LAMKTU 20:33 - Cho Bible Common Language 2016

³³ Kei naw chang ah ghui, ngui, sui awi kä kam hni ci.

LAMKTU 20:33 Referans Kwoze

2 KORIN 11:9

Kei cu nangmi awn a täng ah ka om yah ung ngui ka ng’yak hlü yah ung kä ka ning yaica sak gui man ci. Macedonia ah phäinau gui naw kei ah ng’yak hlü phung cu law püi ci ci gui. Kei naw a cau phi; ngawi ah phi, nami phuih kä ka gih sak khai.

1 KORIN 9:12

A hei gui hngaw naw nangmi ungka ami gah khin ah a kyakung, keimi läi naw däm pui sei kami gah khin ciah kä kya ne ang? Cun ung phi keimi naw cun gui cu kä kami lak ci. Bawi Khrih ah mawng Thu Ni kä a ng’phleng nak vai ah kami bui aut phung kami hnimgei ci nei.

1 KORIN 9:18

Kei naw a i ng’cheng ka gah khai ang? Kei ah gah cu, ng’cheng kä om ciah Thu Ni ng’shäu ne pyein nak la, cun ah pyein ah phäh ah gah ah khin ci gui cu kä k’thäh ah ka om nak hning ah kyak ci.

2 KORIN 7:2

Keimi nam hni gui vä. Keimi naw a u phi kami shetkat nak kä om ci; a u phi kä kami didap sak ci, a u ah khan ah phi kä nik khai ah kami m’käng nak kä om ci.

1 THESSALONIAN 2:5

Nangmi naw nami hmat ah mäih ah keimi cu chang m’tam khah ne kä kami ng’thu ci, kami mät ah hmawk ah kä kami ng’thu ci nei. Shin ah a mawng ung Khanpughi cu kami saksi ah kyak ci nei.

1 KORIN 9:15

Cun ung phi kei naw cun ah mäih cu kä ka la man ci, cun ah mäih gui gah vai ah ka ng’yawih nak ah shin ah ca ka guk ah phi kä kyak ci. Cun ah ka ng’yawih ah k’dam ah ka sih ei bä tu ba khai. Kei ah ka khähghah nak cu a kholä ah kyak khai ah bi nak vai cu a u-am kä ka pek khai nei.

1 PETER 5:2

Khanpughi naw a ning ap gui ah htomebum cu, htomeshäm ah kya ne nami ngäng vai nei. Bi vai kyasei bi ah kä kyak ciah, Khanpughi ah khuut ah kyasei ng’yak hlü nak awn nami bi vai nei. Nami bi cu ng’cheng gah hlü ah m’lung awn kä kyak ciah, bi nak hlü ah m’lung cang awn nami bi vai nei.

KHEI NAK 16:15

Moses cu ang htei ah m’lungshe neta, Bawipa ah ma ah “Shin ah chang ah law püi ah douthak cu a i phi kä na dou vai. Ngami ah khan ah ka cheishoh nak a i phi kä om ci, kei naw ami ng’sela tumat phi kä ka la man ci.”

1 KORIN 9:4

Kei cu ka bilawh ah hmawk ah ka ei awk khin ciah kä kya ne ang?

2 KORIN 11:7

Nangmi ak küikyang ah nami kyak vai ah hmawk ah, kei naw ka mät cu ng’neim sak ne, Khanpughi ah mawng Thu Ni cu, alä ah ka ning m’thein gui ci nei. Cun cu kei ah cheishoh ah kya naw?

3 JOHAN 1:7

Ngahmi cu kä yum ci gui ah m’theithang nak kä dou u ne, Bawi Khrit ah khuut bi vai ah ng’düi lawk ci gui ah kyak ci nei.