LAMKTU 2:1 - Cho Bible Common Language 2016

¹ Pentekos hnüüp ung yum ciah chang gui cu hmun ät ung a täng ah ng’bum ci gui.

LAMKTU 2:1 Referans Kwoze

ROMAN 15:6

Cun ung vah nang mi naw mi Bawipa Jesuh Khrit ah Pa, Khanpughi cu k’aw tumat awn a kawng ät ah nami m’hlüngtai khai.

PHILIPPIAN 2:2

Cun ah kya sei a täng ah nami ngaih-tüh nak, nami yum hni nak la nami m’lung ngaih a kawng ät nak awn, kei cu kümbe khai ah nami na yeikyai sak vai ah ka pyein hlük ci.

PHILIPPIAN 1:27

Tuk bäi ak küikyang pi cu Bawi Khrit ah Thu Ni awn ng’müi khai ah nami ghin om vai ah kyak ci. Cun ah kya sei kei ka law ba hlawt ung phi, kä ka law ba hlawt ung phi, Thu Ni yum nak ung, tumat ah khäng khai ah m’lung ngai u ne, ng’bü nak ung tumat ah htek khai ah ng’düi u ne, khüighaat ne nami kyak ah mawng cu ka ng’ya hlük ci nei.

1 KORIN 16:8

Pentekos hnüüp ung khüt sei, Ephesus gawnu ah ka om khai nei.

ZEPHANIAH 3:9

“Cun kawn ah changpakhui gui cu ka ng’thawng sak gui khai, ngami cu kei bang ah taigü khai gui, ahei khanpughi ah kä taigü khai gui. Ngami ami van naw na ngai khai gui.

LAMKTU 4:32

Yum ciah chang gui cu ami m’lung ngaih kawng ät u neh, a u naw phi amät ah khawh cham cu aka ah käm tung sei, ami khawh cham avan cu ami ka ghawm ah ngai ci gui.

PHYAWN NAK 23:16

“Geit tün ne nami khäm law vai ung geit khäm pawi nami bi vai. “Khaw hting khaw ah geit khäm pawi nami bi vai, nami law chaam ungka geit avui atheih nami m’seh law vai ung ah kyak khai.

LAMKTU 20:16

Paul cu Asia kho ah ak shou kä om hlü netah Ephesus sun pah ne htinpaw awn hteh vai ah k’bäi ci. Ani cu Jerusalem ah Pentekos hnüüp pha vai ah ak yang ah hteit ci.

LAMKTU 4:24

Cun ah ng’thu cu ng’yah u ne tah yum ciah chang gui cu bum u neh, “Khankho lah khomdek, tuinu lah ak ghing om avan tüi pyang ne uk ciah Khanpughi,

JEREMIAH 32:39

Ami mät la ami htangshong ah nikyäp nak vai ah ami na kyih aa thei vai ah: ngami am ami ghin nak ah bünak atumat bäng ka pek khai.

PHYAWN NAK 34:22

“Nami geit tün ne nami khäm law vai ung Geit Khäm Pawi nami bi vai. Khaw hting khaw ah nami geit khäm ne nami m’kawn yawp ung Geit M’seh Pawi nami bi vai.

LAMKTU 5:12

Ang düihpüi gui naw chang gui ah ma ah cäi aih gui vai la ngaih khit gui vai akda m’dang ci gui. Zum ciah chang gui ami van cu Solomon ah k’caw ah ng’bum ci gui.

2 SHONTÄP NAK 30:12

Khanpughi cu Judah kho ung phi bii bi ne, Ghangpughang la a uktubawi gui ah thumkhän ami läk nak awn ani ah ang yakhlü ngai ne ami kawng ät vai ah bik ci.

SAM 133:1

Khanpughi ah chang gui m’lung ngaih ät sei atäng ah om cu, cäicat aih vai, yeikyai aih vai kyak ci nei!

LAMKTU 2:46

Ngah mi cu ak hnüüp tä seih pum im ah ng’bum ci gui. Ami im gui ung phi m’lung neim nak lah, yeikyai nak awn a täng ah vun vai ne ei awk ci gui.

LAMKTU 1:5

Johan naw tui awn hnim nak pek ci, cun ung phi nang mi cu kä sho pha seih Mumcha Theing awn hnim nak na mi gah khai” ci neh m’cäi gui ci.

LAMKTU 1:8

Cun ung phi na mi khan ah Mumcha Theing a kyum law ah a kyak ung, nang mi cu hlüng tai nak awn nami be khai. Cun kawn ah nang mi cu Jerusalem, Judea, Samaria lah khaw cawi ah khüt neh kei ah mawng pyein ciah saksi ah nami kyak khai” ci neh kyak na gui ci.

LAMKTU 4:31

Ami taigü yawp vai am cun ah ami taigu nak ah hmun cu ng’tum ne thüng ci. Ngah mi cu ami van Mumcha Theing awn be u ne tah, Khanpughi ah ng’thu cu thamah nak awn pyein sak ci gui.