LAMKTU 20:35 - Cho Bible Common Language 2016

³⁵ K’tha nah ne bi law netah ghawipyam ci m’gein tu nak vai ah a mawng avan cu ka ning m’dang gui pyi ci. Bawipa Jesuh naw, “Va dou nak katah hei peit nak cu, yei kiai nak da pi ci” a ci cu nami shüm ba vai nei.

LAMKTU 20:35 Referans Kwoze

HEBRU 13:16

Akni bi vai lah tumat la tumat ng’hteihtang tu vai cu kä nami m’hnih-en vai nei, cun gui cu Khanpughi naw ng’yak hlü ah vawihpeh nak ah kyak ci nei.

NG'THU K'THUUK~ 19:17

Dukhaih ciam na pek tak cu Bawipa am nak pu ah maih ah kyak ci. Bawipa naw ning thung ba khai.

MATTHE 10:8

Akgaw gai sak vä, aksi m’ghin ba vä, kheei lei ah ei gui theek sak vä, khoshe gui k’täm vä, Khanpughi ah m’gein nak kä khleih ah nami gah ci kyasei, chang gui am a phu kä lak ah vah pe vä.

2 KORIN 8:9

Nangmi naw mi Bawipa Jesuh Khrih ah m’gein nak cu nami hmat ci; Ani cu bühmang ciah Bawipa ah a kyak ung phi, nangmi ah hmawk ah pyam ci. A pyaamthaam nak awn ning bühmang sak gui ci.

1 THESSALONIAN 5:14

Phäi nau gui aw, ning m’cäi gui nei; a om shek ci gui khän ne m’cäi vä, kyikyawk ci gui thamah nak pe vä, yoken ci gui m’hteihtang tu vä, chang nüng ah khan ah hnimgei nak awn om vä.

ROMAN 15:1

Mi yum nak khäng htek ciah chang gui naw, ayum nak ken ciah chang gui cu m’hteihtang gui vai kyak ci. Mi mät ah yeikyai nak bäng vai ah mi bi khai ah kä kyak ci.

LAMKTU 20:27

A i ah kyasei ci ung kei naw nangmi am Khanpughi ah ang yaak hlü cu ka ning m’thein gui pyi ah hmawk ah kya ci.

ISAIAH 35:3

A van khak ci gui la aktha maih sei am khuuk ng’tum ci gui am, k’thamah nak yuk pe law.

HEBRU 13:3

Thawng kium ci gui cu ngami awn a täng ah thawng nami kium tuk ciah mäih ah ngai ne nami shüm gui vai nei. Zaica geinvai ci gui cu ngami awn a täng ah yaica geinvai ah mäih ah ngai ne, nami shüm gui vai nei.

EPHESIAN 4:28

M’gu man ciah chang phi käm gu-en ba ne, khüighaat ne hnüntho ne, amät ah hnun m’ghin ne, pyamtham ci phi am hteihtang tu hning vai ah tha na sä.

LAMKTU 20:20

Chang khli ah ng’lung ah phi bäi, nami im gui ah phi kyai, ka pyeinsak m’theithang ung, nangmi ah hmawk ah nik khai phung cu kä ka k’pawih na man ci.

ISAIAH 32:8

Cun ung phi m’tamkhah vai ah chang cu bä ciah hnüntho ne, hman ciah phäh ah khäng sei ng’düi ci.

2 KORIN 12:13

Kei naw nangmi cu a hei khrithabum gui ah mäih ah m’täng ne ka ning om püi gui ci, ngui ah mawng bäng ung kä ka ning bilawh sak gui ci. Cun ah kä täng khai ah ka bi ah hmawk ah kei cu nami nam gein vai nei.

2 KORIN 11:9

Kei cu nangmi awn a täng ah ka om yah ung ngui ka ng’yak hlü yah ung kä ka ning yaica sak gui man ci. Macedonia ah phäinau gui naw kei ah ng’yak hlü phung cu law püi ci ci gui. Kei naw a cau phi; ngawi ah phi, nami phuih kä ka gih sak khai.

1 THESSALONIAN 4:11

Ayan ä ka mi ning m’cäi gui ah mäih ah dimdeeih sei nami ghin om thei vai, chang kä khuihphaa ne nami mät ah bi ung nami khän htek vai, nami mät ah hnun nami mät naw nami m’ghin hning vai ah nami tha nak vai nei.

2 KORIN 11:12

Cun ung phi cun ah ang düihpüi ah pyein ciah chang gui naw, keimi ah mäih ah bi tuk ci gui pyein ne kä ami khähghah en hlawt vai ah, tuhbäi kabi ah mäih ah kabi gäk gäk khai nei.

1 KORIN 9:12

A hei gui hngaw naw nangmi ungka ami gah khin ah a kyakung, keimi läi naw däm pui sei kami gah khin ciah kä kya ne ang? Cun ung phi keimi naw cun gui cu kä kami lak ci. Bawi Khrih ah mawng Thu Ni kä a ng’phleng nak vai ah kami bui aut phung kami hnimgei ci nei.

LAMKTU 20:34

Kei naw shin ah kut awn bi bi ne ka chang gui ah sui ei vai la ka mät ah ng’yaak hlü gui, ka küm be sak cu nami van naw nami hmat pyi ci.

LAMKTU 20:36

Paul cu thu pyein yawp netah ang khah püi gui awn a täng ah m’khuuk doong ne taigü ci gui.

3 JOHAN 1:7

Ngahmi cu kä yum ci gui ah m’theithang nak kä dou u ne, Bawi Khrit ah khuut bi vai ah ng’düi lawk ci gui ah kyak ci nei.