LAMKTU 2:27 - Cho Bible Common Language 2016

²⁷ A i ah kiah sei ci ung nang Bawipa naw kei cu, sih nak ah khaw ung kä nah na nawng düt khai; Nang ung ng’düng ciah na chang cun phi, Ng’cim hmun ung kä na thu kat sak düt khai ah kyak ci.

LAMKTU 2:27 Referans Kwoze

SAM 16:10

A i ah kyasei ci ung nang naw sih nak ah huham ung ka na na phyawn ci. Kei naw bekhüt ne na khuut ka bik ci, Nang naw sihnak ah kho ung kä na na nawng khai nei.

LAMKTU 2:31

David naw ngawi ah Khanpughi naw a i bi lawk khai cicu hmuh hmat ne tah, Messiah a thawh ba vai ah mawng cu ng’daut ne apyein nak ung; “Ani naw Bawipa cu sih nak ah khaw ung kä nawng düt khai, apum sa phi ng’cim hmun ung kä thu kah düt khai” cine pyein ci.

THU PHLAAN 1:18

Kei cu ghing ne om ciah ka kyak ci, kei cu ka si te ci, cun ung phi tuhbäi hta ng’shon ung ghing ne ka om ci. Sih nak la sihnak ah khaw ah khan ah kei ah huham cu om ci.

THU PHLAAN 20:13

Tuinu naw ani ung om ciah aksi gui cu ap lawk ci. Sik nak la sihnak ah khaw naw phi ngami ung om ciah aksi gui cu ap lawk ci gui. Aksi gui ami van cu ami mät ah bilawh a ciah m’khoichaa nak gah ci gui.

1 KORIN 15:55

“Sih nak, nang ah k’sam mei cu a hawi ang? Sih nak nang ah m’khütnäng nak cu a hawi ang?

1 KORIN 15:52

Mikmi mi van cu kä mi sik khai, cun ung phi pyungheng ami tum law ung mikmi cu mik m’chip ah mäih ah a shänghta ung mi ng’thang yawp khai. Ak hnu ah k’phyungheng ami tum law ung sik ci gui cu tho ba u ne, sih nak cu angtäi ah phyawng nak khai gui. Mikmi mi van cun phi mi ng’thong yawp khai.

JOHAN 11:39

Phuh hmun cu lung awn khai ci gui. Bawipa Jesuh naw, “Lungnu cu m’hnawn vä” cik ci. Sik ciah pai Mahta naw, “tuhta läi thu lawk khai nei, asih nak hnüüp phli law pyi ci” cik ci.

SAM 86:13

Kei ah phäh ah ng’täi ciah na nam hni nak cu a i hlawk ah dämduh ci ang? Nang naw ng’cim hmun mät ungka na na hun ci nei.

THU PHLAAN 3:7

“Philadelphia Khrithabum ah khankho chang-am ca gu ne peit law nei: “Shin ah ca cu ng’ciim ne ng’düng ciah ng’cäi nak ah kyak ci. Ani naw David ah m’kawt k’hnawn nak cu kawt ci, ani naw m’kawt ak hnawn ung a u naw kä khai hlawt ci, ani naw m’kawt a khai ung a u naw kä k’hnawng hlawt ci.

1 JOHAN 2:20

Cun ung phi Bawi Khrit naw nangmi ah khan ah Mumcha Theing cu ning m’kyum gui pyi ci kyasei, nangmi naw thu thuuk cu nami hmat pyi ci nei.

LUKA 4:34

Nazaret ah kaa Jesuh awi, nang cu keimi awn a i ah na ng’mäihyah ci ang? Na na m’di gui khai ah ang na law? Kei naw, nang cu a u ah na kyak ah ka ning hmat ci nei, nang cu Khanpughi ah theingcim ciah ng’shä k’ni ah na kyak ci nei” cine pyein ci.

LUKA 1:35

Khankho chang naw Mumcha Theing nak khan ah gawk lawk khai, Khanpughi ah hlüngtai nak phi nakkhan ah gawk lawk khai. Cun na kia sei theingthap ciah ak hmaw cu Khanpughi ah Htapa ah ming khai.

MAKUH 1:24

Cun ah chang naw, “Nazaret chang Jesuh Bawipa, nang naw keimi a i ah na na ci gui hlük ci ang? Keimi na nam di gui khai ah na lawk ci ang? Nang a u ah na kyak cu ka ning hmat ci nei, nang cu Khanpughi ah Theingcim ciah shä tüih ah na kyak ci nei” cine m’lau ci.

MATTHE 11:23

Aw Kapernaum gawnu, nang cu khankho ah khüt khai ah, m’hlüngtai nak na gah khai ah na ngai ci ma? Nang cu m’hteikho ah khüt sei yuk buh nak na gah khai nei. Nang ung kamdang ah cäi aih gui vai cä, Sodom gawnu ung kamdang vai sü ung, cun ah gawnu cu tuhgüt om khai süte.

JONAH 2:6

Kei cu m’htung ah angnei bäih ah ka yung kyak ci nei, angtäi sei ng’khai ciah kho ng’lei ah kyak ci nei. Cun ung phi Nang, Bawipa, ka Khanpughi, a thuuk pi ungka ghin nak ah na na law püi ba pyi ci nei.

SAM 116:3

Sihnak ga naw kei cu na koi ne; Tüükyaai ciah ng’phuh hmun naw na khai shi sei; kei cu kyih nak la cäi nak awn ka be ci.

SAM 89:19

Caupui bekhüt ciah na chang gui am muimang ung nang naw na m’thein gui cu, “Ming thang ciah gakap cu kei naw m’theithang nak ka pek ci; ka chang gui ung ka, ka ghü tumat-am mangkiang cu ka pek ci.

SAM 49:15

Cun ung phi Khanpughi naw na k’phiawn khai; sih nak ah huham ung na hun khai.

LAMKTU 4:27

A cun ah mäih ah Herod lah Pontius Pilate cu, chang pa hei gui lah Israel chang gui awn a täng ah Messiah ah nam düih, na chang shäm ah Bawipa Jesuh cu hnu ng’tuk püi vai ah ng’bum man ci gui nei.

LAMKTU 3:14

Ani cu theing ne ng’cim ne, nik ciah chang ah kiah lang sei phi, nang mi naw Pilat ah ma ah ani cu k’she dam nah u ne, chang ngawn ci cu phiawn vai ah na mi ling ci nei.

LUKA 16:23

Ani cu m’htei mei khui ah ang htei ah gein vai law aih ne khankho cu han dang netah, Abraham la a k’pat lam ah ngok ciah Layarus cu hmu goi ci. Cun ah hmu goi netah, Mangpa naw;

LUKA 24:44

Cun kawn ah Bawipa Jesuh naw, “Moses ah thukhän, profet gui ah cacim la Salan cacim ung, kei ah mawng ami guk gui phung cu, akcang ah küm khai nei, cine nangmi awn a täng ah ka om yah ung ka ning m’thein gui pyi ci. Ka pyein ah mäih ah tuhbäi küm law pyi ci nei” cine m’thein gui ci.

LAMKTU 2:26

Cun ah kyak sei kei cu yeikyai nak awn küm be neh, kang thu m’gawng ung phi yeikyai nak ah ng’thu be ci. Kei cu sih nak ma nak ciah chang ah ka kyak ung phi, ngaih u nak awn dim deeih nak om khai nei.

LAMKTU 2:28

Ghin nak ah lam cu nah na m’shüm pyi ci, atäng ah nah na om püi nak naw na yei kiai sak khai nei” ci neh pyein ci.