LAMKTU 2:41 - Cho Bible Common Language 2016

⁴¹ Chang ak da naw a ni ah ng’thu yum u neh tui ng’hnim u seih cun ah hnüüp ung chang sing phia thum kip lawh law neh da lawk ci gui.

LAMKTU 2:41 Referans Kwoze

LAMKTU 4:4

Cun ung phi a ni ng’thu ng’yah tuk ciah chang ak da naw, Bawipa yum tuk ci gui. Zum ciah chang avan phia hma kip law lawk ci.

LAMKTU 2:47

Ngah mi cu Khanpughi m’hlüng m’tai u neh chang ah ng’lung ah mik hmai kiang seih om ci gui. Khanpughi naw ak hnüüp tä seih hun nak gah ci gui cu da law sak gui ci.

LAMKTU 2:37

Cun ah ng’thu ng’yak ciah chang gui cu, ang htei ah ami lung khih gui khä tah, Peter lah a hei ang düihpüi gui am, “Phäi naü gui aw, a i ah mi kyak khai ang” cine ng’htau gui ci gui.

JOHAN 14:12

Kei naw akcang ka pyein cu, Kei na yum ciah chang naw kei ah bi gui cu bi hlawt khai.

LAMKTU 13:48

Cun ah thu cu changpakhui hei gui naw ng’ya u netah yeikyai u ne, Bawipa ah thu ni cu m’hlüng tai ci gui. Ang täi ghin nak gah khai gui ah a ghü gui naw Bawipa Jesuh cu yum lawk ci gui.

SAM 110:3

Na ga gui na tuk gui hnüüp na chang gui naw ning düih püi khai gui. Khongawi k’siik ung khüi toi ah mäih ah, khom’htung theing ung na chang nong gui naw ning law nak khai gui.

LAMKTU 1:15

Kho hnüüp api sho law khä tah, yum ciah chang gui phia lah m’ku cu ng’bum lawk ci gui.

1 THESSALONIAN 1:6

Nangmi naw keimi la Bawipa cu nami na ng’thei nak gui ci; nangmi cu yaica geinvai ne nami kya pang ung phi, Mumcha Theing awn lawk ciah Thu Ni cu yeikyai ne nami gah ci.

LAMKTU 3:23

Cun ah prophet ah ng’thu kä ngai ci phung cu, Khanpughi ah ak chang ung ka m’chah ne k’pai netah m’di khai.”

LAMKTU 7:14

Cun ah kyasei Josef naw apa Jakob cu cük ne, chang sing chih-kip-leihma lawk ci gui ah apaw gui ami van Egypt khaw ah ami law vai ah, k’thäh gui ci.

LAMKTU 27:37

Htinpaw khan ah chang a van cu phya goi la chih-kip-lei chuk lawk ci.

ROMAN 13:1

Chang päng naw kho uk ciah bawi ah huham cu a läk vai nei. A i huham phi Khanpughi naw kä a m’hnüt ung kä om ci nei. Huham gah ne uk ciah khobawi cu Khanpughi naw m’hnüt ne am düih ah kyak ci.

1 PETER 3:20

Cun ah mümcha gui cu Noah naw hteinpaw im a cawh yah ung, hnimgein nak awn ngäng gui ciah Khanpughi ah ng’thu cu kä läk ci gui ah kyak ci. Cun ah tui ung hteinpaw kyong ah om ciah chang sing cheit htabäng cu hun nak gah ci gui.

THU PHLAAN 16:3

Akhnih nak ah khankho chang naw a eikbei ungka cu tuinu ah khan ah yuk huk khätah, tuinu avan aksi ah si ah mäih ah ng’hlat yawp ne, cun ung om ciah akghing phung avan si yawp ci gui.

JOHAN 21:11

Simon Peter cu hleiko khan ah kai ba netah, nga be ciah ng’vai cu kawng ah kaih lawk ci. Phiaa la hma-kip-lei-thum ah däm ciah nga awk sei phi ng’vai cu kä teek ci.