LAMKTU 2:22 - Cho Bible Common Language 2016

²² “Israel chang gui kei ah ng’thu cu ngai yawp vä, Khanpughi naw cäi aih gui vai lah ngaih khit gui vai ah Nazaret chang Bawipa Jesuh ah m’khüt näng nak cu ani awn m’dang pyi ci nei. Cun ah amawng gui cu nami ng’lung ah ng’dang pyi ci kiah seih nami van naw nami hmat yawp pyi ci.

LAMKTU 2:22 Referans Kwoze

JOHAN 3:2

“Rabbi, nang cu Khanpughi ah tüih law ah saya ah na kyak ciah kami hmat ci nei. A i ah kyasei ci ung, Khanpughi naw a täng ah kä a om püi ah chang naw, nang ah bi ah cäi aih gui vai cu kä bi hlawt khai nei” cine pyein ci.

LAMKTU 4:10

nang mi naw kut lam tung ung tai ne ngawn uk ci seih Khanpughi naw a thawh ba sak ah Nazaret Bawipa Jesuh Khrit ah hlüng tai ciah ang ming awn theek ne gai ne, nami ma ah ang düih cu, nang mi lah Israel chang van naw nami hmat khai nei.

LUKA 11:20

Cun ung phi kei naw Khanpughi ah hlüngtai nak awn Khoshe ka k’täm ci kyasei, Khanpughi ah uknak ah kho cu nangmi ung gawk law pyi ci nei” cik ci.

MATTHE 12:28

Kei naw Beelyebul ah na peit ah k’thamah nak awn kä kyak ciah, Khanpughi ah Mumcha ah na peit ah bämang thamah nak awn, khoshe gui cu ka k’täm ci. Cun ah kyasei Khanpughi ah uknak kho cu nami khan ah gawk law pyii ci nei.

MATTHE 9:8

Acun ah mawng hmuh teng tuk ciah chang gui cu cäicat u netah, chang gui-am shin ah mäih ah huham pek ciah Khanpughi cu m’hlüngtai ci gui.

HEBRU 2:4

Acun ah khin ung Khanpughi a mät naw cäi aih vai gui, cäicat vai gui am dang nak awn la a mät ah ng’yak hlü ah Mumcha Theing am shum phyuk nak awn saksi cu dang sak ci.

2 KORIN 12:12

Kei cu ang düihpüi ah ka kyak ah mawng cu, cäi aih gui vai la cäicat gui vai awn, hniim gei nak awn ka ning m’dang gui ci.

LAMKTU 26:26

Ghangpughang mang aw, nang naw shin ah a mawng cu na hmat pyi ci kiasei, na ma ah shicha ka pyein hning ah kyak ci nei. Shin ah a mawng gui cu ang thuh nak ung dang ciah kä kyak ci, nang ghangpughang naw phi avan na hmat pyi ciah ka ngai ci nei.

LAMKTU 26:9

Kei ka mät naw phi Nazaret chang Jesuh ah ming awn hnu ng’tuk khai ah bi bi vai ka yum man ci.

LAMKTU 24:5

Shin ah chang cu k’tüphlawh thei ciah kyihkyawk vai ah chang ah kami hmuk ci nei. Ani naw khom’dek khan ung Judah chang gui thüngphyong khai gui ah tüihtok gui ci nei. Ani cu Nazaret chang ah pati ung ng’vai tumat ah kyak ci nei.

LAMKTU 22:8

Kei naw Bawipa, nang u nei” cine ng’shi ngätah, Bawipa naw, “Kei cu nang naw na k’dudeiu nak ah, Nazaret chang Jesuh nei” ci ne pyein ci.

LAMKTU 21:28

Cun ah pha u netah, “Israel chang gui aw, na bi law püi gui vä, shin ah chang cu kho ng’nü ah hteit ne Israel chang gui ni, Moses ah thukhän pum im ah mawng gui ni cu päipih täitawk ne chang gui am m’theithang gui ci nei. Cun bäng ah kä kya ciah shin ah chang naw changpakhui hei gui cu pum im kyong ah law püi gui ne, ak theingcim nak pi cu shetkat sak ci nei” ci ne m’lau ci gui.

LAMKTU 14:27

Antiok gawnu ah ami gawk law ba ung ngah ni naw khrithabum gui m’cut gui netah, ngami awn Khanpughi naw bi abi nak gui la a pakhui hei gui naw ami yum law tu vai ah lam a hmawn peit gui ah mawng cu m’thein tu ba gui ci goi.

LAMKTU 13:16

Paul naw ng’düi law ne a kut awn nüt netah thu a pyein cu: “Israel chang gui la Khanpughi yum ciah khui hei chang gui, ngai yawp vä!

LAMKTU 6:14

Nazaret chang Jesuh naw k’taigüim cu gäi netah, Moses ah peit ah thungyo phi m’shet ciah thu pyein sei kami ng’yak ci nei” ci ne pyän ci gui.

LAMKTU 5:35

Cun ah chang naw, “Israel chang gui aw, shin ah chang guiah khan ah nami bi vai cu geing nah ne nami bi vai nei,

LAMKTU 3:12

Peter naw chang gui cu hmu gui ne tah, “Israel chang gui, a i ah kiak sei nami cäicat ang? a i ah kiah seih kei mi cäicat ne na mi na teng gui ang? kami mät ah hlüng tai nak lah m’khüt näng nak awn, shin ah chang kami gai sak ciah nami ngai ci ma?

JOHAN 19:19

Pilat naw ca gu ne Bawipa Jesuh ah kutlamtung ung tai sak gui ci. Cun ah ca cu, “Jew chang gui ah ghangpughang Nazaret Jesuh” ciah kyak ci.

JOHAN 15:24

Kei naw ngami ah ma ah a u ah kä bi man gui kä ka bi vai sü ung, ngami ah katnak kä dang khai süte. Tuhbäi ngami naw kei ah bi gui cu hmu u netah, kei la Kapa cu na gen goi ci gui.

JOHAN 12:17

Bawipa Jesuh naw Lasaruh cu ng’cim hmun ungka khü ne sih nak ungka am ghin ba cu hmu tute ciah chang gui naw,

JOHAN 11:47

Cun ah kyasei, taigü ng’vai gui la pharise gui naw ng’cuh u ne kawngsi ah hteit u netah,” Shin ah chang naw cäi aih vai gui akda bi pyi ci, mikmi naw a i kä bi ne mi om khai ma?

JOHAN 10:37

Kapa ah ng’yak hlü ah kä ka bi ung kä nami na yum vai, kabi ung kei kä nami na yum ung phi kabilawh cu nami yum vai.

JOHAN 9:33

Ani cu Khanpughi ah kaa lawk ciah kä a kyak ung shin gui kä bi m’khüt khai sü te” cik ci.

JOHAN 7:31

Chang khli ungka akda naw Bawipa Jesuh cu, yum law u netah, “Messiah a kyum law ung, shin ah chang ah bilawh ah mä, däm pi ciah cäi aih gui vai cu m’dang lawk khai ang? cine ng’shik ci gui.

JOHAN 6:27

Shekaa thei ciah ah ei awk cu käk tha nah ne, kä shekaa thei ciah, angtäi ghin nak ah ei awk cu tha na vä. Khanpughi naw hlüngtai nak a ap pyi ah kyasei, chang ah Htapa naw cun ah ei awk cu nangmi-am ning pe gui khai nei” cine m’cäi gui ci.

JOHAN 6:14

Cun ah Bawipa Jesuh naw cäi aih vai abi gui hmu tuk ciah chang gui naw, “Shin ah chang cu khomdek khan ah gawk lawk khai ami ciah, profet akcang ah kyak ci nei” cik ci gui.

JOHAN 5:36

Cun ung phi Johan ah saksi ah däm pi ciah saksi nak kei ung om ci. Kapa naw na ap sei tuhbäi ka bilawh nak gui awn, kei cu Kapa naw ana tüih law ah mawng saksi cu dang ci nei.

JOHAN 4:48

Bawipa Jesuh naw, “Nangmi cu cäi aih gui vai la cäicat gui vai, kä nami hmuh ung kä nami yum ci” cine pyen na gui ci.

JOHAN 1:45

Philip naw Nahtanelah hmu netah, “Moses naw thukhän ung a guk la, Profet gui naw ami guk ah mäih ah, Nazaret kho ah kaa Josef ah hta Jesuh cu, ni hmu pyi ci nei” cik ci.

LUKA 24:18

ngani ungka Kleopas naw, “Jerusalem ah gawk lawk ciah khin gui ung kaa, nang bäng vah shin ah kho hnüüp gui ah kyong ung, Jerusalem ah hmu ng’yak ah a mawng gui cu kä na hmat tu phak ciah kiak ci,” cine kyak nak ci.

MATTHE 2:23

Nazaret gawnu ah om tuk ci. Cun cu profet gui ah ng’thu pyein ung, “Ani cu Nazaret chang ah kyak khai nei” ciah om ci cu aküm nak ah kyak ci.

ISAIAH 41:14

Bawipa naw pyen ci, “Israel gui, nangmi nami zaw ken pang ung phi, kä nami kyihkyawk vai nei, kaning m’htei gui khai nei. Kei, Theingcim ciah Israel khanpughi cu nangmi ning hun gui ciah ka kyak ci nei.

LAMKTU 2:19

Ak khan ah om ciah khankho ah, cäi aih gui vai kam dang khai, ak ka ah om ciah m’dek khan ah, ngaih khit gui vai kam dang khai. Si ng’hlui ng’huk khai, mei m’lei taut neh, mei khu thet khai.

LAMKTU 2:43

Ang düihpüi gui naw cäi aih gui vai lah ngaih khit gui vai ak da m’dang u khähtah chang gui cu kyikyawk yawp ci gui.

LAMKTU 3:6

Cun kawn ah Peter naw, “Kei ung ghui ngui kä om ci, cun ung phi kei ung om cicu ka ning pek khai: Nazaret Bawipa Jesuh Khrit ah ming awn, tho ne na hteh vai, kei naw ka ning khän ci nei,” ci neh kiak nak ci.

LUKA 18:37

Chang gui naw, Nazaret ah kaa Bawipa Jesuh a law ah mawng m’thein tuk ci gui.