LAMKTU 20:2 - Cho Bible Common Language 2016

² Ani cu cun ah kho ah yum ciah chang gui cu hteit shüi shüi ne thagui pe gui netah Achaia kho ah hteit ba ci.

LAMKTU 20:2 Referans Kwoze

1 THESSALONIAN 4:1

Phäi nau gui aw, Khanpughi ah m’hni ah ghin nak ah mawng cu, keimi ah nami ng’thei tu pyi ci nei. Keimi naw kami ning m’thein gui ah mäih ah nami ghing ciah a kyak ung phi, cun natah bä pi sei nami ghin om thei vai ah Bawipa Jesuh ah ming ung ka ning m’cäi gui ci nei.

1 THESSALONIAN 2:3

Keimi naw hmakat nak, kä ng’cim ciah m’lung ngaih la kä ng’düng ciah ng’bü nak awn kami ning m’cäi gui ciah kä kiak ci.

KOLOSE 1:28

Cun ah kyak sei Bawi Khrit ah mawng cu chang nüng-am kami m’thein ci. Bä ciah cüivai nak awn kami m’cäi nak la kami m’thei nak cu, Bawi Khrit ung kawng ät nak awn ak chang sing theek-hai ne, Khanpughi ah ma ah ami gawk law vai ah kyak ci.

1 THESSALONIAN 2:11

Apa naw a hta am htei ah mäih ah keimi naw ak chang sing kami ning m’htei gui cu, nami hmat ci.

LAMKTU 20:11

Paul cu im khan ah hang kai ba netah ang khah püi gui awn a täng ah vunvai ne ei auk ci gui. Ami ei auk awn nah kho thai ghi ghi güt sei ak chang gui awn a täng ah ak shou ng’cecäk u netah cun ah pigaw ungka pawng ne hteit ci.

LAMKTU 17:10

Kho a mü law vai-am yum ciah chang gui naw Paul la Silas cu Berea gawnu ah tüi goi ci gui. Cu ah gawk ni netah ngahni cu pum im ah hteit ci goi.

LAMKTU 17:1

Paul la Silas cu Amphilolis la Apollonia pigaw gui sun law ne, Thessalonika gawnu ah gawk law ci gui. Cun ah gawnu ah pum im tumat om ci.

LAMKTU 16:12

Cun ungka naw Philippi gawnu ah kami hteit ci. Philippi cu Macedonia kho ah mang gaw tumat ah kya ci. Roman chang gui ah gawnu ah phi kya ci. Cun ung keimi cu kho hnüüp akda kami om ci.

LAMKTU 15:41

Paul cu Siria la Cilicia kho yung ah hteit ne, khrithabum gui am k’thamah nak pe gui ci.

LAMKTU 14:22

Ngahni naw, “Khanpughi ah uknak kho ung gawk vai ah yaica nak akda mi aut khai” cine m’theithang gui ne, k’thamah m’lung üp nak pe gui ci goi.

LAMKTU 2:40

Peter naw cun bäng ah kä kyak ciah, ng’thu akda pyein neh am cäi gui cu, “nang mi cu, changshe gui naw ami gah vai ah kak ci m’kat nak ung, nami mät naw nami mät cu phiawn sak vä” cik ci.

ZEKHARIAH 9:13

Kei naw Judah gui cu Gakap ah li ah mäih ah, Israel gui cu Gakap ah m’la ah mäih ah, ka mang khai nei. Kei naw Zion chang gui cu Kreece chang gui tuk nak vai ah Khim ghaat ah mäih ah ka mang ba gui khai.”

LUKA 3:18

Johan naw chang gui cu lam k’ni ung ami hteh vai ah ng’thu a hlü hlü m’thein gui ci.

LAMKTU 20:1

Thüngkyüng thüngphong nak ding law khä tah Paul cu yum ciah ak chang gui m’cäi gui ne k’tha gui pe gui netah Macedonia kho ah hteit ci.

LAMKTU 20:3

Ani cu a cu ah chaa thum vai om ci. Cun kawn ah Siria kho ah hteit ba khai a pawng yah ung Judah chang gui naw ng’ge na ne hnim vai ah a mi pawngpüi cu hmat ci. Cun ah kyasei Macedonia kho lam ah ng’hlat ne hteit ba khai ah k’bäi ci.

1 KORIN 4:19

Cun ung phi Khanpughi naw ang yak hlü ung kä shou pha sei kei ka lawk khai nei. Cun ung cun ah chang gui ah thu m’gawng bäng ah kä kyak ciah, ami hlüngtai nak gui phi kamät naw ka hmu lawk khai nei.