LAMKTU 20:12 - Cho Bible Common Language 2016

¹² Ang khah püi gui naw kya ne ghing ba ciah chang cu a im ah ami hteh püi ba kawn ah ami m’lung yu kya ba ci.

LAMKTU 20:12 Referans Kwoze

2 THESSALONIAN 2:16

Mi Bawipa Jesuh Khrit amät la nam hni gui ne am gein nak awn khüi ghaat nak la khäng ciah ngaih u nak na pe gui ciah mi Pa Khanpughi naw,

1 THESSALONIAN 5:14

Phäi nau gui aw, ning m’cäi gui nei; a om shek ci gui khän ne m’cäi vä, kyikyawk ci gui thamah nak pe vä, yoken ci gui m’hteihtang tu vä, chang nüng ah khan ah hnimgei nak awn om vä.

2 KORIN 1:4

Ani naw yaica nak phung ung nam htei gui ci, cun ah kyasei Khanpughi ung mi gah cun ah m’htei nak awn, yaica ciah chang gui cu mi m’htei tu hning ci nei.

1 THESSALONIAN 5:11

Acun ah kyasei tuhbäi nami bi ah mäih ah tumat la tumat k’thagui nami ng’peit tu vai, nami ng’hteihtang tu vai nei.

1 THESSALONIAN 4:18

Cun ah kyasei shin ah ng’thu awn tumat la tumat k’thagui nami ng’peit tu vai nei.

1 THESSALONIAN 3:2

Bawi Khrit ah mawng Thu Ni pyein nak ung keimi awn a täng ah Khanpughi ah khuut bik ciah kami nau Timothi cu kami tüi lawk ci nei. Ani naw nangmi-am thagui ning pe gui ne, nami yum nak ning hnünthawh püi gui khai ah kami tüih law ah kyak ci nei.

EPHESIAN 6:22

Cun ah kyasei ani nang mi ah om nak ah ka tüih law cu, keimi ah mawng a ning m’thein gui vai la k’tha mah nak a ning peit gui vai ah hmawk ah kyak ci.

ISAIAH 40:1

Nami khanpughi naw pyen ci, “Ka chang gui m’lung üp sak gui ä,” “M’lung üp sak gui ä!

LAMKTU 20:11

Paul cu im khan ah hang kai ba netah ang khah püi gui awn a täng ah vunvai ne ei auk ci gui. Ami ei auk awn nah kho thai ghi ghi güt sei ak chang gui awn a täng ah ak shou ng’cecäk u netah cun ah pigaw ungka pawng ne hteit ci.

LAMKTU 20:13

Keimi cu ak yang ah ma ne htinpaw awn Assos ah kami na hteit ci Paul cu k’kawng Lam ah hteit netah a cu ah htinpaw ung kium tuk khai kyak ci.