Ani naw ami ng’phli tui avan cu ghu pe gui khai nei. Cun kawn ah sihnak, thüisei nak, kyah nak, m’neh m’awh nak kä om ba khai nei. Akphyim gui avan cu maih yawp pyi ci nei” cine pyein ci.
Cun kawn ah ng’düi law ne apa ah om nak ah hteit ba ci. Ashou nak pui ah ana a vü ba cu apa naw hmu netah, ang htei ah m’gein ne dou law ne kyap ne ng’ui ci.
Ngami naw Job cu ashou nak ah ka naw hmu u ne phi ka hmat ba ci gui. Ani hmu law u neta ngami cu thuikyap ci gui. Ami sui teek ne kyap u ne m’vut phyang ne ami lu bu ci gui.
Ezra cu Taigüim ah ma ung kawp ne taigü ne, shin ah katnak gui ah phäh ah kyap ne ang coipa sangung Israel gui cu akdäm ah ng’bum u ne, pami gui, hnumi gui la a hmaw gui — naw ani cu k’bui u ne, aktung ah kyap ci gui.
“Bawipa, na shüm ä, kei cu bekhüt ne htingling ne nang ah bi ka bik ci nei. Nang naw ka bi vai ah na ng’yak hlü cu angtäi sei k’tha na ne ka bik ci nei,” ci neta ani cu aktä ah kyap ci.
David cu Olive M’htung ah hang kai ne, thüi kyap ne, a pha hnak sut ne, thüi m’dang nak ah a lu shung ci. Ani läk ciah chang ami van phi ami lu shung ne thüi kyap ci gui.
Ak hmaw a hteh ba kawn ah, David cu lung pum gui ah hnu ung ka tho law ba ne, m’khukdong ne, m’dek ung thum vei kawp ne khawihnah ci. Ani ni hnih cu kyap ni ne, ng’ui tuk ci goi; David ah thüi cu Jonathan ah ta tä pi ci.
Elisha naw vantang gui nawng ne, Elijah ah dawng law neta a pyen cu, “Kapa la kanu cu ng’ui ne ka yavaih goi cang khai, cun kawn ah nang awn a täng ah ka hteit tuk khai nei” cik ci. Elijah naw, “Ä ya, hteit ba ä, kä ka ning ma nak khai nei!” cik ci.