LAMKTU 21:13 - Cho Bible Common Language 2016

¹³ Cun ung phi Paul naw, “A i ah kyasei nang mi kyap lau u ne, kam lung nami na thüi sei sak ang? Kei cu Bawipa Jesuh ah hmawk ah, Jerusalem ung pha ne khih nak bäng ah kä kaak ciah, sih nak vai ah phi ka ng’düi ge ci nei” cine pyen na gui ci.

LAMKTU 21:13 Referans Kwoze

LAMKTU 20:24

Kei cu ka hnun gui ah kä ka ng’vang ci, a nam hnüt peit ah bi la, Bawipa Jesuh ah na peit ah bi, pyi ne bi vai cu ak tung ah kia sei, Khanpughi ah m’gein nak mawng Thu Ni cu hteit shüi ne pyein vai bäng ah kya ci.

PHILIPPIAN 2:17

Nami yum nak awn Khanpughi am nami peit ah khawihnah nak ah khan ah, kei ah ka hnun si cu kam soi ah a kyak ung phi kei cu ka yei ci nei, nangmi phi ka ning yei sak gui ci nei.

2 TIMOTHI 4:6

Kei läi cu ng’ghuthaa nak ah ka kyak nak vai ah akhin gawk law pyi ci nei, shin ah ghin nak kang kawn taak vai ah a khin phi ng’et lawk ci nei.

THU PHLAAN 12:11

Mi phäi nau gui naw Htomehta ah si awn la ami ng’shäu ah ng’düng nak awn Satan cu m’khüt pyi ci gui nei. Ngami cu ami hnun gui apit ung phi kä ng’hlat khai gui nei.

KOLOSE 1:24

Tuhbäi nangmi ah hmawk ah ka yaica ah hmawk ah ka yei ci nei. Bawi Khrit naw apumsa ah kyak ciah Khrithabum ah hmawk ah ayaica ah mäih ah a gawk güt ung ka pumsa yaica nak awn ka ning m’htei gui khai nei.

2 PETER 1:14

Kei cu kä shou pha sei, shin ah sheka thei ciah pumsa cu ka nawng shüt lawk khai ah ka hmat ci nei, cun cu Bawipa Jesuh Khrit naw ang dang ah anam thein pyi ah kyak ci.

LAMKTU 20:37

Ngami naw Paul cu, kyap ne kyawp ne, ng’uui hnam u ne, gidam ci gui.

LAMKTU 5:41

Ang düihpüi gui cu Khanpughi naw Bawipa Jesuh ah hmawk ah hmai m’sheit nak aut khin ci gui ah ak bäi gui ah phäh ah yeikyai u ne kawngsi yungah ka hteit ba ci gui.

THU PHLAAN 3:10

A i ah kyasei ci ung nang naw ka ng’thu cu na k’püüi ne na khäm ci, m’dek ah khan ah chang gui phawtcam gui khai ah yaica nak a gawk law hnüüp ung, nang cu kei naw ka ning ngung khai nei.

2 TIMOTHI 1:4

Nang phlitui ali cu shüm ba ne ang htei ah ka ning hmu hlük ci nei. Nang ka ning hmuh ung kei cu yei nak awn ka be khai nei.

1 KORIN 15:31

Phäi nau gui aw, kei cu ak hnüüp tä sei sih nak ka aut ci nei! Kei cu nangmi ah hmawk ah ka yeikyai ci, mi Bawipa Jesuh Khrih awn kawng ät ne mi ghin nak awn shin ah ka pyein ah kyak ci.

LAMKTU 9:16

Kei ah hmawk ah a yaica nak gui vai ah mawng cu, ka mät naw, ani am kam dang khai nei” cine pyen nak ci.

PHILIPPIAN 2:26

Ani naw nang mi cu ning khaih na gui ci, ani ah gawpai ah mawng nami ng’yak ah hmawk ah ani cu am lung kä ni ngai ngai ci nei.

JONAH 1:6

Htinpaw kepting naw ani cu hmu neta, “A i ah kyasei na ih ang? Tho law ne na Khanpughi ah taigü ä! Ani naw mikmi ah hmawk ah ng’ä neta, mi hnun gui nak phyawn gui hman khai nei” cik ci.

EZEKIEL 18:2

a pyen cu, “Israel khaw ung Chang gui naw leng ba ba ne ami pyen ah shin ah ng’thu thuuk cu a i ang? ‘Nupa gui naw htui k’thui ei u sei, Hta nau gui ami ha kyim ci.’

ISAIAH 3:15

Nangmi ung ka chang nami dep nak vai la dukhaih ciah khan ah nami eiawk nak vai ah amawng kä om ci. Kei, Avan Uk ne M’gäi ciah Bawipa naw ka pyen nei.”

1 SAMUEL 15:14

Samuela naw, “Sei ah maw la htome ah m’lau ka ng’yak ci, a i ah kyasei ang?” cik ci.

1 SAMUEL 1:8

A cei Elkanah naw ng’shuk ci, “Hannah, a i ah kyasei na kyah? A i ah kyasei ei kä na ei? A i ah kyasei angtäi sei na thüi? Htapami sing gha ah ta, kei ka kuikyang pi ciah kä kya ne ang?

JEREMIAH 40:1

Ramah ung gabawi Nebuzaradan naw a na luat sak awn ah Bawipa naw ng’thu na pyen püi ci. Kei cu m’sii gui awn na khit u ne Jerusalem la Judah ah ka pha ne Babilonia ah ami hteh püi gui awn atäng ah na hteh püi ci gui.

1 SHONTÄP NAK 11:18

Mingthang ciah gakap thum naw Philistin gui ah phung cu ak gat ah kan u ne, tuishawk ungka tuithan u neta, David ah law püi ci gui cun ung phi ani naw cun cu kä awk ci, ani naw cun ah tui cu Bawipa am phyuh ne douthak neta,