LAMKTU 20:7 - Cho Bible Common Language 2016

⁷ Hnüüp chih hnüüp ung keimi cu vunvai ne ei auk vai ah kami ng’bum ci. Paul cu a ngawi ung hteit law ba khai ah kya netah cu mü kho cawih ung khüt sei thu pyein ne m’thei thang gui ci.

LAMKTU 20:7 Referans Kwoze

1 KORIN 16:2

Kei ka gawk law ung ngui loh vai kä hlü khai ah, pum hnüüp päng ung, ak chang sing naw nami mät ah khawh gah a ciah, pe u ne, nami na m’cun vai nei.

LAMKTU 2:42

Ngah mi cu ang düihpüi gui ah ng’thei thang tu u neh a täng ah ip om u neh, a täng ah ei awh u neh, a täng ah k’tai gü u neh, mü pyang ci gui.

JOHAN 20:19

Hnüüp ät hnüüp mühun ah ang düihpüi gui cu, Jew chang vai gui kyih u netah, kyong ah shoh khai ne om ci gui. Cun sang ung Bawipa Jesuh cu ami ma ng’lung ah ng’düi law netah, “Nami khan ah ding gei nak om sä” cik ci.

JOHAN 20:1

Hnüüp chih ung ak hnüüp ät hnüüp, kho ngawi hta ah kho thai ghi ghi sei, Mari Makadalen cu ng’cim hmun ah hteit netah, khui m’kawt ami khai nak ah lung cu ng’hmawng sei hmuk ci.

THU PHLAAN 1:10

Bawipa khawihnah nak hnüüp ung Mumcha cu kei ah khan ah kyum law khätah, k’phyungheng tum ah mäih ah ng’thu k’aw cu ka hnu lam ah ng’shan law sei ka ng’yak ci.

LAMKTU 20:11

Paul cu im khan ah hang kai ba netah ang khah püi gui awn a täng ah vunvai ne ei auk ci gui. Ami ei auk awn nah kho thai ghi ghi güt sei ak chang gui awn a täng ah ak shou ng’cecäk u netah cun ah pigaw ungka pawng ne hteit ci.

LAMKTU 28:23

Cun ah kyasei ngami cu Paul awn hnüüp ng’nüt u netah, ami ng’nüt nak ah hnüüp ung chang akda Paul ah om nak ah gawk law ci gui. Paul naw kho ngawi ah tün ne, mühun nah khüt khai ah khanpughi ah uknak ah mawng Thu Ni cu m’thein gui ci. Bawipa Jesuh ah a mawng cun phi, Moses ah thukhän la prophet gui ah cacim gui awn küm khai ah, ngami naw ami yum tu vai ah k’tha nah ne m’thein tu gui ci.

LAMKTU 20:9

Eutikus ming nak ciah ak hmaw chang tumat cu, Paul naw thu a pyein ah ung m’kawt khan ah ngoh ne ngam ci. Ngam ne ip law netah im ah ang dün thum nak kaa kya lawk ci. Chang gui naw ami yu chan tu ba yah ung ani cu si pyi ciah kyak ci.

LUKA 24:35

Cun kawn ah ngami naw phi, lam ah ami ng’gui ah mawng, m’htut akbou law yah ung Bawipa ah ami hmat law ah mang gui cu, m’thein tu gui ci goi.

1 KORIN 15:10

Cun ung phi Khanpughi ah m’gein nak awn kei ah ka kyak ci, kei am a na peit ah cun ah m’gein nak cun phi a kholä ah kä kyak ci. Kei cu a hei ang düihpüi gui ah ta k’tha nah pi ne khuut ka bik ci. Cun ah ka bi cu ka mät ah k’tha gui awn ah kä kyak ci, kei ung om ciah Khanpughi ah m’gein nak awn ah kyak ci.

1 KORIN 10:16

Mikmi naw Bawipa ah mü ei mi ei ung, Khanpughi cu m’hlüngtai ne khap cu la ne mi awk ung, Bawi Khrih ah si mi ng’pai tu ah kyak ci. M’htut cu k’bo ne la ne mi ei cun phi, Bawi Khrih ah sa mi ng’pai tu ah kyak ci.

LAMKTU 20:31

Cun ah kyasei kei naw nang mi am kho kum thum pum ung amü ak hnüüp, ka ng’phli tui kya law sei, ka ning m’theithang gui cu nami shüm ba khenggeng vai nei.

LAMKTU 2:46

Ngah mi cu ak hnüüp tä seih pum im ah ng’bum ci gui. Ami im gui ung phi m’lung neim nak lah, yeikyai nak awn a täng ah vun vai ne ei awk ci gui.

JOHAN 20:26

Cun kawn ah ak hnüüp cheit hnüüp ung ang düihpüi gui cu, kyong ah shoh khai ne ng’bum ba ci gui. Acun ung Thomas cun phi om tuk ci. Cun yah ung Bawipa Jesuh cu ami ng’lung ah ng’düi law netah, “Nami khan ah ding gei nak om sä” cik ci.

LUKA 22:19

Cun kawn ah Bawipa Jesuh naw, m’htut cu la ne Khanpughi m’hlüngtai netah, m’htut cu k’bou ne, ang düihpüi gui-am tei gui netah, ‘Shin ah m’htut cu nangmi ah hmawk ah ka k’bou ah ka pumsa ah kiak ci,

NEHEMIAH 9:3

Bawipa ami Khanpughi ah thukhän cu nazi thum ung ami ma ah ami phat kawn ah, nazi thum bamä ung ami katnak ng’yu ba u neta, Bawipa ami Khanpughi cu khawihnah ci gui.

NEHEMIAH 8:3

cun ah m’kawt ah pei a awng nak ung, khaw thaih ung tün ne khaw hnüüp güt chang gui ah ma ah cun ah thukhän cu phat sei, chang avan naw tügüh ne ngai ci gui.

2 TIMOTHI 4:2

Cun ah kyasei akhin a om ung phi, kä a om ung phi Thu Ni cu na pyein vai nei. Na thu ngai yak ci gui cu ami katnak dang sak gui ä, m’cäi gui ä, thagui pe gui ä, hnimgein nak awn m’theithang gui ä.

MAKUH 16:9

Ng’len hnüüp khongawi htasiik ah Bawipa Jesuh cu sih nak ungka a thawh ba kawn ah Mari Makdalene ah ma ah ng’dang ba ma ci. Ani cu khoshe pachih naw kai sei Bawipa Jesuh naw ak täm peit te ah chang ah kyak ci. Hnumi gui cu Peter la apaw gui ah om nak ah hteit u netah, ami hmuh ng’yak gui phung cu avan m’thein gui ci gui.

LAMKTU 16:10

Cun ah Paul naw amik hmuh vai am keimi cu Macedonia kho ah hteh vai ah kami pawng m’htein ci, a i yah kyasei ci ung, cun ah kho ah om ciah chang gui ah ma ah Thu Ni kami pyein vai ah Khanpughi naw na khü gui ci ciah kami yum nak awn ah kya ci.

LAMKTU 20:5

Ngami cu ana hteit ma u netah Trosa pigaw ah na ging gui ci gui.