LAMKTU 20:6 - Cho Bible Common Language 2016

⁶ K’caw kä shum ah m’htut den nak ah pawi ng’pyi khä tah keimi cu Philippi ah kaa htinpaw awn law u ne, hnüüp hma lüng khä tah ngahmi ah om nak Troas ah ka mi gawk law ci. A cu ah hnüüp chih kami om tuk ci.

LAMKTU 20:6 Referans Kwoze

LAMKTU 12:3

Cun ah a mawng Jew chang gui naw ami ng’yaak hlü hmat netah Peter cu pha ne khit ci. (Cun ah khin cu k’cow kä shum ne m’htut den ah pawi khin ah kya ci.)

LAMKTU 16:12

Cun ungka naw Philippi gawnu ah kami hteit ci. Philippi cu Macedonia kho ah mang gaw tumat ah kya ci. Roman chang gui ah gawnu ah phi kya ci. Cun ung keimi cu kho hnüüp akda kami om ci.

PHYAWN NAK 23:15

Abib cha, Egypt khaw nami hteh taak nak ah cha ung, K’caw kä shum ah m’htut awn mang ei pawi cu, kei naw ka thumkhän ah mäih ah nami bi vai. Cun ah hnüüp chih pawi ah kyong ung k’caw shum ah m’htut phung kä nami ei vai. Douthak vai a i kä law püi ah law ne kei cu kä nami na khawihnah vai.

2 TIMOTHI 4:13

Nang na law ung Troas gawnu ah Karpus am ka ap shüt ah suinu la cauk gui, ak tung pi ah mehvun ung guk ah ca k’chaw gui cu na law püi vai nei.

PHYAWN NAK 34:18

“K’caw kä shum ah m’htut htun ne pawi cu nami bi kheng geng vai. Thumkhän ka ning pek gui ah mäih ah Abib cha khaw hnüüp chih ung k’caw kä shum ah m’htut nami ei vai, a i ah kyasei ci ung cun ah cha cu Egypt khaw nami hteh tak nak ah kyak ci.

1 THESSALONIAN 2:2

Nangmi ah om nak Thessalonika ah kä kami law pha ung, Philippi ah a i hawkcha ah shedam dukdeiu nak kami gah cu nami hmat ci nei. Cun hlawk ah hnu ng’tuk püi nak a om tu pang ung phi, Khanpughi naw amät ungka lawk ciah Thu Ni cu, ning m’thein gui vai ah thamah nak na pe gui ci nei.

PHILIPPIAN 1:1

Bawi Khrit Jesuh ah changshäm ah kyak ciah Paul la Timohti naw — Philippi gawnu ung Khrithabum uk ci gui la bi püi gui ci gui ni, Bawi Khrit Jesuh ung kawng ät ci gui ah Khanpughi ah chang gui ni am, ca guk law ci goi nei.

LAMKTU 28:14

Cun ah pigaw ah yum ciah chang gui awn ng’hmuh u ne, kho hnüüp chih kami om vai pyein ne na chou gui u sei, om tu u netah, Romah ah k’täih ne kami hteit ci.

LAMKTU 21:8

A ngawi ung düi law ne hteit ba u ne, Sisaria ah kami gawk ci. A cu ah Thu Ni pyein ciah Philip ah kami kai ci. Ani cu ang düih püi gui bi bi püi gui khai ah Jerusalem khritahbum naw chang sing chih ami ghü nak ungka tumat ah kya ci.

LAMKTU 21:4

A cu ah yum ciah chang gui awn ng’hmu u ne, hnüüp chih kami om tuk ci. Ngami naw Mumcha Theing ah lam shüm nak awn Paul cu Jerusalem ah kä ah hteh vai ah maa nak ci gui.

LAMKTU 16:8

Cun ung phi Bawipa Jesuh ah Mumcha Theing naw kä hteh sak gui sei, Misia kho cu phlän ne Troas gawnu ah gawk ci gui.

LAMKTU 16:10

Cun ah Paul naw amik hmuh vai am keimi cu Macedonia kho ah hteh vai ah kami pawng m’htein ci, a i yah kyasei ci ung, cun ah kho ah om ciah chang gui ah ma ah Thu Ni kami pyein vai ah Khanpughi naw na khü gui ci ciah kami yum nak awn ah kya ci.

LAMKTU 20:5

Ngami cu ana hteit ma u netah Trosa pigaw ah na ging gui ci gui.

LAMKTU 20:16

Paul cu Asia kho ah ak shou kä om hlü netah Ephesus sun pah ne htinpaw awn hteh vai ah k’bäi ci. Ani cu Jerusalem ah Pentekos hnüüp pha vai ah ak yang ah hteit ci.