LAMKTU 2:2 - Cho Bible Common Language 2016

² A cun yah ung khankho ah ka, khaw khi nu ah mäih ah ng’hmum ciah k’aw cu ami om nak ah kyawng khui ah gawk law ne be ci.

LAMKTU 2:2 Referans Kwoze

LAMKTU 4:31

Ami taigü yawp vai am cun ah ami taigu nak ah hmun cu ng’tum ne thüng ci. Ngah mi cu ami van Mumcha Theing awn be u ne tah, Khanpughi ah ng’thu cu thamah nak awn pyein sak ci gui.

1 GHANGPUGHANG GUI 19:11

Bawipa naw ani am, “Hteit ne m’htung lai ung kei ah ma ah ng’düi ä” ciah pyen nak ci. Bawipa naw sunpah ne hteit neta, khokhinu cu chah law sei, khomhtung gui pyawn ne, lung gui payak ci — cun ung phi Bawipa cu khokhi ung kä om ci. Khokhi ng’düm law khäta, shihpi thüng lawk ci — cun ung phi shihpi a thüng nak ung Bawipa kä om ci.

SAM 18:10

Ani cu Cherubim ng’cum ne zong ne; Khokhi ah ng’phya khan ah hteihton ci.

JOHAN 3:8

Khokhi cu akhi nak hlü lam ah khi ci, kho akhi hmat ung phi a hawi täng ah tün ne, a hawi täng ah khi khai ah kä hmat hlawt ah mäih ah Mumcha Theing awn ng’tüi cicu kyak ci,” ci ne m’thein ci.

ISAIAH 65:24

Kei ah ami taigü law kä ang pha ung, ngami ah taigü cu kei naw ka m’shang khai.

MALAKHI 3:1

Hlüngtai ciah Bawipa naw, “Kei ah hmawk ah lam pyang khai ah ka ng’shä cu ka tüi lawk khai. Cun kawn ah nang naw na shui ah Bawipa cu ang ghit ah pum im ung gawk lawk khai. Nang naw na hmuh ah ka ng’shä cu law ne ka thukhän cu ng’shäu khai” cik ci.

SOLOMON NG’Ä~ 4:16

A siip ah khokhi, tho law. A htum ah khokhi, ka u-yin ung khi law; khokhi cu tui ng’ui awn be sak ä. Kei ah ka m’hni cu ani ah u-yin ung law ne, a cun ah m’theih akni pi gui cu ei sä.

LUKA 2:13

Cun vai-am chünla ciah khankho gakap gui cu khankho chang veing ne ng’dang law u netah;

LAMKTU 2:3

Ngami naw mei ah pying cih k’aw cu hmuh ci gui, cun ah pying ne ng’kah ciah mei m’ghi cu tumat ciah khan ah pek ne gawk ci.

LAMKTU 2:6

Cun ah k’aw cu ng’yak u ne tah, chang khli gui cu ng’bum lawk ci gui. Ang düipüi gui ah ng’thu pyein cu, chang päng naw ami mät ah ng’thu phäh phäh awn ng’yah u ne tah cäicat ci gui.

1 PETER 1:12

Ngahmi naw cun ah mawng ami pyeinsak cu, ami mät ah hmawk ah kä kiak ci, nangmi ah hmawk ah kyak ci, cicu Khanpughi naw, ngahmi ung dang sak ci. Nangmi ah om nak ah Bawi Khrit ah mawng Thu Ni law püi ci gui naw, cun ah profet gui naw ng’daut ne ami pyein ah a mawng gui cu, Khankho ah kaa a tüih law ah Mumcha Theing ah hlüngtai nak awn, nangmi ah khan ah ng’shäu law u sei nangmi naw nami ng’ya pyi ci nei. Cun ah a mawng gui cu Khanchang gui naw phi hmuhmat hlük ci gui nei.