LAMKTU 20:26 - Cho Bible Common Language 2016

²⁶ Cun ah kyasei nang mi ungka chang tumatmat cu, a di maih ah a kiak ung, kei ah awm ah kä kyak khai ci cu, ak dei dang ah ka ning m’thein gui ci.

LAMKTU 20:26 Referans Kwoze

LAMKTU 18:6

Ani cu Judah chang gui naw hnu ng’tuk püi ne k’shedam nah u khätah, Paul naw ami ma ah a sui k’khawng ne, “Nangmi nami dimaih ung phi nami mät ah chaw ah kyak khai nei, kei naw kä ka pyein tu ba khai, tuk bäi ung tün ne changpakhui hei gui ah hteit ne ka pyein khai nei” cine pyen na gui ci.

JOHAN 12:17

Bawipa Jesuh naw Lasaruh cu ng’cim hmun ungka khü ne sih nak ungka am ghin ba cu hmu tute ciah chang gui naw,

2 KORIN 8:3

Ngahmi naw ami peit hning ah kawn ah hang lawn pui khai ah ami peit cu, kei naw akcang ah hmuh ne ka pyein ci nei.

2 KORIN 7:2

Keimi nam hni gui vä. Keimi naw a u phi kami shetkat nak kä om ci; a u phi kä kami didap sak ci, a u ah khan ah phi kä nik khai ah kami m’käng nak kä om ci.

2 KORIN 1:23

Korin ah kä ka law vai ah ka k’bäi cu nangmi ka ning m’gein nak gui ah a kyak cu kei ah m’lung hmat ciah Khanpughi saksi ci.

ROMAN 10:2

Ngah mi naw Khanpughi ami kyih aa ah mawng cu kei naw akcang hmat ne ka pyein ci nei. Cun ung phi ngami ah kyih aa nak ah lam cu kä ng’düng ci nei.

JOHAN 19:35

(Shin ah a mawng gui cu nangmi naw phi nami yum tu vai ah hmu tuk ci amät naw a pyein ah kyak ci. Ani ah pyein cu hman ci, ani naw amät akcang a pyein phi hmat ci.)

JOB 16:19

Kei täng ah ak htek ah ng’düi ne saksi khai cu Khankho ah om ci nei.

2 SAMUEL 3:28

David naw cun ah a mawng cu ng’ya neta, “Kei ah chang gui la Abner ngawn nak ung kei changni ah ka kyak cu Bawipa naw hmat ci nei.

1 TIMOTHI 5:22

Bawipa ah khuut bik ci am kut taih nak peit nak cu kä nami bi ghet ghet vai, chang ah shetkat nak ung kä nami ng’caw yah tu vai, nami mät theingcim ne nami om vai.

JEREMIAH 42:21

Tuhbäi dei naw ka ning m’thein gui ci, cun ung pi Bawipa mi khanpughi naw na tüi sei ka ning m’thein gui nü cu kä nami läk ci.