LAMKTU 2:23 - Cho Bible Common Language 2016

²³ Khanpughi naw pyein neh ak bäi pyi ah mäih ah Bawipa Jesuh cu, nami kut ung ning ap gui pyi ci; nang mi naw ani cu chang k’she gui am kutlam’tung ung na mi ngawn sak gui pyi ci.

LAMKTU 2:23 Referans Kwoze

LUKA 22:22

Chang ah Htapa cu Khanpughi naw akbäi ah mäih ah akcang ah sik khai, cun ung phi ani gaa ah kut ung ap ciah chang ah khan ah shetkat nak om khai nei” cik ci.

LAMKTU 4:28

Cun ah ami bum cu na hlüng tai nak lah nang yak nak hlü awn nak bäi pyi gui a khüm be nak vai ah kyak ci nei.

LAMKTU 3:18

Khanpughi naw Messiah asih vai ah mawng cu prophet gui ung ng’cä neh pyein pyi ci nei; shin cu ang cä ah küm nak ah kyak ci.

ATÜNNAK 50:20

Nangmi naw kei cu akshe ah nami na kyak nak ci, cun ung phi cun cu Khanpughi naw akni ah m’hlat ci nei, Tuh ngawi om ciah chang akda ah ghin nak vai ah bi pyi ci nei.

1 PETER 1:20

Shin ah khomdek kä ang tüi pha ge ung ani cu Khanpughi naw ghü ne, shin ah ak hnu ah kho hnüüp ung, nangmi ah hmawk ah ang dang sak ah kyak ci.

LAMKTU 13:27

Jerusalem ung om ciah chang gui la ami ng’vai gui naw cun ah Bawi cu Hunbawi ah a kyak kä hmat ci gui, kyin hnüüp päng ung ami phat ah prophet gui ah ca guk ah a mawng phi kä hmat ci gui. Cun ung phi ngah mi naw prophet gui ah ng’thu pyein a bä vai ah cun ah Bawi cu ngawn pyi ci gui.

MATTHE 26:24

Cacim ung om ciah mäih ah chang ah Htapa cu sik khai nei, cun ung phi chang ah Htapa ga ah kut ung ap ci cu, thüisei nak om ci nei. Kä ang tüi tu ge vai sü ung ani ah hmawk ah ni pi khai süte,” cine pyein ci.

ROMAN 4:17

Cun cu cacim theing ung, “Kei naw nang cu chang pakhui-van ah pa ah ka ning pyang ci nei,” cine a pyein ah mäih ah kya ci. Cun ah kya sei Khanpughi ah shaitaak cu kümbe ci. Khanpughi cu Abraham ah ngaih u, sik ciah chang gui ghin ba sak ci la, kä ng’tüi om man ci gui ng’tüi om sak ciah Khanpughi ah kyak ci.

LAMKTU 5:30

Kami pughi guiah Khanpughi naw kutlamtung ung tai ne nami ngawn ah Bawipa Jesuh cu, thawh ba sak pyi ci.

DANIEL 4:35

Ani naw chang gui cu akholä ah mäih ah teng gui ci; Khankho ung khanchang gui la m’dek khan ung m’dek chang gui cu ani naw shum gui ci. Ani ah ng’yak hlü cu a u naw kä hnung tuk püi hlawt ci, Ani ah bi cu a u naw kä ng’shi k’thäh hlawt ci.

SAM 76:10

Chang ah m’lung she nak naw ning m’hlüngtai khai nei; Ng’tuk nak ung k’pawih ci gui naw na pawi bik khai gui nei.

THU PHLAAN 13:8

Ami ngawn ah Htomehta ah ghinnak ca-uk ung khomdek khan kä a tüisho pha ge ung a guk ah, ming gui ah kawn ah k’pawih ba ciah chang phung naw khiküi cu khawihnah ci gui.

JUDE 1:4

A i ah kya sei ci ung Khanpughi kä yum ci gui cu nami ng’lung ah lut ne om ci gui nei. Ngami naw mi Khanpughi ah m’gein nak ah ng’thu cu, khawdek pumsa ami ng’yak hlü lam düt ah m’hlat u ne, tumat khläm om ciah mi Bawi, mi Mang Jesuh Khrit cun phi hun ng’tuk püi ci gui nei. Cun ah chang gui cu cau pui ge, shetkat nak gah khai gui ah m’hnütbäi gui ah kyak ci.

1 PETER 1:2

Nangmi cu Pa Khanpughi naw amät ah ng’bü nak awn ning ghü gui ne, ang Mumcha awn chang theing ah ning pyang gui ci. Cun cu Bawi Khrit ah thu nami läk nak vai la asi awn nami theingcim nak vai ah kyak ci. M’geinsei nak la dimdeeih nak cu nangmi ung kümbe ne om sä.

LAMKTU 15:18

Shin cu cau pui Bawipa naw hmat ne a pyein ah kya ci” ci ne pyein ci.

LUKA 24:20

Keimi ah taigü ng’vai gui la uk ci gui naw ami ngawn vai ah ap u sei, ani cu kutlamtung ung tai ne ami ngawn nei.

LUKA 22:37

Kei naw akcang ka pyein cu, ani phi ngawn phaa nak ng’küh tuk ci nei” ciah cacim cu kei ung küm khai. A i ah kyasei ci ung kei ah mawng ami guk phung cu küm ci nei” cine kyak na gui ci.

LAMKTU 7:52

nami pupa gui naw kä ami shedam nak ah profet a u om ne ang? Ngah mi cu Khanpughi ah ng’düng ciah changshäm akyum law vai ah mawng pyein ciah ng’shä gui cu ngawn ci gui nei.

JOHAN 19:24

Gakap gui naw cun ah ami bi cu, cacim ung; ngami naw kei ah suisak ng’pai ci gui, ka suinu phi m’shüih tawk ne lak ci gui” ci cu a khüm nak vai ah kyak ci.

1 PETER 2:8

A hei cacim ung, “Cun ah lung cu chang gui ah m’thuihshawng nak vai la, Chang gui ah ng’vawn ng’täät nak vai ah kyak ci”, ciah om ci. Ngami cu thucim kä yum ci gui ah kya ne, ‘Thuihshawng ci gui, cun cu ngami ah hmawk ah Khanpughi naw am’hnüt ah kyak ci.

ISAIAH 37:26

“Caupui ge ung kei naw shin gui ka pawng püi ca kä na ng’ya man ne ma? Cun u tuhbäi ka bi law ah kyak ci khäng ciah mang gaw gui ng’awt bum ah ng’lat sak nak ah huham cu nang am kei naw ka ning pek ci nei.

MATTHE 20:19

Ngami naw ani cu ngawn vai ah k’bäi u netah changpakhui hei gui-am ap khai gui. Chang pakhui hei gui naw ani cu päipih u ne, htung awn that u netah, kutlam tung ung tai ne ngawn khai gui nei. Cun ung phi chang ah Htapa cu ak hnüüp thum hnüüp ung sih nak ungka tho ba khai nei,” cine pyein ci.

MATTHE 27:35

Ngami naw Bawipa Jesuh cu kutlamtung ung tai ne ngawn ci gui. A suisak cu m’shüih tawk ne ng’pai ci gui.

MAKUH 15:24

Cun kawn ah Bawipa Jesuh cu kutlamtung ung tai ne ngawn ci gui. A suisak gui cu chang gui naw m’shüih tawk ne ng’pai ci gui.

LUKA 23:33

“Lu koihmun” ming nak ciah k’päng ah gawk u netah, Bawipa Jesuh cu kutlamtung ung tai ne ngawn ci gui. Changshe hnih cun phi tumat akpat lam, tumat ak-eng lam ah tai ne ngawn goi ci gui.

JOHAN 19:18

(Acun cu Hebrew ng’thu awn Kolakotha) cik ci gui. Acun ah hmun ah Bawipa Jesuh cu kutlamtung ung tai ne ngawn ci gui. Bawipa Jesuh awn a täng ah a hei chang hnih cun phi, ak englam ah tumat, akpat lam ah tumat tai ne ngawn ci gui. Bawipa Jesuh cu ang lung ung tai ci gui.

LAMKTU 2:36

Cun ah kiah sei Israel chang gui aw, nang mi naw kut lam tung ung tai ne na mi ngawn ah Bawipa Jesuh cu Khanpughi naw Hun Bawipa lah Messiah ah ak bäi pyi cu akcang ah na mi hmat vai nei” ci neh pyein ci.

LAMKTU 5:28

“A cun ah chang ah ng’ming awn kä na mi m’theithang en ba vai ah, keimi naw ak khengah kami ning maa nah gui pyi ci, Cun ung phi nangmi naw Jerusalem khaw avan ung na mi m’theithang gui pyi ci. Ani ah sih phi keimi ah om ah nami pyein law hlü pyi ci nei” ci ne kyak nah gui ci gui.

ROMAN 2:12

Moses ah thukhän kä hmat ci gui ah chang khui hei gui cu, katnak ami bi ung thukhän ah k’pung ah dimaih ci gui kyak ci. Thukhän hmat ci gui ah Jew chang gui cu, katnak ami bi ung thukhän ah m’khoichaa nak cu gah ci gui.

1 THESSALONIAN 2:15

Cun ah Jew chang gui cu Bawipa Jesuh la profet gui ngawn u ne, keimi nak dukdeiu na gui ci gui ah kyak ci.