LAMKTU 2:11 - Cho Bible Common Language 2016

¹¹ Am shah gui cu Rom ah ka lawk ci gui ah Judah chang gui lah Judah thung ah om tuk ci gui ah akhui hei chang gui ah kyak ci. Amshah gui cu Krete lah Arabia chang gui ah kyak ci. Cun ung phi chang avan naw, Khanpughi ah bä khäk nak ah mawng ami ng’thu pyein cu, mi mät ah ng’thu phäh phäh awn mi ng’yak ci nei” ci ne kiak ci gui.

LAMKTU 2:11 Referans Kwoze

1 KORIN 12:10

Mumchabawi naw chang tumat am cäi aih vai bi nak ah hlüngtai nak, a hei tumat am Khanpughi ah Thu thuuk pyein nak; a hei tumat am Mumchabawi ah peit ah thagui ah kyak ci la kä kyak ciah m’khoichaa nak, cu pe ne; chang tumat am Ng’thu a hlü hlü pyein thei nak, a hei tumat am, cun ah thu a hlü hlü cu k’phlan ne pyein nak ah k’thagui cu pek ci.

PHYAWN NAK 15:11

Bawipa, khanpughi gui ah ng’lung ah nang ah mäih om ne ang? Cäicat vai ah theingciim ci nang ah mäih om ne ang? Nang ah mäih ah cäi aih vai bi ne m’gäi ne hnüntho ci om ne ang?

HEBRU 2:4

Acun ah khin ung Khanpughi a mät naw cäi aih vai gui, cäicat vai gui am dang nak awn la a mät ah ng’yak hlü ah Mumcha Theing am shum phyuk nak awn saksi cu dang sak ci.

TITUS 1:12

Cretan chang ami mät ah profet tumat naw, “Cretan chang gui cu angtäi sei hleeihlak ci gui, ngetngawng m’ghämce ci gui, damduh ci gui,” nei cine pyein ci. Cun ah kyasei ak ghaat ah nami m’cäi gui vai, cun ung ami yum nak khänghtek lawk khai.

SAM 26:7

M’hlüngtai nak ah ng’äi m’cu ne, cäicat vai ah na mawngma avan ka pyen ci nei.

JOB 9:10

Mikmi naw ani ah aküikyang ah abi gui la a khüt nak kä om ciah cäi aih vai gui cu kä mi k’shing hlawt ci.

TITUS 1:5

Kei naw Crete ung ka ning nawng shüt cu, bi vai om ba ci gui avan ang khän khai ah na bi vai la api gaw päng ung khritha k’tahnga gui nam düih vai ah hmawk ah kyak ci. Tuhbäi ka ning m’shüm thein gui cu na shüm vai nei:

LAMKTU 27:12

Cun ah pigaw tuikam ung kho hting kho ah htinpaw ang düm nak vai kä ni khähtah, chang akda naw Phoenik tuikam ung ang düm vai ah yum ci gui. Phoenik gawnu tuikam cu, Krete kho ung om ne hni kiaak htumsiip lam ah hmai nak khai ah ami sak ah pigaw ah kiak ci.

LAMKTU 27:7

Keimi cu kho hnüüp akshou hteit kyäp kyäp unetah, Kanidus pigaw pei ah yai ngai ngai ne kami gawk ci. Khokhi kä ng’hlawi sei, khokhi ah ng’shung nak Krete tuikoi lam ah hteit u ne, Salmone m’yum cu kami sun pah ci.

JEREMIAH 3:2

Khaw m’htun gui cä teng vä. Pawzam ciah mäih ah nami hnünthawh nak ah kä kyak ciah hmun om ne ang? Arab naw khaw ng’gau khaw ung a guttep vai ah ngäng ah mäih ah nang naw lampei pum ung na m’hni gui cu na ngäng ci nei. Nangmi naw nami pawmya nak awn kho avan nami pawmya sak ci.

ISAIAH 28:29

Shin ah cüi vai nak gui avan cu m’gäi ciah Bawipa ung ka lawk ci. Khanpughi naw abi ah m’hnütbäi nak cu lunglang ci, cun gui co angtäi sei m’khütnäng nak ah kyak ci!

ISAIAH 25:1

Bawipa, Nang cu ka ning khanpughi nei; kei naw ning chang m’sui ne na ming ka m’taam khai nei. Nang naw cäi vai gui na bik ci nei; Nang naw cäupui na m’hnüthbäi gui cu bekhüt ne na bi pyi ci nei.

ISAIAH 13:20

A cun ung angawi ah phi a u kä om ba khai, A u Arab chang ng’vak shüi ci naw phi acun ung phung kä tuk khai, a u htoshain naw phi cun ung htome kä chah khai.

SAM 136:4

Ani bäng naw küikyang aih ciah cäi aih vai gui cu m’dang ci nei; Ani ah m’hni nak cu ng’täi ci nei.

SAM 111:4

Bawipa naw cäicat vai ah a hnünthawh gui cu kä na m’hnih sak gui ci; Ani cu lo’dük nak chimgein nak ah kyak ci.

SAM 107:21

Ng’täi ciah am hni nak la ngami ah hmawk ah cäicat vai abi ah phäh ah Bawipa cu m’hlüngtai u sä.

SAM 107:15

Ng’täi ciah am hni nak la ngami ah hmawk ah cäicat vai gui abi ah phäh ah Bawipa cu m’hlüngtai u sä.

SAM 107:8

Bawipa ah ng’täi ciah am hni nak la ngami ah hmawk ah cäicat vai gui abi ah phäh ah m’hlüngtai u sä.

SAM 96:3

Abäimang nak cu pakhui van am m’thein ne, m’gäi ne a hnün thawh nak cu chang van ung ng’shäu vä.

SAM 89:5

Cäicat vai na bi gui ah mawng khankho naw ng’äi m’cu ci; Bawipa, theingcim ci gui naw na bekhüt nak ah mawng ng’äi m’cu ci gui.

SAM 78:4

Mi hmaw gui am kä mi m’zih gui khai; Bawipa ah a huham, küikyang ciah a hnün thawh, la cäicat vai a bi gui cu mi hta ng’shon am mi m’thein gui khai.

SAM 77:11

Küikyang ciah na hnün thawh cu ka shum ba khai nei, Bawipa; Zan ä na bi ah cäi aih vai gui cu ka khü ba khai nei.

SAM 71:17

Ka hmaw sang ung tün ne angtäi sei na na m’htei ci, cäicat vai ah na hnün thawh ah mawng cu ka pyen lä ci nei.

SAM 40:5

O Bawipa, kami Khanpughi, Nang naw keimi ah khan ah akda na bi ci nei; Nang ah mäih a u kä om ci nei; Kei naw khei ne kä ka pyen hlawk yawp vai ah, cun gui cu da aih ci nei.

2 SHONTÄP NAK 26:7

Ani naw Philistin gui, Kurbaala ung om ciah Arab gui la Meunit gui a hnim gui vai ah Khanpughi naw bawm ci.

2 SHONTÄP NAK 17:11

Philistin amshah gui naw ngui akda la m’cümhnak nak gui thak lawk ci gui, Arab amshah gui naw htawme 7,700 la, me 7,700 ci thak law ci gui.

1 GHANGPUGHANG GUI 10:15

Cun kawn ah Sumlei chang gui ah peit ah k’phlam gui, ami sumlei nak ung taang lawk ci gui, Arabian ghangpughang gui naw ami pek law gui, Israel khopäng gui ung uktu gui ah pek law gui cu gah ci.

KALATIAN 4:25

Hakar cu Arabia kho ah, Sinai m’htung ah hnün ung ng’düi ci. Ani naw tuhbäi khlei htein ah kyak ciah Jerusalem la acun ung chang gui cu dang sak ci.

KALATIAN 1:17

Ang düihpüi ah kya law ma ci gui, ka ng’shi gui khai ah Jerusalem ah phi kä ka hteit man ci. Ak htük bäih ah Arabia kho ah hteit netah Damaskas ah ka law ba ci.

ISAIAH 21:13

Shin cu Arabia ah mawng thumkhäh ah kya ci. Sing ah kä ghing nak Arabia khaw ung phung tu ne sumlei ne ng’hle-zatha awn ng’düm ciah nangmi Dedan chang gui.

1 KORIN 12:28

Khanpughi naw khrithabum ah kyong ung, ak htük bäih ah ang düih püi gui, ak hnih nak ah purofet gui, ak thum nak ah saya gui; cun kawn ah cäi aih vai m’dang ci gui, cun ah hnu ah gawpai ci gai sak nak ah hlüngtai nak om ci gui, pawchang m’hteihtang hning ci gui, m’shüm thein hning ci gui, kä hmat ah ng’thu ah thu nak thei gui a phäh phäh ah tüi m’hnüt gui ci.

LAMKTU 2:10

Pontus lah Asia; Phrikia lah Pamphilia; Egypt lah Sairin ah pei Libya ah ka gui ah mi kyak ci.

LAMKTU 2:12

Ngah mi cu ang’htei ah cäicat u ne tah, “Shin ah mawng cu a i hawk cha leng leng ang? cine ami mät ng’ce cäk ci gui.

LAMKTU 27:13

Htum lam ah kaa kho khi law khä tah, htinpaw ung chang gui cu ami ngaih bä ah kya lawk ciah ngai u ne, htinpaw awn Krete tui kam yawi gäk gäk ne hteit ci gui.