LAMKTU 20:20 - Cho Bible Common Language 2016

²⁰ Chang khli ah ng’lung ah phi bäi, nami im gui ah phi kyai, ka pyeinsak m’theithang ung, nangmi ah hmawk ah nik khai phung cu kä ka k’pawih na man ci.

LAMKTU 20:20 Referans Kwoze

LAMKTU 20:27

A i ah kyasei ci ung kei naw nangmi am Khanpughi ah ang yaak hlü cu ka ning m’thein gui pyi ah hmawk ah kya ci.

2 TIMOTHI 4:2

Cun ah kyasei akhin a om ung phi, kä a om ung phi Thu Ni cu na pyein vai nei. Na thu ngai yak ci gui cu ami katnak dang sak gui ä, m’cäi gui ä, thagui pe gui ä, hnimgein nak awn m’theithang gui ä.

LAMKTU 5:42

Ak hnüüp tä sei Taigüim gui lah chang gui ah im gui ung, Bawipa Jesuh cu Messiah ah a kyak ah mawng ng’thu ni cu pyän u ne, m’thei thang ba gäk gäk ci gui.

KOLOSE 1:28

Cun ah kyak sei Bawi Khrit ah mawng cu chang nüng-am kami m’thein ci. Bä ciah cüivai nak awn kami m’cäi nak la kami m’thei nak cu, Bawi Khrit ung kawng ät nak awn ak chang sing theek-hai ne, Khanpughi ah ma ah ami gawk law vai ah kyak ci.

LAMKTU 20:31

Cun ah kyasei kei naw nang mi am kho kum thum pum ung amü ak hnüüp, ka ng’phli tui kya law sei, ka ning m’theithang gui cu nami shüm ba khenggeng vai nei.

1 KORIN 15:3

Kei naw ka mät ah gah ah küikyang aih ciah a mawng cu m’dou ne ka ning pe gui ci: cun cu cacim ung om ciah mäih ah Bawi Khrih cu mikmi ah katnak ah hmawk ah a sih ah mawng;

THULÄÄN NAK 4:5

“Bawipa ka Khanpughi naw ka bi vai ana m’thein ah mäih ah thukhän avan ka ning m’thein gui ci. Nangmi naw tu ne khäm ne nami om law nak vai ah khaw ung cun gui cu nami läk vai.

1 KORIN 14:6

Cun ah kyasei phäinau gui aw, nangmi ah kei ka law ung, ng’thu a hlü hlü awn ng’thu ka pyein ung bä khai ang? Kei ah law püi ah ng’thu cu, Khanpughi ah ng’thu thuuk, hmuhmat nak, kümbe ciah ng’thu la m’theithang nak ah kä a kyak ung, a i ah kä ng’khän khai nei.

1 KORIN 12:7

Chang van ah nikyom nak vai ah, chang päng päng naw, a mawng tumatmat awn, Mumcha ah om püi nak cu ng’dang phäh phäh ci.

LAMKTU 2:46

Ngah mi cu ak hnüüp tä seih pum im ah ng’bum ci gui. Ami im gui ung phi m’lung neim nak lah, yeikyai nak awn a täng ah vun vai ne ei awk ci gui.

MAKUH 4:34

Kä m’tumtäng ah a i phi kä m’theithang gui ci. Cun ung phi ami mät ami om yah ung ang düih püi gui-am a päng avan cu m’dang ne m’thein gui ci.

PHILIPPIAN 3:1

Phäi nau gui aw, ak hnu ah ka pyein hlü cu, Bawipa ung yeikyai vä. Ka guk pyi te ka pyein ba cu kei ah phäh ah yaica nak vai kä kyak ci nei, cun cu nangmi ah m’lung üp nak vai ah kyak ci nei.

LAMKTU 5:2

Cun-ung phi Ananias cu ak chu ng’ge püi netah alai a yawih cu ateih k’pai neh amshah cu amät ah ka vai gim ne; amshah cu ang düihpüi gui am ap gui ci.

JEREMIAH 26:2

Bawipa naw na pyen nak ci, “Taigü Im k’caw ung, ng’tüi neta, khawihnah khai gui ah Judah gaw nu gui ungka lawk ciah chang gui ah ma ah chang gui am na m’thein vai ah kei naw ka ning thumkhän avan cu na ng’shäu vai nei. Api phi kä na k’pawih nak vai nei.

JEREMIAH 42:4

Kei naw m’shang gui ne, “Bä khai, Bawipa, mi khanpughi ah nami k’thäh ah mäih ah ka ning taigü pe gui khai, ani naw a pyen phung cu ka ning m’thein gui khai. A i phi nangmi am kä ka ning m’zih gui khai.” Ka cik ci.