit ah akhin k’ni ung, nami bilawh tu ah hmawk ah phi kyak ci.