LAMKTU 20:29 - Cho Bible Common Language 2016

²⁹ Kei ka hteh ba kawn ah k’hnei sou gui cu nami ng’lung ah law u ne m’ghä m’ce ne ning tuten gui khai gui cicu ka hmat pyi ci.

LAMKTU 20:29 Referans Kwoze

MATTHE 7:15

‘Htome ah vun awn ng’hlawp ciah hngei ah mäih ah hleeihlak ne lawk ciah profet gui cu nami geing nak vai.

2 PETER 2:1

Thuvi ciah profet gui caü ami dang man ah mäih ah, thuvi ne m’theithang ci gui cu nangmi ah ng’lung ah dang lawk khai nei. Ngahmi naw dimaih nak vai la käng düng ciah yum nak cu law püi u ne, na hun gui ciah Bawipa phi mak khai gui nei, Cun gui cu a shänghta dimaih nak ung gawk khai gui nei.

LAMKTU 20:28

Cun ah kyasei nami mät naw nami mät la, Mumcha Theing naw nami kut ung a ning ap gui ah Htome gui cu nami m’htei vai. Khanpughi ah khritha bum cu htoshäm ah mäih ah nami m’htei vai, Cun cu Athapa naw a ghinnak pe ne a sih nak awn Amät ah kaa ah k’bäi pyi ci.

JOHAN 10:12

Chang ghüh cu htoshäm ah kä kyak ci, hto gui ah ami mah ah phi kä kyak ci, cun ah kya ne, hngei a law ung hto gui cu nawng shüt gui ne dawng sei, hngei naw hto gui cu lo gui ci, hto gui phi püi ne dawng yawp ci gui.

LUKA 10:3

Hteit vä! Hngei khli ah ng’lung ah htome chah mäih ah ka ning tüi gui ci nei.

MATTHE 10:16

‘Ngai vä! Hngei khli ah ng’lung ah htome hta chah ah mäih ah, kei naw ka ning tüi gui ci nei. Cun ah kyasei, k’phyu ah mäih ah theileh u ne, am äm kä om ciah müm kha ah mäh ah nami m’lung gei sä.

ZEKHARIAH 11:17

Cun ah akholä ah kyak ciah htome shäm cu, akhaw mü ci nei! Ani naw a htome gui cu nawng gui ci. Ng’tuk nak naw a huham avan cu m’di khai nei. Akut cu shuum khai, akpat lam a mik cu m’dauh khai nei” cik ci.

JEREMIAH 23:1

A chang gui m’di gui ne püipiang sak ciah chang gui ah khan ah Bawipa ah ng’thumcha nakk cu a i hlawk ah kyih vai ah kyak khai aw!

ZEPHANIAH 3:3

Ami bawi gui cu m’ngawk ciah kawng ah mäih ah kyak ci gui, ami suki gui cu ei ah cawi ciah hngei ah mäih ah kyak ci gui. Ani cu sokang aih ne aguh pang phi kä nawng ne khaw thaih güt om ci.

JEREMIAH 13:20

Jerusalem, teng ä! Na ga gui cu a siiptäng ah ka lawk ci gui nei! Na teng khen vai ah ning ap ah chang gui, nang naw na khäh ghah nak ah chang gui cu a hawi ang?

EZEKIEL 22:27

Azozah bawi gui cu ami lawk ah khisa phyit ne k’teek ciah hnei ah mäih ah kyak ci gui. Ngami naw ami ng’mang nak vai ah chang ngawn ci gui.

EZEKIEL 34:8

Akcang ah kei cu ghing ciah Khanpughi nei, nangmi naw kei nami na ngaih ung bä pi khai. Ka htome gui cu khisa gui naw tu gui ci gui, ngawn gui ne ei gui ci gui, a i ah kyasei ci ung htomeshäm naw htome a shui ba vai ah kä tha nak ci. Ngami naw ami mät m’htei u ne, htome kä m’htei ci gui.

DANIEL 11:34

Ngawn sheh nak cu om gäk gäk khai, ngami ung ng’dawn law tuk ciah chang akda naw ami mät ah phäh bäng ah ami bi ung phi, Khanpughi ah chang gui naw api ah m’hteihtang nak gah khai gui.

LUKA 12:32

“Htome ng’bum hta, kä kyi vä, nami Pa naw a uknak a ning peit gui vai ah, ang yak hlü om ci.

JOHAN 21:15

Cun ah ami ei kawn ah Bawipa Jesuh naw Simon Peter-am, “Johan ah hta Simon, a hei gui naw ami nam hni ah däm pi ciah kei na nam hni ci ang?” cine ng’shik ci. Peter naw, “Ä ya Bawipa, kei naw ka ning m’hni cu nang na hmat ci nei” cik ci. Bawipa Jesuh naw, “Ka Htome gui na m’htei vai nei bäi” ci nak ci.

1 PETER 5:2

Khanpughi naw a ning ap gui ah htomebum cu, htomeshäm ah kya ne nami ngäng vai nei. Bi vai kyasei bi ah kä kyak ciah, Khanpughi ah khuut ah kyasei ng’yak hlü nak awn nami bi vai nei. Nami bi cu ng’cheng gah hlü ah m’lung awn kä kyak ciah, bi nak hlü ah m’lung cang awn nami bi vai nei.

JUDE 1:18

Ngahmi naw, “Ak hnu k’bäih ah khaw hnüüp gui ung ning päipih ciah chang gui, Khanpughi kä shüm hmat ne ami mät ah ng’yak hlü ah om ih ciah chang gui dang lawk khai gui nei” ci ne pyein ci gui.