LAMKTU 2:17 - Cho Bible Common Language 2016

¹⁷ “Ak hnu bäih ah khaw hnüp gui ung, Chang nüng ah khan ah Mumcha Theing cu ka yuk chah khai, Na mi hta gui kei ah ng’thu ng’shäu khai gui, Ak hmaw chang gui mik hmuk khai gui, aghi ng’vai gui ng’mui mang mah khai gui.

LAMKTU 2:17 Referans Kwoze

ISAIAH 44:3

Kei naw tui gha ciah khaw ung tui ka pek khai, khong’gau khaw ung tui lawng ka lon sak khai. Kei naw nami htanau gui ah khan ah ka mümcha ka yuk chah khai, nami hta ng’shon gui ah khan ah ka hriham ka yuk chah khai.

LAMKTU 10:45

Chang pakhui hei gui cun naw phi Khanpughi ah Mumcha Theing cu gah tu u khä tah, Joppa ah kaa Peter awn a täng ah lawk ci gui ah Jew chang gui cu ang htei ah cäicat ci gui.

JOHAN 7:39

Cun yah ung Bawipa Jesuh cu a hlüngtai nak kä dang phak ciah kya sei, yum ciah chang gui-am Mumcha theing phi kä ap gui hning phak ciah kyak ci. Cun ah kyasei yum ci gui ah gha law vai ah Mumcha Theing cu pyein ne ang ng’shäu ah kyak ci.

ZEKHARIAH 12:10

“Kei naw David ah htangshon gui la Jerusalem ung chang gui cu, m’gein nak ah mümcha la tagüi nak ah mümcha awn ka be sak gui khai. Ngami naw ami mät naw shun ne ami ngawn cu teng khai gui, a hta tumat ah phäh ah thüi kyap ci gui ah mäih ah ngami cu ani ah phäh ah thüi kyap khai gui. A hta htük chük sei thüi kyap ci gui ah mäih ah ngami cu akshe ah thüi kyap khai gui.

EZEKIEL 11:19

Kei naw ngami am m’lung akthai, ngaih akthai ka pe gui khai. Kei naw ngami ah lung ah lin ciah ami m’lung liing nak cu la ne ghawh pe gui ne, ng’thu ngaih nak ah m’lung ka pe gui khai.

HEBRU 1:2

Cun ung phi shin ah ak hnubäih hnüüp gui ung läi A Htapa ung thu m’shäk lawk ci nei. A Htapa awn khopuui cu tüisho ne, kho ah kaa avan cu khäm khai ah Khanpughi naw A Htapa cu ghü ne m’düih ci.

1 KORIN 12:28

Khanpughi naw khrithabum ah kyong ung, ak htük bäih ah ang düih püi gui, ak hnih nak ah purofet gui, ak thum nak ah saya gui; cun kawn ah cäi aih vai m’dang ci gui, cun ah hnu ah gawpai ci gai sak nak ah hlüngtai nak om ci gui, pawchang m’hteihtang hning ci gui, m’shüm thein hning ci gui, kä hmat ah ng’thu ah thu nak thei gui a phäh phäh ah tüi m’hnüt gui ci.

LUKA 3:6

Hnicim chang avan naw Khanpughi ah hun nak cu hmuk khai nei” ciah kyak ci.

LAMKTU 21:9

Ani ung kä ceimah phak ciah a hta hnumi phli om ci. Ngami cu Khanpughi ah Thu Ni ng’shäu ne pyein ci gui ah kya ci.

HOSEA 3:5

Cun ung phi Israel chang gui cu Bawipa ami Khanpughi la ami ghangpughang David ah htangshon ah ami ng’hlah law ba nak vai ah akhin cu gawk lawk khai nei. Cun kawn ah ngami naw Bawipa cu kyih aa u ne ani ah m’cümhnah akni cu gah khai gui nei.

2 PETER 3:3

Ak htük ah, ak hnubäih hnüüp ung, amät ah ng’yak hlü düt ah ghing ciah chang gui dang lawk khai ci cu, nami hmat vai nei. Ngami naw nangmi cu ning gaih m’gin gui ne,

1 KORIN 12:10

Mumchabawi naw chang tumat am cäi aih vai bi nak ah hlüngtai nak, a hei tumat am Khanpughi ah Thu thuuk pyein nak; a hei tumat am Mumchabawi ah peit ah thagui ah kyak ci la kä kyak ciah m’khoichaa nak, cu pe ne; chang tumat am Ng’thu a hlü hlü pyein thei nak, a hei tumat am, cun ah thu a hlü hlü cu k’phlan ne pyein nak ah k’thagui cu pek ci.

ROMAN 5:5

Mikmi cu cun ah m’lung üp ngaih u nak a om ung a i yah ung phi mi m’lung kä häu vang khai. A i yah kya sei ci ung Khanpughi naw ana peit gui ah Mumcha Theing awn, anam hni nak gui cu, mi m’lung kyong ah anglih pyou sak pyi ah kyak ci.

EZEKIEL 39:29

Kei naw Israel chang gui ah khan ah ka mümcha cu ka yuk chah khai, kä ka ng’hlah ta ba gui phung khai. Kei uktu Bawipa naw ka pyen nei.

ISAIAH 66:23

Cha thai pawi püng la kyih nak hnüüp päng ung, pakhui päng ung ka chang gui cu shinung Jerusalem ah law ne, na khawihnah lawk khai gui,” cine Bawipa naw pyen ci!

ZEKHARIAH 2:13

Bawipa ah ma ah chang ng’nü cu a düm ah om sä, ani cu theingcim ciah hmun, a om nak ungka naw law sang ci nei.

ISAIAH 2:2

Ngawi ah lawk ciah khaw hnüüp ung Taigüim ah ng’düih nak ah khawmhtung cu avan ah hlüngtai pikbäih khai, khawgui gui avan hlüng ne hnim khai. Chang pakhui gui cu a cun ung long ne lawk khai gui,

NG'THU K'THUUK~ 1:23

Kei naw ka ning huttaap gui cu ngai vä! Kei naw akni ah ka ning m’cäi gui khai, ka hmuhmat nak ka ning k’pai gui khai.

SAM 72:6

Ghangpughang cu lai ah khan ah kho a aa mäih ah, ng’lei ah khan ah khüi a book ah mäih ah kya sä.

JOHAN 17:2

Na Htapa ah kut ung na ap ah chang gui-am angtäi ghin nak a peit gui hning vai ah, nang naw Na Htapa-am chang nüng m’khüt nak ah hlüngtai nak cu na pe pyi ci nei.

MIKHAH 4:1

Cun ah hnüüp a gawk law ung Taigü im ah khomhtung cu avan ah hlüng pikbäih khai, m’htung avan ah khan ah tänghän ah kyak khai. Changpakhui akda law ne ng’bum khai gui,

ISAIAH 40:5

Bawipa ah bäimang nak cu m’than lawk khai, hnicim chang avan naw hmuk khai. Shin cu Bawipa amät ah shaitak ah kyak ci nei.”

ATÜNNAK 49:1

Jakob naw a hta gui cu khü gui neta, “Ka pei ah law vä, nangmi ah khan ah ngawi ah a i ah kya lawk khai cicu ka ning m’thein gui khai:

ISAIAH 49:26

Nangmi ning zawshe na gui ci cu, ami mät ng’ngawn tuk khai gui ah ka ci gui khai nei; Ngami naw ami mät ah si cu zu ah mäih ah awk tat khai gui nei. Hnicim chang avan naw kei cu, ning hun gui ne, ning m’hlawt gui ciah Bawipa ah hmat khai nei. Ngami naw, kei cu Israel gui ah huham ah ciah khanpughi ah na hmat khai gui nei.”

JAMES 5:3

Nami ghui ngui gui ung phi hnai kai pyi ci nei, cun ah hnai cu nangmi ning hnu ng’tuk püi gui ciah saksi ah kya ne, nami sa cu mei ah uih ah mäih ah ui ne, ning ei gui khai nei. Shin ah ak hnu bäih ah hnüüp gui ung nang mi cu, m’cun m’hnai ne, bühmang vai nami tha na ba ci maa?

DANIEL 10:14

Nang ah na chang gui ung ngawi ah a i ah kya lawk khai ci cu, kei naw law ne ka ning hmuhmat sak ci nei. Shin cu ngawi ah kya lawk khai ah mawng muimang ah kyak ci.”

ATÜNNAK 6:12

Khanpughi naw m’dek khan cu teng neta, akshe ah kyasei hmuk ci. Khomdek khan ung chang gui cu cheishoh yawp ci gui.

SAM 65:2

a i ah kyasei ci ung nang naw taigü cu na ngai ci. Kho nü ung ka chang gui cu law u ne, ami katnak cu khei lawk khai gui nei.

LAMKTU 11:28

Cun gui ungka Akabus ming nak ciah prophet cu Mumcha Theing ah thamah nak awn düi law netah khomdek khan avan ung kho yaw ne ei ng’geing khai” cine k’cä ci. (Ghangpughang Klaudius ah uk sang ung akcang ah kho yaw ne ei ng’geing ci.)

LAMKTU 2:16

Shin gui cu prophet Joel ah ng’thu a khüm nak ah kyak ci. Cun ah prophet ah pyein cu:

LAMKTU 2:18

Cun ah khaw hnüüp gui ung, Ka chang gui hnumi’ pami van ah khan ah, Ka Mumcha Theing ka yuk chah lawk khai, ngah mi naw kei ah ng’thu ng’shäu khai gui.

LAMKTU 2:33

Ani cu Apa Khanpughi ah ak pat lam ah ngawk khai ah tho ba neh, Khanpughi ah shaitak ah Mumcha Theing cu gah pyi ne tah, tuk bäi na mi hmuh ng’yak ah Mumcha theing cu mikmi ah khan ah yuk chah lawk ci.

LAMKTU 11:27

Cun ah khin ung Prophet amshah gui cu Jerusalem ah kaa Antiok ah lawk ci gui.