LAMKTU 2:9 - Cho Bible Common Language 2016

⁹ Mik mi cu Parthia, Media, lah Elam; Mesopotamia, Judea, lah Kappadocia,

LAMKTU 2:9 Referans Kwoze

1 PETER 1:1

Peter, Bawi Jesuh Khrit ah ang düihpüi naw, Pontus, Kalatia, Kappadocia, Asia, la Bithinia kho gui ung, püi u ne, om k’tu ah kya ne om tuk ci gui ah, Khanpughi ah ghü ah chang gui-am ca ka guk lawk ci nei.

THU PHLAAN 1:4

Johan naw Asia khaw gawnu pachih ung khrithabum gui-am ca aning guk law gui cu; Zanta, tuhngawi, ngawi yä angtäi sei om ciah Khanpughi, amang kiang ah maa ah ng’tän ciah mümcha pachih la;

2 TIMOTHI 1:15

Na hmat pyi ah mäih ah Asia khopäng, Phigelus la Hermogenes gawnu gui ung chang gui naw kei cu na hnu na pyi ci gui nei.

LAMKTU 18:2

Cun ah gawnu ah Pontus kho ah kaa Akuila ming nak ciah Judah chang tumat la ak chu Priscillacun awn ng’hmuk ci gui. Ngahni cu ghangpughang Klaudius naw, Roman ungka Judah chang avan a hteh ba vai ah k’bäi ne pyein sei Itali ah kaa law ba thai ci goi ah kia ci.

LAMKTU 16:6

Ngami cu Phrikia la Kalatia kho cu phlän ne hteit ci gui, a i ah kyasei ci ung Asia kho ung thu ami pyein vai ah Mumcha Theing naw lam kä m’shüm gui ci.

LAMKTU 19:10

Cun ah kho kum goi ung lüng ne pyein sa ne bilo khä tah, Asia kho ung om ciah Judah chang la changpakhui hei chang avan naw, Khanpughi ah Thu Ni cu ngai ya yawp ci gui.

LAMKTU 6:9

Cunung phi ani cu Sairin lah Alexandria ah ka, Jew chang gui mah ah pum im ung ka, päiye chang gui naw hnu ng’tuk püi ci gui. Acun gui lah Cilicia lah Asia ah ka, Jew chang gui naw Stephen cu ng’küüngneet püi ci gui.

DANIEL 8:2

Ka muimang ung kei cu ang ghit ah Elan khopäng Susa mang gaw paang ah kyong ah ka gawk ci. Cun ung kei cu Ulai tuinu pei ung ka düi ci,

ISAIAH 11:11

Cun ah hnüüp a gawk law ung, Bawipa naw a huham cu mang ba mä ne, Assiria la Egypt ung ami nawng shüt gui ah a chang gui cu law püi ba gui khai, Pathros khaw, Sudan khaw, Elam khaw, Babilonia khaw la Hamath khaw la tuiyung khaw gui la tuinu ah khawtang khaw gui ung om shüt ci gui ah kyak ci.

2 GHANGPUGHANG GUI 17:6

Hoshea ah uknak a kum kaw nak ung Assiria uktubawi naw Samaria cu khäm ne Israel gui cu pha gui ne Assiria ah hteh püi gui ci. Amshah Halah mang gaw ung, amshah cu Habor Tuinu pei, Kozan khopäng ung, la m’shah cu Media mang gaw gui ung tha gui ci.

ATÜNNAK 24:10

Cun ah khawh m’htei ciah changshäm cu kalauk gha hteh püi ne Mesopotamia a siiptäng Nahor gawnu ah hteit ci.

ATÜNNAK 14:1

Ghangpughang phli ah kyak ciah Babilonia ah kaa Amraphel ah, Ellasar ah kaa Ariok, Elam ah kaa Chedorlaomer, Koiim ah kaa Tidala gui cu,

THU PHLAAN 1:11

Acun ah k’aw naw, “Na hmuh ng’yak gui phung cu ca ung guh ne, Ephesus, Smirna, Perkamum, Thiatira, Sadis, Philadelphia, Laodicea gawnu gui ung Khrithabum gui-am na peit gui vai nei” cine pyein ci.

2 KORIN 1:8

Phäinau gui aw, Asia kho ah ka mi aut ah yaica nak ah mawng cu ka ning m’htein gui hlük ci. Cun ah yaica nak cu däm ne gih aih khätah, ghin nak hngaw kami hnu ng’hlah tak ci nei.

1 KORIN 16:19

Asia kho ah Khrithabum gui naw phi ning yavaih gui ci gui nei; Akuila la Priscilla ni, ami im ah nami pum nak gui ah khritha gui naw phi ning yavaih gui ci gui nei.

ROMAN 16:5

Ami mät ah im ah ng’bum ne pum ci gui ah khritha bum gui cun phi ka yavaih na gui ci nei. Asia kho ung Bawi Khrit yum law maa ciah ka teihpüi k’ni Epaenetus cun phi khaih na ne, ka yavaih nak ci nei.

LAMKTU 20:18

Ngami gawk law u khätah Paul naw, “Kei cu Asia kho ah ka gawk law hnüüp ung tün ne a i hawkcha ah ka bi lawh cu nang mi naw nami hmat ci.

LAMKTU 20:16

Paul cu Asia kho ah ak shou kä om hlü netah Ephesus sun pah ne htinpaw awn hteh vai ah k’bäi ci. Ani cu Jerusalem ah Pentekos hnüüp pha vai ah ak yang ah hteit ci.

LAMKTU 19:31

Huham om ciah a teih püi chang gui cun naw phi, gaw ng’lung imnu kyong ah kä a hteh vai ah, Paul cu chang tüi ne m’cäi ci gui.

LAMKTU 19:27

Mikmi ah bi lawh cu ang ming she ne ng’ä vai ah kya lawk ci. Cun bäng ah kä kya ciah, Asia la khomdek khan van naw a yum ah kho hnumitha Artemis cun phi ng’ä nak vai kya law ne, a hlüngtai nak phi dimaih lawk khai nei” cine pyein ci.

LAMKTU 7:2

Stephen naw, “Phäi nau gui lah Pa ng’vai gui aw, nang ngai vä, mi pughi Abraham cu Haran khaw ah hteit ne kä a om pha ung Mesopotamia ah a om yah ung hlüng tai ciah Khanpughi cu ng’dang netah,”

DANIEL 8:20

“Nang naw na hmuh ah hnih ki nak ciah htome hla ci cu, Media la Persia uknak khaw hnih ah kyak ci.

ISAIAH 21:2

M’gäi cik nak gui, kä bekhüt nak gui la m’di m’shum nak gui cu kei naw ka muimang ung ka hmuk ci nei. Elam gakap gui, tuhnim vä! Media gakap gui, mang gaw gui cu khaai vä! Babilon naw a bi ah yaica nak cu khanpughi naw ng’pyi sak khai nei.

EZRA 6:2

Cun ung phi cun ah ca chaw cu Media khopäng Ekbatanamang gaw ung va hmu ba ci gui. Cun ah rekawt ung:

1 SHONTÄP NAK 19:6

Ghangpughang Hanun la Ammonit gui naw David cu ami ga ah kyak khai ah ami bi cu hmat u neta, Mesopotamia ak cholam ungka la Maakah la Zobah Sirian khopäng ungka yatha gui la yatha ng’cum ci gui cu ngui kilokram phia thumkip lei phli pe ne ng’vat ci gui.

SUKI GUI 3:8

Cun ah kyasei Bawipa naw Israel gui ah khan ah m’lungshe neta Mesopotamia ghangpughang Kushan Rishathaim ah tu ne näng sak ci, ani naw kum cheit ung uk gui ci.

THULÄÄN NAK 23:4

Egypt khaw ah ka nami law ba täng ah ngami naw tui la ei kä ning pe tu gui ci gui, ngami naw Beor ah hta Balaam, Mesopotamia khaw Pethora mang gaw ung ka cu ghüh u ne, nang mi ning tam sak ci gui.

ATÜNNAK 10:22

Shem ah hta gui cu Elam, Asshur, Aphakshad, Lud la Aram ah kyak ci. Ngami cu ming mah ne ng’shon ci gui ah kyak ci.

DANIEL 5:28

M’Khoicha, nang ah uknak khaw cu k’paai ne Medes la Persian gui am pek gui pyi nei” ciah kyak ci.

LAMKTU 2:8

a i hawkcha ah, mikmi van naw mi ng’tüi püi ah ng’thu phäh phäh awn mi ng’yak hning ang?

LAMKTU 20:4

Berea ah kaa Pirrhus ah hta Sopater, Thessalonia ah kaa Aristakas la Sekuntus, Derbe ah kaa Kaius, Asia kho ah kaa Tichikus la Trophimus, la Timothi gui cu ani awn ng’gui tuk ci gui.

LAMKTU 21:27

Ak hnüüp chih nak cu ng’pyi law ghep ghep khä tah Asia kho ah kaa Judah chang amshah gui naw, pum im ah Paul cu hmu u netah, chang gui cu took gui ne, Paul cu ng’lung nah ne phak ci gui.

LAMKTU 24:18

Taigüim kyong ah kei cu theingcim nak ka bi kawn ah, peit taak nak ka bi law yah ung, ngami naw kei cu na hmuk ci gui. Cun yah ung chang a u kä om ci, thüngphyong pamcai nak phi i kä om ci.

LAMKTU 27:2

Keimi cu Asia kho tuinu kem, pigaw päng ung hteit khai ah, Adramyttium ah kaa lawk ciah htinpaw ung kai tuk u ne, k’täi ne kami hteit ci. Thessalonika ah kaa Macedonia chang, Arista kas cun phi keimi awn kami ng’gui ci.