LAMKTU 21:24 - Cho Bible Common Language 2016

²⁴ Ngami awn a täng ah hteit u netah a täng ah theingcim nak cu nami bi vai, nami lu nami k’teiu nak ah ang khah cu nang naw na peit vai. Cun ah na bi ung nang ah mawng chang gui ah pyein cu kä hman ciah hmu u ne, na mät naw ma ne, Moses ah thukhän cu na läk ciah chang a van naw hmat khai gui.

LAMKTU 21:24 Referans Kwoze

LAMKTU 21:26

Cun ah kyasei Paul naw a ngawi ung cun ah chang phli cu khü gui netah theingcim nak cu bi püi gui ci. Cun kawn ah ani cu pum im ah hteit ne, theingcim nak a mi bi ang pyi nak vai ah a khin la ami mät phäh phäh naw ap ne ami peit nak vai ah a khin cu ng’daut ne m’thein gui ci.

LAMKTU 24:18

Taigüim kyong ah kei cu theingcim nak ka bi kawn ah, peit taak nak ka bi law yah ung, ngami naw kei cu na hmuk ci gui. Cun yah ung chang a u kä om ci, thüngphyong pamcai nak phi i kä om ci.

LAMKTU 18:18

Paul cu Korin ah yum ci gui awn a täng ah kho hnüüp akda om netah, Priscilla la Akuila awn ng’gui ne Siria kho ah htinpaw awn hteit ci gui. Kenkhrea ungka htinpaw kä a ng’düih law phaung, Paul cu Khanpughi ah thu khän bik ci kyasei a lu k’teiu ci.

1 KORIN 9:20

Kei cu Jew chang gui ah lung ah ka bi yah ung ngami ami phiawn nak vai ah, Jew chang ah mäih ah ka om tuk ci, Moses ah thukhän phi läk ciah chang ah mäih ah ka om ci. Thukhän ah kaa ah om ci gui k’phyawn nak gui vai ah thukhän ah kaa ah om ciah mäih ah ka om tuk ci.

PHYAWN NAK 19:14

Moses naw m’htung ah kaa kyum law ba neta, khawihnah ge vai ah ami om vai ah chang gui cu m’thein gui ci. Cun ah kyasei ngami cu ami suisak m’suk ci gui.

KALATIAN 2:12

Ani cu chang khui hei phäi nau gui awn vun vai ne ei aw te ci, cun ung phi James ah tüih law ah chang gui ami gawk law kawn ah, khui hei gui awn vun vai ne kä ei aw ba ci. A i ah kyasei ci ung ani naw, khui hei gui-am vun-ah nak kä bi sak tu gui vai ah pyein ciah chang gui cu a kyih su ah kyak ci.

JOHAN 11:55

Jew chang vai gui ah pasakha pawi ng’et law ciah kyasei, pigaw yung ah chang gui pawi kä a gawk law pha ung theingthap nak bi vai ah Jerusalem ah gawk lawk ci gui.

JOHAN 3:25

Johan ah khahpüi amshah gui cu, Jew chang gui awn tuihnim nak ah mawng pyein ne ng’cuhcan ci gui.

JOB 41:25

Ani ang düih law ung aktha ghat pi ci gui phi kyi kyawk ci gui. Ngami cu kyi aih u ne akgu ah mäih ah kyak ci gui.

JOB 1:5

Pawi päng ah a ngawiu ung khongawi, Joba cu ang dawt ah thou law neta, a hta gui tumat ciah phäh ah ami theingthap nak vai ah khawihnah dou thak ci ci. Ani naw ak phlüt ah cun ah abi cu a hta gui tumat mat naw kä ngaih-tüh ah Khanpughi a i ah kä sui ne akat nak vai a kyih ah phäh ah kyak ci.

SUKI GUI 13:5

Pami ah na hta kawn ah a lu kä k’teiu en pek vai, a i ah kyasei ci ung, ani cu hta nak ge ung tün ne Nazirit cine Khanpughi am ap ah kyak ci. Ani naw Israel gui Philistin gui ah kut ung gun nak gui vai cu tün ne bik khai.”

KHEI NAK 6:18

Phung ung valuh nak ung Nazirit naw alu teiu neta hmuhchum douthak m’khih nak ah mei ung a yuk shum vai.

KHEI NAK 6:13

Nazirit ah kyak ci naw shaitak a khüm law ah akiak ung ani naw thungyo cu abi vai. Ani cu Phung valuh nak ung a hteh vai.

KHEI NAK 6:9

Ani Nazirit ah kya ne ang ap yah ung a pei ah chang ang ghit ah asih ah a kyak ung ani ah ang ap nak ah lusam cu lelawi ci. Cun ah kyasei ani naw hnüüp chih ung ngäng neta a lusam la am khamu cu ak teiu vai. Cun ung ani cu theingthap ciah kya ba khai.

KHEI NAK 6:5

Ani cu nazirit shaitak ah ka ung a om ah chuih alu kä a ah vai. Kä ak teiu vai. Ani cu a khin akbe ah Bawipa ung ang ap nak ah shaitak naw k’pawng ci. Ani naw a lusam am sei vai, am khamu am sei vai.

PHYAWN NAK 19:10

Bawipa naw Moses am, “Hteit ne chang gui am m’thein gui ä, Kei na khawihnah khai gui ah kyasei, tuh ngawi la ngawi ung ami ng’gangsei vai, ami suisak ami m’su vai,