LAMKTU 20:25 - Cho Bible Common Language 2016

²⁵ Kei naw hteit shüi shüi ne nami ng’lung ah, Khanpughi ah uk nak kho ah mawng cu ka pyein pyi ci. Cun ung phi nangmi ungka a u phi kei na hmu law ba khai kä om ciah ka hmat ci.

LAMKTU 20:25 Referans Kwoze

LAMKTU 28:31

Ani naw Khanpughi ah uknak kho a mawng thu phi pyein ne, Bawipa Jesuh Khrit ah mawng phi abü ang ngaih ah thamah nak awn m’theithang gui ci.

LAMKTU 20:38

Paul naw, “Kei cu cän kawn ah kä nami na hmu ba khai” a ciah hmawk ah ang htei ah thüi sei yaica ci gui. Cun kawn ah ngami naw htinpaw ah khüt ne tha tuk ci gui.

MATTHE 4:23

Bawipa Jesuh cu Kalile kho avan ung hteit ne pum im gui ung m’theithang gui ci. Khankho ah mawng ng’thu phi pyein ci, a hlü hlü ah gawpai ci gui phi gai sak gui ci.

KOLOSE 2:1

Nangmi ah hmawk, Laodica chang gui ah hmawk la kei ka changsing kä na hmat ciah chang gui ah hmawk ah, kei naw a i hlawk ah k’tha na ne kabi cu ka ning m’thein gui ci nei.

KALATIAN 1:22

Cun yah ung Judea kho ah khrithabum gui naw kei cu kä na hmat phak ci gui.

ROMAN 15:23

Cun ung phi cun ah kho ung ka bi gui vai cu, tuk bäi ka bi pyi ci nei. Nang mi ah ka law vai ah cau pui tüi ne ka ngaih-tüh ah mäih ah,

LAMKTU 8:12

Cun ung phi Khanpughi ah uknak khaw a mawng ng’Thu Ni lah Bawipa Jesuh a mawng Philip naw a pyein yum ciah chang hnumi, pami cu tui ng’hnim ci gui.

LUKA 16:16

Tuihnim Johan kä a ng’dang pha ung Moese ng’thukhän gui la profet gui ah cacim gui cu kümbe te ci. Johan ang dang kawn ah tün ne, Khanpughi ah uknak ah mawng ng’Thu Ni cu pyein sak law ah kyak ci. Chang akda gui Khanpughi ah uknak kho ah ng’gut ne lut lawk ci gui.

LUKA 9:60

Bawipa Jesuh naw, “Aksi cu aksi gui naw m’cim u sä, nang hteit ne Khanpughi ah Uknak kho ah mawng cu na pyein vai nei” ci nak ci.

MATTHE 13:52

Cun ah kyasei Bawi Jesuh naw, “Khankho uknak kho ung düihpüi tumat ah kya lawk ciah chang phung cu, a im khei ung kaa, akhawh ak phyim akthai k’plawk ne law püi ciah, imah awn täng ci,” cine m’thein gui ci.

MATTHE 13:19

Lam ung kya lawk ciah m’shi ci cu, Khankho uknak ah mawng ng’thu k’ni cu ng’yak tu lang ne phi, kä hmat ci awn täng ci. Ami m’lung kyong ung phu ah ng’thu m’shi cu, khoshe naw la ne hteh püi yawp ci.

MATTHE 10:7

‘Khankho uknak ng’et lawk ci nei,” cine ng’thu pyein vä!

MATTHE 4:17

Cun ung tüi ne Bawipa Jesuh naw, “Nami shetkat nak ng’nü ung ng’yu ba vä, khankho uknak ng’et law pyii ci nei” ci ne ng’thu pyein lawk ci.