LAMKTU 19:9 - Cho Bible Common Language 2016

⁹ Cun ung phi chang amshah gui cu ami m’lung m’sing sei kä yum u ne, chang khli ah ng’lung ah Bawipa ah lam ah mawng cu pyein m’sheet ci gui. Cun ah kyasei paul naw yum ci gui cu khah püi gui ne, ngami gui cu hteh ta gui netah, Tirannus ah ng’thei im kyong ung ak hnüüp tä sei ng’thu ng’ge püi gui ci.

LAMKTU 19:9 Referans Kwoze

LAMKTU 19:23

Cun yah ung Ephesus ah Bawipa ah mawnglam ah hmawk ah thüngkyüng thüngphyong nak om ci.

LAMKTU 9:2

Bawipa ah hnu läk ciah hnumi, pami avan a hmuh ung phah neh Jerusalem ah alaw püi nak hning vai ah ap nak ah ca cu, Damaskas ah pum im gui ah ami guk vai ah vah pyein ci.

2 PETER 2:12

Cun ah chang gui cu phaa vai, ngawn vai ah ng’tüi ciah k’pyamasa ah mäih ah kyak ci gui, a i kä ami hmat su ah päipih nak om ci. Ngami cu a i kä hmat ciah k’pyamasa ah mäih ah dimaih khai gui.

LAMKTU 14:4

Cun ah gawnu ung om ciah chang gui cu k’hnih ah ng’pai ci gui, am shah cu Judah chang gui lam ah kya tuk ci gui, amshah cu Ang düihpüi gui lam ah kya tuk ci gui.

JUDE 1:10

Cun ung phi shin ah chang gui naw ami mät ah kä hmuhmat phung cu ng’yo m’sho ci gui. K’pyamaa khisa gui ah mäih ah, ami nupuk m’lung ngaih awn ami hmuhmat naw phi ami mät cu dimaih sak gui ci.

2 PETER 2:2

Cun ung phi chang akda naw shekak ciah ami lam cu läk khai nei. A i ah kyasei ci ung ngami ah bilawh nak awn chang a hei gui naw thucim ah lam cu päipih khai gui nei.

HEBRU 3:13

Nangmi cu cheishoh nak ung kä thuvi ne kä nami lingkheng-en vai ah, cacim theing naw “tuhngawi” ciah thu anam thein nak gui a om ah chuih, ak hnüüp tä sei tumat la tumat anmi hteinghtang tu vai nei.

1 TIMOTHI 6:5

gui cu ng’lih pyou sak ci. Cun ah om ih ciah chang gui cu ami lung ngaih hnga sei, thu düng caciim kä hmat ci gui ah kiak ci. Ngami naw yum nak ah lam cu bühmang nak ah lam ah ngai ci gui.

ROMAN 11:7

Cun ah kya sei a i ah pyein vai ang! Israel chang gui naw ami shui cu kä hmuk hlawt ci gui nei. Cun ah ami shui cu Khanpughi ah ghü, chang apihta bäng naw hmu hlawt ci gui nei; k’pawih ba ciah chang gui naw Khanpughi ah ng’khü k’aw cu kä ng’yak ci gui nei.

ROMAN 9:18

Cun ah kya sei Khanpughi naw ak chimgein hlü cu chimgein ne, a lingkeng sak hlü cu lingkeng sak ci.

LAMKTU 22:4

Kei naw Bawipa Jesuh ah lam läk ciah chang gui cu ngawn gui haw ne kak’dudeiu na gui man ci. Hnumi gui, k’pami gui akda pha gui ne Thawng ung phi ka chum gui man ci.

LAMKTU 7:51

Stephen naw, “Nang mi cu nami ling aih aih ci, na mi m’lung naw Khanpughi kä yum hlawt ci, Khanpughi ah ng’thu phi kä nami yum hlük ci, nang mi cu nami pupa gui ah mäih ah Mumcha Theing cu ang täi sei nami hnu nak ci nei,

2 TIMOTHI 4:2

Cun ah kyasei akhin a om ung phi, kä a om ung phi Thu Ni cu na pyein vai nei. Na thu ngai yak ci gui cu ami katnak dang sak gui ä, m’cäi gui ä, thagui pe gui ä, hnimgein nak awn m’theithang gui ä.

2 TIMOTHI 3:5

Ngahmi cu ami khan shai awn ami yum tu ung phi, ak-cang ah hlüngtai nak ah mawng cu hnu ng’tuk püi khai gui nei. Cun ah mäih ah chang gui cu na hlawi gui vai nei.

2 TIMOTHI 1:15

Na hmat pyi ah mäih ah Asia khopäng, Phigelus la Hermogenes gawnu gui ung chang gui naw kei cu na hnu na pyi ci gui nei.

LAMKTU 28:22

Cun ung phi chang akda naw, a hawi hawi baw, nang ah pati ah mawng cu hnu ng’tuk püi ne ng’thu ci gui nei. Cun ah kya sei nang ah pati ah mawng cu keimi naw phi kami ng’ya tu hlük ci nei” cik ci gui.

LAMKTU 24:21

Kä cun ung phi kei naw kawngsi ah m’hlan ne ka pyein tuba yah ung, “Kei naw sik ciah chang gui tho ba khai ciah ka ngaih u ah hmawk ah tuk ngawi nami na cet ah kyak ci nei” cine m’lau ne ka pyein ah kawn ah a hei ka hma nak a om ah ngami naw tuk bäi pyein u sä” cine pyein ci.

LAMKTU 20:31

Cun ah kyasei kei naw nang mi am kho kum thum pum ung amü ak hnüüp, ka ng’phli tui kya law sei, ka ning m’theithang gui cu nami shüm ba khenggeng vai nei.

LAMKTU 19:30

Paul naw cun ah chang gui cu amät naw hmu gui hlük ci, cun ung phi yum ciah ak chang gui naw maa nak ci gui.

LAMKTU 17:4

Chang amshah gui cu Paul ah thu pyein yum u ne Paul la Silas ah chang ah kya lawk ci gui. Acun ah mäih ah Khanpughi yum ciah Krik chang akda gui la hnumi ng’vai gui cu ngahni ah chang ah kya lawk ci gui.

LAMKTU 11:26

Ani cu hmuh netah Antiok khaw ah law sei, ngami cu a khokum pum khrithabum gui awn ng’hmuh u ne, chang akda cu m’theithang ci goi. Bawipa yum ciah chang gui ak htük bäih ah Khritha ah ami khü nak gui cu Antiok gawnu ah kyak ci.

JOHAN 12:40

“Khanpughi naw ami mik m’dauh sak gui ne ami m’lung khai pe gui ci nei, Cun ah kyasei, ami mik naw a i kä hmuk ci, ami m’lung naw a i kä hmat ci nei, Kei naw ka gai sak gui vai ah Kei ah om nak ah a u phi kä law ba ci nei, cine Khanpughi naw pyein ci” ciah guk ci.

MATTHE 26:55

Cun kawn ah Bawipa Jesuh naw, chang gui-am, “Nangmi cu m’gut ei pha ah mäih ah kei nami na phak khai ah, htung tawn ni khim ni kawt ne nami lawk ci ma? Kei naw ak hnüüp tä pum im ung ngo ne kam theithang yah ung nangmi naw kei kä nami na phak ci maw?

MATTHE 16:4

Tuhchü chang gui cu ang htei ah shetkat u ne, düng nak kä om aih ci gui nei. Nangmi naw cäi aih vai nami thäh ci, cun ung phi Jonah ah m’dang ah cäi aih vai ah kawn ah a i nami hmuh vai kä om ci nei,” cine pyen na gui ci. Cun kawn ah Bawipa Jesuh cu pawng ne a hei lam ah hteit ba ci.

MATTHE 15:14

Cun ah kyasei ngami ah hmawk ah kä nami ng’ä vai, ngami cu amik käm dei ci lam shüm tuk ciah amik m’dauh gui ah kyak ci gui. Amik m’dauh naw amik m’dauh cu lam am shüm ah a kyak ung, ani nik hnih cu m’ghawng ah lut khai goi nei,” cine m’cäi gui ci.

JEREMIAH 19:15

m’gäi ciah Bawipa, Israel khanpughi naw ana pyen sak cu chang avan am ka m’thein gui ci. Kei naw ka pyen cu, “kei naw shin ah mang gaw la a pei yung ah gaw nu nü ah khan ah kei naw ka bi vai ah ka pyen ah m’kyuk nak avan cu ka law püi khai, a i ah kyasei ci ung nangmi cu nami m’lung liing sei kei ah ng’thu kä nami ngaih ah phäh ah kyak ci.

JEREMIAH 7:26

Cun ung phi a u naw phi kä na ngai ci, a i ah kä na sui ci. Cun nak vaisü ung nangmi cu ling law pi u ne, nami pupa gui ah ta nami hnungtuk law pi ci.

ISAIAH 8:14

Kyihcat vai ah ka theingciim nak ah hmawk ah kei cu chang gui naw ng’vawn ne ami ng’täät nak ah lung awn ka tang ci; kei cu cun ah ka kyak ci, acun naw Judah la Israel uknak khaw ung chang gui la Jerusalem ung chang gui cu pha gui khai.

NG'THU K'THUUK~ 8:34

Kei na ngai ciah chang cu — A hnüüp tä ka m’kawt pei ah ng’düi ne, ka im kawt ung lut khai ah ngäng ciah chang cu yeikyai nak om khai.

SAM 95:8

“Kä nami ling aih vai nei, nami pupa gui Meribah ung ami kyak ah mäih ah, cu hnüüp ung Massah bung ah ami om ah mäih ah kä nami kyak vai nei.

NEHEMIAH 9:29

Na m’theingthang gui ami läk vai ah thu na k’bäi gui ci, cun ung phi, na thukhän k’pan cu ghin nak ah lam ah kya pang sei phi, Ngami naw chang ah ng’shei ne na thukhän cu hnungtuk ci gui. Lingkeng u ne, ami m’lung ling ne, na thu ngaih vai ah mak ci gui.

2 SHONTÄP NAK 36:16

Cun ung phi ngami naw Khanpughi ah ng’shächang gui cu päipih u ne, ang thu cu a i ah kä ngai u ne, a prophet gui cu gaih tuk ci gui, ak hnu ah Bawipa ah m’lungshe nak ak chang gui hnungtuk püi cicu dämduh aih sei, phyawn nak kä om ba ci.

2 SHONTÄP NAK 30:8

Ngami ah mäih ah nami m’lung kä ling en sä, Bawipa ah thu ngai u ne, Bawipa nami Khanpughi naw ang täih ah a theingcim sak ah Jerusalem Taigüim ah law u ne, nami khawihnah vai, cun ung nangmi ah khan ah ani kä m’lungshe ba khai.

2 GHANGPUGHANG GUI 17:14

Cun ung phi ngami naw kä ngai ci gui; ngami cu ami Khanpughi Bawipa kä ngaih u ci gui ah ami pupa gui ah mäih ah ami m’lung ling ci nei.

1 KORIN 16:9

A cu ah kei na hnu ng’tuk püi ci akda om pang sei phi, a khuut bi nak vai a khin akni om ci nei.