LAMKTU 2:10 - Cho Bible Common Language 2016

¹⁰ Pontus lah Asia; Phrikia lah Pamphilia; Egypt lah Sairin ah pei Libya ah ka gui ah mi kyak ci.

LAMKTU 2:10 Referans Kwoze

LAMKTU 16:6

Ngami cu Phrikia la Kalatia kho cu phlän ne hteit ci gui, a i ah kyasei ci ung Asia kho ung thu ami pyein vai ah Mumcha Theing naw lam kä m’shüm gui ci.

ZEKHARIAH 8:23

Cun ah hnüüp ung a khawhei chang, chang sing gha cu, Jew chang tumat ah law u neta, “Nang ah bä nak cu kami ng’pai tu hlük ci nei, a i ah kyasei ci ung, ‘Khanpughi cu nang awn atäng ah om ciah kami ng’yak ci nei, cik khai gui’” cik ci.

LAMKTU 18:23

A cu ah ak shou om netah, Kalatia kho la Phrikia kho yung ah hteit ne yum ciah chang gui am thamah nak pe gui ci.

LAMKTU 15:38

Cun ung phi Paul naw ami bi bi nak ang pyi güt ah kä hteh tu ah nawng en gui ne Pamphilia ung hlah ta gui te ci kyasei, ani khü tu ba vai cu kä yum ci.

LAMKTU 13:43

Pum nak ungka ami ng’pai law ba ung Judah chang gui la, Judah thung ungka ng’hlat lawk ciah chang akda naw Paul la Barnabas cu läk law goi ci gui. Ngami naw cun ah chang gui am, Khanpughi ah m’gein nak ung ami ghin vai ah m’cäi gui ci goi.

LAMKTU 13:13

Paul la a paw gui cu Paphos gawnu ungka htinpaw awn Pamphilia kho, Perka gawnu ah gawk ci gui. Acun ung Johan Makuh naw nawng gui shüt ne Jerusalem ah hteit ba ci.

ZEKHARIAH 8:20

Hlüngtai ciah Bawipa naw, “A mang gaw päng ungka chang gui Jerusalem ah ami ng’bum law nak vai ah, a khin cu gawk lawk ci nei.

2 TIMOTHI 1:17

Ani cu Rom gawnu ung a gawk law vai am, kä a na hmuh pha ah chuih kei cu na shui ci nei.

ROMAN 1:15

Rom gawnu ung nami om ciah nangmi am phi Thu Ni cu ng’shäu ne ka ning m’thein gui hlü aih ci nei.

LAMKTU 27:5

Cun ungka naw Cillicia la Pamphilia tuinu ung hteit u ne, Licia kho Mira ah kami gawk ci.

LAMKTU 14:24

Paul la Barnabas cu Pisilia kho a ni phlän kawn ah Pamphilia kho ah gawk ci goi.

LAMKTU 11:20

Cun ung phi Sairin la Saipras ah kaa yum ciah chang gui cu Antiok ah hteit u ne, Bawipa Jesuh Khrit ah mawng thuni cu chang pakhui hei gui am phi m’thein gui ci gui.

MAKUH 15:21

Cun yah ung lam ah Sairin kho ah kaa (Aleksandä la Rufus ah ani pa) Simon cu ana law sei k’pang u netah, Bawipa Jesuh ah kutlam tung cu kaw sak ci gui.

MATTHE 27:32

Ngami naw ami hteh püi nak lam ah Sairin kho ah kaa, Simon ming nak ciah chang tumat cu hmu u netah, ani cu ang cet ah khü u ne, Bawipa Jesuh ah kutlamtung cu kawh sak ci gui.

HOSEA 11:1

Bawipa naw pyen ci, “Israel cu a hmaw sangung kei naw ka m’hni ci. Ka hta ah tha ne Egypt khaw ah ka, ka khü law ba ci.

DANIEL 11:43

Ani naw Egypt naw a thuh ah m’kümkhawh ah kyak ciah ghui, ngui la ahei a phu küi khawh gui cu la yawp khai. Ani naw Lipya la Sudan khaw phi khäm khai.

EZEKIEL 30:5

“Cun ah ng’tuk nak ung Sudan, Lidia, Libia, Arabia, Kub ungka ami ng’vah gui ah gakap gui cu ngawn gui khai gui, ka mät ah chang ung ka gui phi ngawn gui khai gui.”

JEREMIAH 46:9

Thumkhän vä, ng’se gui cu hteit u sä yatha gui ng’phiui u sä! Gakap gui tüi vä: Sudan la Libya ung chang gui shawi kawt ci gui, Lydia ung likap thei gui!”

ATÜNNAK 12:10

Cun sang ung Kanaan khaw ah khaw yaw tuishek ci. Sheka law aih khäta Abram cu a htumtäng Egypt khaw ah a shäng om tuk khai ah hteit ci.

THU PHLAAN 11:8

Ami gook cu ami Bawipa kutlamtung ung ami ngawn nak ah mang gaw, lam k’cawih ung ng’yän shüt khai. Cun ah mang gaw ah ming m’hlün cu Sodom, kä cun ung Egypt ah kyak khai.

ROMAN 1:7

Cun ah kyasei Khanpughi naw ning m’hni gui ne a ning khü gui pyi ah Rom Khrithabum am shin ah ca cu ka ning guk law gui nei. Mi Pa Khanpughi la Bawipa Jesuh Khrit naw m’geinsei nak la dimdeeih nak cu ning pe gui sä.

LAMKTU 28:15

Rom ah om ciah yum ciah chang gui naw kami gawk cu ng’ya u netah, Appius Market ah phi bäi, kami kai nak im tung thum ah khüt law ne phi bäi, na dou law gui ci gui. Ngami cu Paul naw hmu gui netah, Khanpughi m’hlüng m’tai ne k’tha mah law ba ci.

LAMKTU 18:2

Cun ah gawnu ah Pontus kho ah kaa Akuila ming nak ciah Judah chang tumat la ak chu Priscillacun awn ng’hmuk ci gui. Ngahni cu ghangpughang Klaudius naw, Roman ungka Judah chang avan a hteh ba vai ah k’bäi ne pyein sei Itali ah kaa law ba thai ci goi ah kia ci.

LAMKTU 13:1

Antiok khrithabum kyong ung prophet gui la saya gui akda om ci gui: Cun gui cu; Barnabas, Simeon (Pa Le ah phi ami khü) Sairin ah kaa Lucius, Herod Antipas ah a püi Manaen, la Soul ah kyak ci.

LAMKTU 6:9

Cunung phi ani cu Sairin lah Alexandria ah ka, Jew chang gui mah ah pum im ung ka, päiye chang gui naw hnu ng’tuk püi ci gui. Acun gui lah Cilicia lah Asia ah ka, Jew chang gui naw Stephen cu ng’küüngneet püi ci gui.

LAMKTU 6:5

Cun ah ami cicu aming khah püi gui avan naw yum yawp ci gui. Ngami naw Mumcha Theing awn be neh ng’düng nak om ciah Stephen cu ghü htük ci gui. Cun kawn ah Philip, Prochorus, Nicanor, Timon, Parmenas lah ak khui hei, Antiok ah ka, Jew thungman yum tuk ciah Nicolaus gui cu ghü gui ci gui.

MATTHE 2:15

Cun ah mawng gui cu, “Ka Htapa cu Ejip kho ah kaa, ka law püi ba ci,” ciah profet gui ung gawk lawk ciah Khanpughi ah ng’thu aküm nak ah kyak ci.

ESTA 8:17

Mang gaw la khopäng avan ung, ghangpughang ah thu ng’shäu ami phat nak päng ung, ei awk nak la yeikyai nak awn lünlawi ne, ng’chiin nak cu Jew chang gui naw bik ci gui. Ahei chang gui akda naw Jew chang gui cu kyih law gui u ne, Judah gui ah yum nak cu yum law tuk ci gui.

LAMKTU 23:11

Acun mü Khanpughi cu Paul ah ma ah ng’düi netah, “Kä na kyih vai, nang cu Jerusalem ung kei ah mawng na saksi ah mäih ah Rom ung phi na saksi ba khai nei” cine pyen nak ci.

MATTHE 23:15

“Thuvi ciah ah pharisee gui la thukhän saya gui, nangmi ung thüisei nak om ci. Chang tumat a yum law tu vai ah tui kat ne, ng’yung khum ne nami hteit ci. Zum nak ung nami m’hluh tu kawn ah, cun ah chang cu, nami mät ah mä a goi ah shekat pi ne, m’htei kho ah hteit ciah nik khai ah nami pyang ci.

LAMKTU 2:11

Am shah gui cu Rom ah ka lawk ci gui ah Judah chang gui lah Judah thung ah om tuk ci gui ah akhui hei chang gui ah kyak ci. Amshah gui cu Krete lah Arabia chang gui ah kyak ci. Cun ung phi chang avan naw, Khanpughi ah bä khäk nak ah mawng ami ng’thu pyein cu, mi mät ah ng’thu phäh phäh awn mi ng’yak ci nei” ci ne kiak ci gui.

LAMKTU 17:21

(Athens chang gui la a kho hei ah kaa lawk ciah ami khin gui cu, cun ah thu thai gui ami ngaih yaak, ami pyeinsak nak awn a khin ng’pyi sak ci gui.)