LAMKTU 2:4 - Cho Bible Common Language 2016

⁴ Ngah mi cu Mumcha Theing awn küm be u ne tah, Mumcha Theing ah ng’thu m’sak gui ah ng’thu a hei hei awn ng’thu pyän ci gui.

LAMKTU 2:4 Referans Kwoze

MAKUH 16:17

Zum ciah chang gui cun naw cäi aih vai bi nak hning ah hlüngtai nak gah khai gui. Kei ah ming awn khoshe phi k’täm khai gui, thu a hlü hlü phi pyein hning khai gui,

LAMKTU 13:52

Antiok gawnu ah yum ciah chang gui cu yeikyai u ne Mumcha Theing awn küm be ci gui.

LAMKTU 4:31

Ami taigü yawp vai am cun ah ami taigu nak ah hmun cu ng’tum ne thüng ci. Ngah mi cu ami van Mumcha Theing awn be u ne tah, Khanpughi ah ng’thu cu thamah nak awn pyein sak ci gui.

EPHESIAN 5:18

Ning m’gämce sak gui khai ah yu cu kä nami awktat vai, Mumcha awn nami kümbe vai nei.

1 KORIN 12:10

Mumchabawi naw chang tumat am cäi aih vai bi nak ah hlüngtai nak, a hei tumat am Khanpughi ah Thu thuuk pyein nak; a hei tumat am Mumchabawi ah peit ah thagui ah kyak ci la kä kyak ciah m’khoichaa nak, cu pe ne; chang tumat am Ng’thu a hlü hlü pyein thei nak, a hei tumat am, cun ah thu a hlü hlü cu k’phlan ne pyein nak ah k’thagui cu pek ci.

JOHAN 14:26

Kapa naw kei ah ming awn a tüih law ah ning m’htei gui ciah Mumcha Theing naw a päng avan ning m’thei thang gui ne, kei naw ka ning m’thei thang gui phi avan ning shüm ba sak gui khai.

LAMKTU 19:6

Paul naw ami lu khan ah a kut taih khäh tah Mumcha Theing cu ami khan ah gawk law sei kä hmat ah thu pyein u ne, Khanpughi ah thu phi pyein ci gui.

LAMKTU 10:46

A i ah kyasei ci ung ngami naw kä hmat ah ng’thu awn Khanpughi ami hlüng tai ah hmawk ah kya ci.

LAMKTU 9:17

Cun ah kyasei Ananias cu Soul ah om nak tu ah im ah hteit netah, ak khan ah a kut taih ne, “Ka nau Soul awi, na mik am dei ba vai lah, Mumcha Theing awn na be vai ah hmawk ah, na law nak lam ah na ma ah ng’dang ciah Bawipa Jesuh naw kei cu ana tüih law nei” ci neh pyein ci.

LAMKTU 7:55

Cun ung phi Stephen cu Mumcha Theing awn be neh khankho cu han dan netah, Khanpughi ah bä khäk nak lah Khanpughi ah k’pat lam ung ng’düi ciah Bawipa Jesuh cu hmuk ci.

LAMKTU 1:5

Johan naw tui awn hnim nak pek ci, cun ung phi nang mi cu kä sho pha seih Mumcha Theing awn hnim nak na mi gah khai” ci neh m’cäi gui ci.

1 KORIN 13:8

M’Hni nak cu langtäi ci. Kümbe ciah thu thei nak, küikyang ciah thu a hlü hlü pyein nak, thuuk ciah hmuhmat nak gui cu maih yawp khai nei.

1 KORIN 13:1

Kei cu m’dek chang ah thu a hlü hlü la khanchang ah thu ah ka ng’thu thei ung phi, m’hni nak kä a om ung, tum bä ung ng’ging ciah k’bei la ng’sheei ah mäih ah ka kyak ci.

LAMKTU 13:9

Cun ah kya khä tah Paul ah phi ming ciah Soul cu Mumcha Theing awn be ne k’ce cu kheing ne teng netah,

LAMKTU 2:11

Am shah gui cu Rom ah ka lawk ci gui ah Judah chang gui lah Judah thung ah om tuk ci gui ah akhui hei chang gui ah kyak ci. Amshah gui cu Krete lah Arabia chang gui ah kyak ci. Cun ung phi chang avan naw, Khanpughi ah bä khäk nak ah mawng ami ng’thu pyein cu, mi mät ah ng’thu phäh phäh awn mi ng’yak ci nei” ci ne kiak ci gui.

LUKA 12:12

Nangmi a i chaa ah nami ng’thu vai cu, acun yah ung Mumcha Theing naw ning m’thein law gui khai” cine pyen na gui ci.

1 KORIN 14:18

Kei cu nangmi ah mä thu a hlü hlü ka pyein thei pi hning ci kya sei Khanpughi kam hlüngtai ci.

ROMAN 15:13

Zum ne ngaih u nak ah ang yung ah kyak ciah Khanpughi naw, ani ung nami yum nak awn, yeikyai nak la dimdeeih nak cu ning k’be gui sä. Cun ah kya sei yum ne nami ngaih u nak cu, Mumcha Theing hlüngtai nak awn, phung ghing ne ng’ghotai khai nei.

LAMKTU 4:8

Cun ah kiah khä tah Peter naw, Mumcha Theing awn be ne tah, “Chang guiah ami ng’vai gui lah a gham gui aw,

JOHAN 20:22

Cun kawn ah Bawipa Jesuh naw ami khan ah phyuh theh netah, “Mumcha Theing cu dou vä,

LUKA 4:1

Bawipa Jesuh cu Mumcha Theing awn be ne Jordan tuinu ah kaa law ba khätah, Mumcha naw bungbuk ah khah püi ci.

1 PETER 1:12

Ngahmi naw cun ah mawng ami pyeinsak cu, ami mät ah hmawk ah kä kiak ci, nangmi ah hmawk ah kyak ci, cicu Khanpughi naw, ngahmi ung dang sak ci. Nangmi ah om nak ah Bawi Khrit ah mawng Thu Ni law püi ci gui naw, cun ah profet gui naw ng’daut ne ami pyein ah a mawng gui cu, Khankho ah kaa a tüih law ah Mumcha Theing ah hlüngtai nak awn, nangmi ah khan ah ng’shäu law u sei nangmi naw nami ng’ya pyi ci nei. Cun ah a mawng gui cu Khanchang gui naw phi hmuhmat hlük ci gui nei.

1 KORIN 14:5

Nangmi nami van cu ng’thu a hlü hlü nami pyein vai ah ka ng’ya hlük ci; cun ung phi Khanpughi ah ng’thu ng’shäu nak ah m’cümhnah nak nami gah vai cu ka ng’ya hlü pi ci. Khanpughi ah ng’thu ng’shäu ne pyein ciah chang cu kä hmat ah ng’thu pyein ciah mä küikyang hlüngtai tu ba ci. Kä hmat ah ng’thu pyein ci cu, m’hlan ne pyein ci a om ung vah Khrithabum ah phäh ah a phu om ci.

LAMKTU 11:15

Cun kawn ah kei naw tün ne thu ka pyein law yah ung, Mumcha Theing cu a htük ung keimi ah khan ah a gawk law ah mäih ah, ngahmi ah khan ah phi gawk law ci.

LAMKTU 6:5

Cun ah ami cicu aming khah püi gui avan naw yum yawp ci gui. Ngami naw Mumcha Theing awn be neh ng’düng nak om ciah Stephen cu ghü htük ci gui. Cun kawn ah Philip, Prochorus, Nicanor, Timon, Parmenas lah ak khui hei, Antiok ah ka, Jew thungman yum tuk ciah Nicolaus gui cu ghü gui ci gui.

LAMKTU 6:3

Cun ah kiah sei, phäi nau gui aw, nangmi ung ka Mumcha Theing awn be neh hmuh hmat nak om ciah chang sing chih nami ghü vai, shin ah mawng bik khai gui ah ngami cu kami m’düih gui khai.

LAMKTU 1:8

Cun ung phi na mi khan ah Mumcha Theing a kyum law ah a kyak ung, nang mi cu hlüng tai nak awn nami be khai. Cun kawn ah nang mi cu Jerusalem, Judea, Samaria lah khaw cawi ah khüt neh kei ah mawng pyein ciah saksi ah nami kyak khai” ci neh kyak na gui ci.

LUKA 1:15

Ani cu Khanpughi lam ah chang m’gäi ah kya ci. Awktat man phung kä ei awk khai, anu puk ge ung Mumcha Theing awn kümbe khai.

ISAIAH 59:21

Nangmi awn thum khän ka bik khai: kei naw ka huham la ka m’theithang gui cu khonglän ung nami ka vai ah ka ning pe gui ci, tuhbäi ung tün ne lawk ciah a khin avan ung, nangmi naw kei cu nami na läk vai, kei na ngai khai gui ah nami htanau gui la nami hta ng’shon gui nami m’thei thang gui vai.”

ISAIAH 28:11

Nangmi naw kä nami na ngaih ah a kyak ung, khanpughi naw akhawhei chang gui ah cäicat vai ah ng’thu cu mang ne, amawng tumat ning m’thei gui khai nei.

2 SAMUEL 23:2

Bawipa ah mümcha cu kei ung ng’thu pyen ci; Ani ah ng’thu cu kei ah m’lei ung om ci.

EPHESIAN 6:18

Khanpughi ah m’hteihtang nak gah vai ah ng’yoi thäh ne, taigü nak awn shin gui cu nami bi vai nei. Mumcha ah lam shüm ah mäih ah a mawng ama avan ung nami taigü vai nei. Cun ah kyasei nami cimgang cüivai vai, kä nami pyai phung vai, Khanpughi ah chang gui ah hmawk ah angtäi sei nami taigü vai nei.

EPHESIAN 3:19

Ani ah m’hni nak cu nami hmat lawk khai, cun ung phi kümbe khai ah a i yah ung phi kä nami hmat hlawt khai — cun ah kiasei Khanpughi ung yungpyaa ne khänghtek vai ah ng’hläm ne nami ngaih gep vai nei.

LAMKTU 11:24

Barnabas cu chang k’ni ah kya ne, Mumcha Theing awn phi be ne, Düng nak awn phi küm ci kya ne, chang akda cu Bawipa ah khü law gui ci.

LAMKTU 6:8

Stephen cu Khanpughi ah bäkhäk nak la hlüngtai nak cu akbe ah gah ciah kiah ne, cäicat gui vai lah ngaih khit gui vai cu akda m’dang ci.

LUKA 21:15

A i ah kyasei ci ung nami gaa naw kä a ning m’khüt gui vai ah hmuhmat nak la ng’thu m’gawng thei nak cu ka ning pe gui khai.

LUKA 1:67

Johan ah pa Zechariah naw Mumcha Theing awn be netah, Khanpughi ah ng’thu a pyein cu:

LUKA 1:41

Eliyabeth naw Mari ah yavaih nak ang yak sang ung a puk kyong ah ak hmawhta cu hnün ci. Eliyabeth cu Mumcha Theing awn be netah,

MIKHAH 3:8

Cun ung phi kei cu Bawipa naw a mümcha la ahuham awn nakbe ne, taga nak ah mawng la Israel gui ah katnak m’thein nak gui vai ah thagui na pek ci.

MATTHE 10:19

Cun gui ah kut ung ami ning ap gui ung, a i pyein ne ng’thu vai, a i ah ng’thu vai cu kä nami ng’ä vai;

1 SAMUEL 10:10

Saul la achangshäm cu Gibeah ah ani gawk law yah ung prophet bum naw hmu lawk ci gui. Ang ghit ah Khanpughi ah mümcha naw ani cu k’pang ne m’lau tuk ci.

2 PETER 1:21

A i ah kyasei ci ung, a i thu thuuk phi chang ah ng’yak hlü düt ah dang lawk ciah kä kyak ci, Mumcha Theing ah lamshäm nak awn vah chang gui naw, Khanpughi ah thuthuuk cu ami pyein ah kiak ci.

EZEKIEL 3:11

Cun kawn ah omktu khaw ah om ciah na khochang gui ah hteit ne kei uktu Bawipa naw ngami am ka pyen nak gui cu, nang ai ah kä ami ning ngaih, ami ning ngaih ung phi na m’thein gui vai nei.”

JEREMIAH 6:11

Nang ah m’lungshe nak naw hnungtuk püi gui ne kei phi na ui ci nei. Bawipa, kei naw cun cu kä ka kawt ba hning ci nei.” Cun kawn ah Bawipa naw kei na pyen nak ci, “Kei ah ka m’lungshe nak cä lam gui ung om ciah a hmaw gui la ng’bum ciah chang nong gui ah khan ah yuk huk ä. Ami cei gui la ami chu gui phi la yawp khai gui, a ghipa aih gui phi kä k’pawih nak khai gui.

1 SAMUEL 1:14

ani am, “Namät awktat ne na kyak nak cu ng’düm ä! Na awk cu ng’dü ä, ng’htei ä!”

LAMKTU 2:3

Ngami naw mei ah pying cih k’aw cu hmuh ci gui, cun ah pying ne ng’kah ciah mei m’ghi cu tumat ciah khan ah pek ne gawk ci.

LAMKTU 8:17

Cun kawn ah Peter lah Johan naw ami khan ah ani kut taih ni khä tah ngah mi cu Mumcha Theing gah ci gui.

LAMKTU 10:47

Cun kawn ah Peter naw, “Shin ah chang gui cu mikmi ah mäih ah Mumcha Theing gah ci gui ah kya ci, cun ah kyasei tui ami hnim vai cu a u naw maa nah gui hning khai ang?” cine pyein ci.

LAMKTU 15:8

Chang gui ah m’lung ngaih, hmat yawp ciah Khanpughi naw Mumcha Theing cu mikmi am ana peit gui ah mäih ah changpakhui hei gui am phi a peit nak tu gui awn, ngah mi m’hni ne ang yaak nak hlü gui cu m’dang ci nei.